شوقي حدر عوج المحاني رزيمه =رعاد هملول السحايب اليا هاج
بعيوني الثنتين غيمه وغيمه=اللي قزحها طبعاً حجاج وحجاج
عليك ياللي ماتقلد حليمه=ولا زينها زين اصطناعي ومكياج
امن الحياء كنه تخّتْل يتيمه=ولفاقداته مذهبه طب وعلاج
منسوعها كنه شليل الحشيمه=قدام شق مسوبعٍ تقل مدراج
موتٍ محقق وان تخطت جريمه=ملبوسها الضافي تقل يدرج ادراج
لاياعيون اللي تنهض عديمه=لارفرفت ترقى صطر تقل ميراج
تذوب بالبسمه شفاها السليمه=ويسترسل اللولو سناء دره ازواج
تعلقت به من جماله حريمه=كن العواتق بارقٍ والنحر عاج
روس الاصابع يوم لبسه تقيمه=جمّار حمْباز المسايل بلولاج
لو ابعدت تبقى بقلبي مقيمه=هي صاحبة قصة غرامي والاخراج