أبــتــســامــه , لـــقـــاك , أوٌل , دمـــعـــه , وآخــره

لا تنشدوني عن اللي ذكره ابكاني=لا تنشدوني مدام الناس مجتمعه
الجرح الاول يهون وجرحه الثاني=يلفٌني لفٌة العاصوف لصٌمعه
ذكرآه حيٌه ودمعي جرٌح اجفاني=وذريف عيني يشابه ذرفة الشمعه
والدمع في حال يشبه مال الانساني=تبذيره بساع لاكن ياصعٌب جمعه
خلاني بقمٌة الأحزان واشقاني=وخلُيته بقمٌة الأعتاب له سمعه
ماني بناسيه لو انٌه تناساني=مدام للبرق نوض وللذهب لمعه
مسكانه بعين من حبٌه ومسكاني=في عالية نجد والمسكان به طمعه
جيت اتماكن وصاله مير ممداني=للي مهاويه عيٌا يرتخي سمعه
تقول وصله مع الوقت ايتحدٌاني=بس اتحرٌى من الجمعه ليا الجمعه
ابقضي اسنين عمري منٌه آعاني=ماهي بلحية ضنون وهقوه ورمعه
صارت وبقولها وصح الله الساني=أوٌل لقاك أبتسامه وآخره دمعه

الموضوع الأصلي: أوٌل لـــقـــاك أبــتــســامــه وآخــره دمـــعـــه || الكاتب: مزيد المويس || المصدر: منتدى الجبلان الرسمي

المصدر: ::منتدى الجبلان الرسمي::