للقصيدة , مساجلات , الله , الجبلي , شبيب

مساجلات للقصيدة ضيف الله شبيب الجبلي

مساجلات للقصيدة ضيف الله شبيب الجبلي

أنا طلبت العلم يم المدينه !
وأشوفكم يا أهل المعزه على خير!
ومن يعشق العليا عسى الله يعينه !
أدعو لنا يا أهل الوفا بالتياسير !
العلم درع من الدروع الحصينه !
يبني بيوت ويعطي الرجل تقدير !
أخير عندي من "كنوز" ثمينه !
أبطلبه لو يبعدن المشاوير!
أن سهل الله دربنا عارفينه !
يالله سهل ياولي المقادير !
شبيب هات الجيب صاف المكينه !
وبدل زيوته ياوريث المناعير !
نبي المدينه دار نور وسكينه !
ياعلها للغيث "مزن" مباكير !
أنا طلبت العلم يم المدينه !
أشوفكم يا أهل المعزه على خير !


ضيف الله شبيب

رد :حمود بن دبي على ضيف الله شبيب

ياهاجسي سطربيوت ثمينه
رتب بيوت ابداع كل المعايير
العلم للرجال قوه متينه
سلاح ذوحدين في كل تعبير
العلم عز للرجال الفطينه
واللي ينال العلم قاد الطوابير
الله يسهل درب راع المدينه
وانك توفق راعي الطيب بالخير
قرم يروم المجد ربي يعينه
ترفع له البيضاء بروس المشاهير
ضيف الله اللي كلنا خابرينه
كلمة هلا تسبق دخول المسايير
الفوز للي ماتهاون بدينه
والدين ينها الرجل عن كل تقصير


لــ حمود بن دبي


رد : هايف سعود الفغم على ضيف الله شبيب

من بغا العليا يشمر عن يمينه
والمعالي عادتك والله خبير
وطلب العليا والوهو بالمدينه
جعلك التوفيق والحظ الكبير
والصبر محمووخيره عارفينه
صاحبه لابد يفرح بالمصير
وانت ضيف الله معودنا السمينه
ماتهاب الصعب والدرب العسير
بالدراسه فزت وحنا خابرينه
وانت في عصر الجهل وحال يسير
ياولد شبيب فورك طالبينه
جعله في فوزك يبشرنا البشير

لــ هايف سعود الفغم

رد : فيصل بن شبلان على ضيف الله شبيب

حي الجواب اللي قريته بحينه

يومه لفاني من حفيد المشاهير

يا مرحبا والدرب خيره يمينه

وان قدر الله نستمع للتباشير

العلم تاج للعقول الذهينه

من يطلبه يرقى بروس الشناظير

يابو شبيب اقدم وللحق بينه

لا لا توانا وانت زبن المخاسير

الحر ينقا صيده بشوف عينه

واليا كفخ ما يلتفت للمعاسير

انصى البحر وابحر بمتن السفينه

واخذ العلوم اللي تحل التفاسير

وختامها ياهل العقول الفطينه

صلو على محمد عدد طاير يطير

لــ فيصل بن شبلان

رد : نغيمش بن تركي الزويكي على ضيف الله شبيب

يالي طلبت العلم يم المدينه
اطلب لك التوفيق يا عمدت مطير
والي يعشق العلم عاشت يمينه
يوصلك سوق مدورين المشاهير
والناس قيل ان الفضاء واصلينه
قالوه رواد الفضاء بالتقارير
والعبد تكتب قسمته في جبينه
ويرضى مقسوم الولي والتدابير
ويابو شبيب أخذ البيوت الوثينه
الي لهن بالوزن ثقل ومعايير
بدلت بالصمان ديرت جهينه
لعلها سفره ولك بالتسافير
دارن قبايلها بلي مع مزينه
يغنيك عنها رازق السرو والطير
وان ربع الصمان شفت الغبينه
والله لشوفك تمتر القار تمتير
لشوف منك القلب يفقد يقينه
مثل السجين مقزر الوقت تقزير
الا دور لطباين طبينه
تقضبك عند مصيدين العصافير

لــ نغيمش بن تركي الزويكي

الموضوع الأصلي: مساجلات للقصيدة ضيف الله شبيب الجبلي || الكاتب: فهد عيد الجبلي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::