ماجد , الدويش , السمدان , الشاعر , الشيخ , سعود , عبدالله , عجمي

الشاعر عبدالله سعود السمدان في الشيخ ماجد بن عجمي الدويش

الشاعر عبدالله سعود السمدان كتب هذه القصيده بالشيخ : ماجد بن عجمي الدويش عند زيارته لديوان صياح شايع أبوشيبه ......


شاعر لا منّه وقف عند المواقف يسد
يصخر جميع البيوت ويكحل اعيانها
حي الله اللي يشرّف كل بيت وبلد
يامرحبا في مطير وحيّ دوشانها
حياك يابن عجمي يالقرم وجه السعد
نسل الرجال الكرام اللي علا شانها
قومن ليا هللت بالحرب برق ورعد
مثل الطيور بمخالبها وجنحانها
قومن تورث قلوب الحاسدين الكمد
لا كبرت المشكلات وثار بركانها
ونعمن بصياح ابوشيبه بليا عدد
ساق الوفا والجماله واسرج حصانها
جمع رجال الشكاله والتزم بالوعد
من روس قومن مكاسبها بذرعانها
والليله انوارها شعت وزادت بعد
فرحت ديار الكويت بشوف ضيفانها
ضيفان من دار ابومتعب سعد من ورد
نهار تهقى العدا ويطيح ميزانها
عبدالله النادر وجنبه ولي العهد
نظراتهم كنها الطلقه ونيشانها
واليوم نحمد ولي العرش بامن ورغد
في ظل حكم الصباح وظل شيخانها
صباح الاحمد دوى العدوان واهل الحسد
كم طاغي جبهته عشوة لفرسانها
وولي عهده عضيده فاللقا مابرد
يركي على الكايده ويلين اركانها
ياجعل نون العيون الزايغه للرمد
اللي تدور دمار الدار وايمانها
وهذي مشاعر من اللي فالمواقف يسد
يصخر جميع البيوت ويقنص سمانها


الشاعر : عبدالله سعود السمدان

الموضوع الأصلي: الشاعر عبدالله سعود السمدان في الشيخ ماجد بن عجمي الدويش || الكاتب: فهد عيد الجبلي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

"كلنا لله راجعون"
اللهم ارحمني يوم لا يسمع لقلبي نبض وأرزقني بمن يدعو لي بعد وفاتي