عبدالله السالم اسعدتني بمرورك
واهديك هالقصيدة وهي للشاعر العقيد نهار الظريس الجبلي واكيد تعرفها وما يحتاج مبينه بتوقيعك .......
بادت سمار الهجن من كثر الادلاج = ما عاد يطرن العبث والجفالي
حطن لهن بين الحفيفين مسهاج = عليهن إللي يحتمون التوالي
بالليل نسري لين فجران ينباج = والصبح نمشي لين يقف الضلالي
رحنا عليهن والشحم مثل الأبراج = وجينا عليهن ناحلاتٍ هزالي
ظهورهن يبسن مثل حافت الصاج = ووسوطهن ما يقضبن الحبالي
يلوعهن من لايع القيض لهاج = والماء شرابه من محال لمحالي
في البر مثل الساج في وسط الأمواج = نوبٍ جنوب ونوب يصفق شمالي
أنا أبو نجلاء مودع الهجن سهاج = لا أخطت من الأقصى قمعت الموالي
في ربعي الجبلان عجلين الإفراج = بالضيق يرخص عندهم كل غالي
ياما حصل بضهورهن ضيق وحراج = وياما كسبنا فوقهن من حلالي
إليا غلبنا بالرخا كل هلباج = حنا نغبنه في سهوم المتالي
تقبل تحياتي .. الدكتور
|