ياحبيبي .. حط ايدك .. على قلبي

كنــــت أقــــول إن ضـــاقـــت الدنـــيـا تـوســـع
وأتســـأل ليــه ضاقت فـي عيونـي هالوسيعــه
ليـن شفت الخافق اللي حــب مـن جـد وتولــع
يحرمه وقته ووقته صـــارت أحزانـه طبيعيـه
منحرف حظي وأعرفه طول عمـــره ماتسنـع
من عرفت الشوق قاسي والهوى هذا صنيعـه
((ياحبيبي )) حـط يـدك فـوق هـالقلب وتسمـع
بس لا تســأل دخيلـــك ليـه دقــــاتـه سريعــــه
يـوم شفتـك والحكى عيــا يجـي مـدري تمنـــع
والسكوت اللي ملى الدنيـا مرافقنـي جميعــــه
شفتـــك داخـــل عروقي نما عشـــق وتربـــــع
يـــوم شفتــك والحياة القاسيـه صـارت بديعــه
كيـــف أعيش وبعدك أنفاسي بها موتـي تمتـع
كيــف وأحلامي غدت دونك كوابيـس شنيعـــه
والحزن أه أه يالحزن فيني به الخافـق تشبــع
ليــه حملنـي تناهيـــد وحمـــلٍ مــــا أستطيعـــه
اااااه من قلبي وانا أشوفه مع الوقـت يتقطـــع
يــأمر عيـــوني تهـل الدمـع وعيـــونـي تطيعـه
لـــو بقول اني بمـوت أن غبت وربي ماتصنـع
دامــه غيـــابـك لـه الأااام ولــوعـات فضيعــــه
انت في بالك يوم فراقك يوم عـــــادي مايلـوع
تراني حاسب غيابك يوم من عمـري فجيعــــه
ماتعبـــت؟؟ إلا تعبت وظلي ودروبـي تطــــوع
والزمن يحفـر مسافـــاتـي غرابيـل وخديعـــــه
والذنوب اللي معي نبض من اللوعـه تجــــزع
والخطى عشقـي ولكن مالقى لــــه مـن ذريعـه
والعــــذاب اللي من أهوالـه صـدري تصـــــدع
مانزع روحي من ضلوعي ولا خذهـــا وديعـه
مستحي من حبك اللي ضمه الصـدر وتنــــوع
مدري شايف ان الهوي فيني له سدودً منيعـه
وانت عشقك غير.. كل العشق لو ربعه توزع
كــل واحد ماعشق قلبـــك يبقـى لـه صريعــــه
عاد تدري لو هـــوي كـــل الخلايق لـك تجمـع
مايجي ذره من إحســـاسي مـدام انـك شفيعـه
ويازماني دامني ماقــوى على عنـادك تشجـع
وارسم جروحي وانا بشكي على رب الشريعه
يـــالله اني طالبك مــن قلـبٍ صافـي ويتضــرع
لا يـــجي بينه وبينـي بعــد وفـراق وقطيعـــــه
يــالله اني طالبـــك وإن ضاقـت الدنيـا توســــع
ليـــن تفرج والحيــاة تصيـر بوجـوده وسيعــه

الموضوع الأصلي: ياحبيبي .. حط ايدك .. على قلبي || الكاتب: گہٍـرستہآلهہ || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::