حرفً سطع بيـن الجواهـر لميعـه=وحرفً بسوق العرض يحتاج تلميـع
لولا السلع ماصار بالسـوق بيعـه=ولا شفت سعر السوم يفرق عن البيع
ولا حّمـل الله نفـس ماتستطيعـه=ولا ينكسر رجلً اربوعـه بواتيـع
والشاعر اللي كـل معنـى يطيعـه=له بصمةٍ تفرق علـى كـل توقيـع
هـذاك نبلـه بالمجالـس شفيـعـه=طبعـه وراثـي ماقبـل أي تطبيـع
واللي لهـا حبـك المعانـي طبيعـه=تختـال فبحـور المعانـي ينابـيـع
لا أقفى خريف العشق واقبل ربيعـه=تارد علـى نبـع المعانـي تقاطيـع
ماكل
رأيً واجـب أنـك تطيعـه=بعض السوالف كالهبايب مع الريـع
اللـي يبـي الفرقـا دواه القطيعـه=شالح قدر يصبر على مفارق فديـع
والواشي اللـي كـل سـرً يذيعـه=أنا هرج بي ؟ وانت قطّعك تقطيـع
والا ترى أهل الحظـوظ الوسيعـه=تفرق مبأديهم عن السـوم والبيـع