يارقيق المشاعر .. وين راح الحنـان
ليه ماشلت (( قلبٍ )) طاح قدام عينك
الزمن هو زمانـك والمكـان المكـان
واخر الشعر كلمه تسئلك عنك وينـك
من تقهويت صوتك سولف الزعفران
عاد وشلـون فنجـالٍ تمـده يمينـك
تذكر وشلون كنا والغلا كيـف كـان
يوم لاغبت عنك ما اسمع الا ونيينـك
اشعر بخوف مدري كنت احس بأمان
يكفي ان جيت يمك طار فيني حنينـك
اشكثر كنت وافي واقرب الناس خـان
بس اثق فيك حتى لو عيوني تدينـك
راحت سنين من عمري وعمرك ثمان
يوم شحت سنيني عوضتني سنينـك
زان عمري بقربك يعني الوقـت زان
حتى جرد القصايد ربعت فـي يدينـك
طول عمري وانا لاوي ذراع الهـوان
شفت يومك بعيني منهو يقدر يهينـك
لا اذكر اني نسيتك واذكرك من زمان
واذكر اني ضحيه بين قلبـي وبينـك
تدري وش جابني لك لاتقول الحنـان
جيت ابشيل (( قلبٍ )) طاح قدام عينك
\
/
\
/
|