يارضوخي / يا هواني في وصالك
ولاّ تِدْخلني حروب إبلا هـواده ..!
عِدّ شريط الماضي مع قلبٍ وفالـك
شف تفاصيلي ودقّـق بالإعـاده..!
كنت أقدّر طول بعـدك وإنشغالـك
وآتنفس وحدتي لجلـك زيـاده ..!
ياضميري خف ّ من كثر إرتحالـك
بين أحاسيس التخـاذل والإراده..!
من بداية مولديّ ..حتى..[ أنا لك]
مارس إحساسك معي مبدا الإباده..!
تغرس أضغاث الغثا في قلب هالـك
كم تجاهلت إحتياجي وإرتعـاده ..!
حتى حظي من عرف إني حلالـك
أزرع الأحلام و يَقْطِفْها عنـاده ..!
كل ضد ٍ شـد كلـي عنـد جالـك
أشربك وأشرق مراره فيك ساده..!
ياغبائك ليه تجـرح مـن عطالـك
قلب سيّر لـك قوافـل إنقيـاده..!
ما أتمنى غير سعـد الحـظ فالـك
مات في قلبي الغلا بعلن حـداده..!
لا تحنّ ولا تجـي مابـي سؤالـك
كيف أرضخلك وأنا تاج الرياده ..!
إنسنـي لاعـاد يطرينـي خيالـك
إحترقت ومابقـى إلا هالرمـاده..!
|