ياوجودي كل ماهب نسناس الشمال= وجد من حده زمانه على اللي مايبيه
وياوجودي كل ماضحيت ثمال الضلا ل=غفت عيني ولا ذقت شي مشتهيه
وجد من قفأ وهو في رجا كلمه تعال= والتفت من عقب ماقفأ ولأ احد لد فيه
وياعذابي لادنأ الليل من روس الجبال= وانتهى يوم من العمر ماعاد ابتديه
وانتي ابعد من سمأ الحلم وأوصـألك محال= يابعد من هل دمعي ضحا الفرقأ عليه
ياغناتي لاتحسبين دمعي يوم سأل= ضعف ولا خوف ولا كذا ولا كذيه
والله اني من رجال يضدون الرجال= لاكن الحظ الردي ساق دمعي كل ابيه
وش تبيني اقول عمن ترا ذبحي حلال= والخطا منه عليه صرت احبه واهتويه
عذرها لو ماتعذر مثل واضرب مثال= واحد مايعرف الحر الأ شقرو يشتويه
وان رجعنأ للتواصيف لله الكمال = لانتهى ليل المزااين جاتك تبديه
كنها غفل مع البدو طاويها الحيال= مايميز وصفها الا نبيه من نبيه
واهني اللي وصلها وذاق من الزلال= رشفه مع غفله الناس من فيها بفيه
وعزتي للي سواتي عشق ما لا يطال= ويوم طاله ضيع الحلم بين امه وابيه
يا اول احلام الطفوله على حد الخيال= الرجا بمن حما البيت من حمله بريه
حال دونك سيف عنتر وتاسع حول حال= بدر حاول حول دونك وانا ادعي هيه هيه
هية يلي غرك الحسن واطغأك الجمال= والله ان اموت ملقأ لوصافك شبيه
لو يسام الحسن والتيه بجنيه وريال= مابقأ في سوق غيرك لا ريال ولا جنيه
كيف اهدك للمقادير وانتي راس مال= راس مال ومال والمال مايعطى السفيه
حافظك حفظي لعيني ورمشيلك جلال= وانتي تشحين بالمأء وانا شفي مويه
شايف ظلمك وساكت وطال الليل طال= لاتركتي طعن قلبي وانا ماقلت ليه
لو بقأ للهيل صبر على فوح الدلال= مابقأ لقلبي صبر على شي يجيه
كنت احسب ان الغلا زال واثره لايزال= في الحشا ماكنه الا دخيل في الوجيه
ساقني حبك على الموت وسنيني هزال= والظروف اقسا من الظلم للعرض النديه
وانتي تسوقين عقلي على حد الهبال= تحسبين من بغأ شي يقدر يشتريه
ولنا ياوجد حالي وجود مايقال= وجد من ضحا بغاليه لارضأ والديه
وياوجودي ياول العمر قبل البس عقال= وجد من باع اخر العمر في رغبه ذويه
وياوجودي كل ماهب صوتك من شمال= وجد من حده زمانه على اللي مايبيه

الموضوع الأصلي: (( وجد من حده زمانه على اللي مايبيه ))),,, || الكاتب: أبومحمد || المصدر: منتدى الجبلان الرسمي

المصدر: ::منتدى الجبلان الرسمي::