يامساء الخير ياوجه المســره والســــــرور= يامساء الخـير ياحر بوجهه كل خير
ارحب ارحب ياطويل العمر نورت الحضور= في حضورك صارت الدنيا بوجهي لون غير
دام فيصل مسند الاسعاف مافينا قصــــــور= كاسب بذن الولي دعوة كبير مع صغير
كاسب دعوة ضرير به نزيف مع كسور= دعوة المحتاج في وقت يدور له مجير
وقاد صرح من صروح الخير في عزم غيور= قاد صرح من صروح الفخر في منصب وزير
والبشر فيهم كما نجم تفاخر بالظهور= والطموح اللي ليا نور كما البدر المنير
وانت مثل الشمس لاشعت تلاشى كل نور= يستنير الكون كله من ضيائك يستنير
تدري وش تعني مشاعرنا ووش يخفي الشعور؟؟؟= يخفي احساس بفكري في وصوفه يستحير
يكفي اسمك ياطويل العمر تاج مع زهور= فيصل انت النور في جو القصيم المستنير
من وطت رجلك ثراها حست بزهو وغرور= حست احساس عظيم وحست احساسن كبير
وكل شبر بك تباهى وكل شبر بك فخور=وانت من ساس عريق منبعه من كل خير
وانته اكبر من وصوفي واعذروني بالقصور=كله احساس وشعورن يكتبه صادق ضمير

الموضوع الأصلي: قصيدة بمناسبة زيارة سمو رئيس جمعية الهلال الأحمر السعودي || الكاتب: بعيد الهقاوي || المصدر: منتدى الجبلان الرسمي

المصدر: ::منتدى الجبلان الرسمي::