هذه رديه بين الشاعرين الكبيرين :
مفرح الظمني (رحمة الله ) و عبيسان الحميداني.
اعجبتني.......
فنقلتهاااا لكم.............
عسى تعجبكم...........؟؟؟؟
يقول مفرح:
وافقتني بسوق دعيج تمشـي وحدهـا .. كنها القايـد اللـي ماشـي للسريـه
رقرقت بالعيون وخامستنـي بيدهـا .. وقلت يا كامل الاوصاف سمي عليـه
يا سلامي على اللي تو غرر نهدهـا .. من بنات المدارس ما نقـول بدويـه
يا عيون اشقر جول الحباري صردها .. صاد وقم اربعين وكلهـن بضحويـه
او عنود من الرامي تقافـى جهدهـا .. زوعت يوم شافـت ناقـل البندقيـه
واهني من مشت له بالرضا في وعدها .. اشهد انه حضيض من تجي له هويـه
ورد عبيسان:
هاضني من تعرض له هنوف وعبدها .. مثل ما تعبـد الاصنـام بالجاهليـه
شافها وسط سوق ادعيج تمشي وحدها .. طار عقله وهي راحت بلا مدرويـه
ابك عندك بنات مطير ما اكثر عددها .. وش تبا يا
مفرح في
فتـاة حضريـه
اه ياللي عرفنا فصلهـا مـن بندهـا .. بنت ناس يفكـون الطلـب والغزيـه
في نهار الملاقى مثل اهلهـا ولدهـا .. يهدي الروح قـدام الجماعـه هديـه
ريحة المسك والريحان ريحة جسدها .. مثل ريح النفل وسط الفياض العذيـه
كان سمر الليالي ساعدت في سعدهـا .. نانسافر لـدار العـذب جـال الثنيـه
خذ مرد البيوت اللـي يكـدر نكدهـا .. احمد الله قضيت اللازم اللـي عليـه