10-02-2008, 08:08 PM
|
|
|
|
|
|
::+عضو شرف+::
|
|
|
|
|
|
|
لوني المفضل
Cadetblue
|
|
رقم العضوية : 185 |
|
تاريخ التسجيل : Apr 2007 |
|
فترة الأقامة : 6935 يوم |
|
أخر زيارة : 20-04-2008 (02:38 PM) |
|
المشاركات :
420 [
+
]
|
|
التقييم :
10 |
معدل التقييم :
 |
|
بيانات اضافيه [
+
] |
|
|
|
قصة المطيري مع ضيفه
قصة المطيري مع ضيفه..والضابط ..
حـسن المطيري شرطي يشتغل في مخفر وكان مستلم خفارة وجاه في ذاك اليوم ولد عمه واسمه الحميدي وكان الحميدي رجل كبير في السن وحسن كان في عز شبابه المهم قام حسن كعادة ابناء القبائل الكريمه بواجب الضيافة للحميدي وفي اثناء ذلك حضر الضابط المناوب ولم يجد حسن واقفا في خفارته رغم انه في نفس المكان ولكنه كان جالسا ، فدار
الحديث التالي :
الحديث التالي :
الضابط : ليش مخلي شغلك وقاعد ؟؟
حسـن : جاني رجال ولازم اقهويه
الضابط : والرجال مايدري ان هذا مكان شغل ؟؟
حسن : هذي عاداتنا وتقاليدنا في اكرام الضيف والضيف ماله مكان او زمان عند
العرب وبعدين هذا انا مارحت بعيد .. موجود
الضابط : زين خلص بسرعه وشوف شغلك بلا كلام فاضي
فقاطعهم الحميدي وقال يالربع انا اترخص ابمشي عندي اشغال (يبي يقصر الشر ولا
يريد لحسن المضرة )
فذهب الحميدي ونار حسن متأججة لما فعلة الضابط
فجات القصيدة بهده الابيات التاليه
يالحميدي كان طاري لك طواري ....... سل سيفك واسرجه صفرا اصيلة
الزمان الشين شفنالـه شـواري....... وان عصانا الوقت مابالوقت حيلة
نصبر لصكات دنيانـا جبـاري ....... حكمـة ماعندنـا فيهـا وسيلـة
كن في قلبي مثل زرق الشباري....... شب في جوفي مثل حامي المليلة
يوم اميز سلطة عيال الحـواري....... كيف نرضاها وحنا مـن قبيلـة
نمتثل لامر المولـد والبخـاري....... لامرهم ننصاع بنفـوس ذليلـة
وربعنا راحو مثل برق الحباري....... واصبح المقلـط لبيـاع البليلـة
وان سكتنا ليت تاكلنا الضواري....... خذ يمين الشرع مافينـا عقيلـة
والختام اعمار خلق الله عـواري....... من يموت بعز خير من الفشيلـة
الرد :
ياحسن ليتك بمـا فـي القلـب داري....... كـان ماشبيـت فـي راس الفتيلـة
راح وقت السيف وحـزام السـواري....... يـوم كلـن ساعـده تشفـي غليلـة
عقب صوت الخيل جا صوت البوراي....... وكل شـي جابـت الشركـه بديلـة
والفرس ماتلحـق الجيـب السفـاري....... وارد اليابـان يـوم فــر ويـلـه
والدبش ماعاد لـه بالسـوق شـاري....... ياخذونهـا منـك باسعـار قليـلـة
والجمل لو صاحبه جوعـان عـاري....... ماتسـاوي قيمتـه ثـوب وفنيـلـة
(((تحسب انك شيـخ لاقالـوا مطـاري....... راح وقتـك ياولـد وش تعتزيـلـه)))
يعتزي من راجـع البنـك العقـاري.......تاجـرن كـل العـزاوي تستويـلـه
ذاك شيخ شيوخ لو اصلـه بخـاري....... دام معـه فلـوس مايوجـد مثيـلـه
والزمان اللـي تبـي مالـه مـواري.......راح مـع جـدي وجـدك لا تخيلـه
مالك الا الصبـر يالنجـم الزهـاري.......عقب نورك حال من دونـه مخيلـه
والختـام اللـي يريـد الله جــاري....... مايـمـوت الادمــي والله كفيـلـة
منقول . . .
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|
|