أنا بنت ابوي

لو سمحت ابعد هناك
طفل عابث وش وراك
جاي باشعار الغزل
تبغى تبدا بي هواك

بس ظنك حيل خاب
عزتي فوق السحاب
مارضيت اتبع سراب

جيت اصحّح لك خطاك
الهوى عفّه ودين
ماهو لعبة عابثين
او مسلسل عاشقين

بس انا اعرف دواك
ايه انا بنت الرجال
والاصل واهل الفعال
للشعر عندي مثال
وانت خلك في عماك

قلت لي كلمات عذبه
واغنيه واشعار ذربه
تحسب ان البنت لعبه
تخضغ لكذبة غلاك

بس انا غير البنات
عندي مبدأ في الحياة
وعندي للعاشق سمات
ترتفع عن مستواااك

يالله اوصفني بغرور
لفّ من حولي ودور
قول: ماعندي شعور

واني مااستاهل عطاك
صورتي شوّه سماها
وحاول تخبي سناها
بس ماتقوى شذاها
بالعطر تقهر فضاك

انت جاهل في عيوني
وزهرتك ماهي بغصوني
ونجمتك ماهي فـ كوني
ونجمتي ماهي فـ سماك

حشمتي اجمل وصوفي
وكل عمري في حروفي
للوفا لي قلب يوفي
وانت فاشل في وفاك

مانت من ناسي وثوبي
والصدق اجمل عيوبي
ابعد وجنّب دروبي
الله يسهل خطااك
((فخرر لحماادين))

الموضوع الأصلي: أنا بنت ابوي || الكاتب: فخر الحمادين || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::