قصه بلا عنوااااان

أنا قبلك بلا معنى أنا قبلك بقايا إنسان ..

مسافر مالقى ديرة تعوض عن شقا بيته ..

غريبه صرت في قلبك أنا قصة بلا عنوان ..

كتبت الشعر مـن قلـبي وبدم الجرح خطـيته ..

غريبه هاذي الدنيا بها وافي وبهـا خوان ..

حسافه مامضى مني حسافه عمـرٍ أمضيته ..

شكيت الحب على قلبي علامه حطّـم الوجدان ..

سألت القـلب!! متى ياقلب؟ أشوفك صرت حبيته ..

كثيـر قلوب من حولك وأخبرك تعشق النسيان ..

لقيت الحب في نبضك وشعورٍ صادق أبـديته ..

لقيت الحب في نبضك زهورٍ تنبعث ريحان ..

سكنت الحـب في روحك وباقي الناس خليته ..

أنا جيتك أدور فيك مايروي ظما العطشان ..

لقيتك ظاميٍ قبلي وظما قلبي أرويته ..

حـفظت الشوق في قلبي ووصيته على الكتمان ..

لقـيت الشوق في قلبك على قلبي وضميته ..

كـتبت الشعـر في وصفـك قصايد كـلها ألحان ..

لجل أوصل حشا قـلبك كم مره تمنيتـه ..

أحبك كلمه معناها شعورٍ ممتـلي أشجان ..

أبي أكون ذاك اللي بـاسم قـلبـك تـبنيته ..

أبي عهد ووعـد منك توفي لي بلا نكران ..

ووعد مني تكون اللي من أقصى القلب حبيته ..

أنا اسعد بشـر عادي تولع في غرام إنسان ..

كتبت حبه على صدري ووسط القلب ضميته ..

بسافر في بحر حبك وأبيك تكون لي ربان ..

أموت ولايخون قلبي ولو خانك توطيّته ..

أبي أسكن وطن حبـك ترى مـليت هالاوطان ..

أبيك تكون ذاك اللي قصيدة عشق سميتـه

الموضوع الأصلي: قصه بلا عنوااااان || الكاتب: سعود777 || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::