الا ياطير يمهاجر رفض ذل الزمان وطار= الا يالله تاخذني حياة الذل ما آبيها
تعبت وتاهت افكاري بوقت يقهر الأحرار= مدام البوم والحصني تلاعب في مفاليها
ابي حريتي مثلك أطير ولا خشيت أخطار=وامتع ناظري بالأرض واللي عايش فيها
اخذت من الزمن حلوه وسقاني المر والأكدار=وعلمني أكون إنسان افكر في تواليها
عرفت ان الجهل نعمة بوقت يعمي الانظار=ولايبغى سوى ظل تخلى عن مباديها
ونا مقدر اساير لو اعيش العمر في امرار=مبادي الجدّ في دميّ بنبضاتي اغذيها
رفيع الراس مايخضع لغير الواحد القهار=اعيش بعزتي مهما الزمن حاول يطفيها
فلا يمكن يحقق مايبي عن طيب وإلا اجبار=غسلت ايدي ولا ابي منه في يوم يلاقيها
تركته دونما آسف ولا فكرت باللي صار=حياة الحر ماتسوى اذا نفسه يوطيها
كثير من الملا يفخر بأنه حر كالأطيار=وهو مسجون سجن الذات داله في غناويها
يذل النفس لاجل الجاه فكره دوم في الدولار=يبي ياصل مثل غيره ولو بالذل يشريها
وينسى انه غدا خادم وصار العبد عن اصرار=يعيش ابلا كرامه لو وصل لأعلا معاليها
ونا اقسمت ما غيّر مبادي ترثة الأخيار=لأني عارف الدنيا ابرحل يوم واخليها