غرو نطحني يجر الغي ويل امه=مثل امي انه عذاب الروح مثل امي
عليه لبسني بليس الهوى عِمه=وبليس من قبل ابن خالي وابن عمي
ياليت منهو تلين في طرف كمه=اليا تبدد طرف كمه على كمي
غرو ذبحني وانا من لحمه ودمه=وش بقّى للي ماهو من لحمي ودمي
يا عين شيهانه في عالي القمه=قامت لريش ريش البرق ما قمي
لو في بريقعها رحمة كاشف الغمه=ما كان زوّد سواد بريقعه غمي
الزين لاجاء زين ناقص تمه=والله لولاه حسن البيض ما تمي
زينٍ علي تغير وانعسر صمه=نسى حلاوي ليالٍ عسرها صمي
ومن صارلي في الرخا عبدٍ وانا عمه=لاجاء القصى صرت له عبدٍ وهو عمي
سقى الولي يوم انا دلو وهو جمّه=ما قد سقى كبدي الا صافي الجمي
يا لعنبوه ان مدحته كني اذمه=وغيره تمناني اقصدبه ولو ذمي
مدري على اسم القمر سموه يا يمه=ولا على اسم الغضي وجه القمر سِمّي