ليه الزعل ؟ والعذر وافي محله = وليه الجفا مادام قدمت الاسباب
مدام ماتدمح خطا كل زله = بكره تعيش العمر ماحولك اصحاب
كب الزعل والشوق بالقلب خله = وخل العتب في بعض الاحيان ينساب
ليتك تعاتبني على كل عله = حلو العتب لاصار من بين الاحباب
وشب الغلا والحب لا لا تفله = مادامني جيتك على الحب طلاب
خل الوفا دستورك بكل مله = ولم الصغير الي من الحزن مرتاب
الحب غايه وانت غايته كله = وخذني بقايا انسان من وجه الاغراب
أسف حبيبي والغلا ، لا تمله = يكفي جفاك اللي مع الوقت منصاب
وارجوك سيف البعد لا لا تسله = ماطاب لي جرحً من العام ماطاب
وان كان ناوي في فراقك مذله = الله معك والدرب ياسع له ابواب

وسلامت عيونكم

الموضوع الأصلي: ليـــــه الزعــــــل !! || الكاتب: فارس الجبلي || المصدر: منتدى الجبلان الرسمي

المصدر: ::منتدى الجبلان الرسمي::