عرض مشاركة واحدة
قديم 02-12-2010, 06:31 AM   #9
::عضو متواجد::


الصورة الرمزية اخوالجبلان
اخوالجبلان غير متواجد حالياً

بيانات اضافيه [ + ]
 رقم العضوية : 1774
 تاريخ التسجيل :  Aug 2008
 أخر زيارة : 30-09-2011 (03:36 AM)
 المشاركات : 123 [ + ]
 التقييم :  10
لوني المفضل : Cadetblue
افتراضي







خليف بن دواس المطيري شاعر من شعراء مطير العمالقة في المحاورة وصنفرة الشعراء وشاعر الملك خالد
بداية خليف عام 1388 هـ مع الشعراء العمالقة ولكن لم يكن في مستواهم وكان يتعلم منهم ويستفيد من خبرتهم ويحضر محاوراتهم
ومنهم معيض العجي الحربي ، والشاعر العملاق : محمد بن جرشان البقمي ،
وبعدهم توصل إلى الشاعر محمد الجبرتي السلمي ، وعبدالله بن مستور المسعودي
وحضر مواقف بين الشاعر فارع الهامل السلمي والشاعر دخيل الله بن مسعد القعياني المطيري
ومع حامد الحربي ومع حامد القرص الحربي
وكان يحضر للإستماع والنقد والتحليل والمشاركة مع أحد الشعراء ، وكان وقتها بعد كل محاورة يناقش النقاد المحاورة التي بين
جميع الشعراء والفتل والنقض بين الشعراء
ــ
ويقول عن سبب إبتعاد الشعراء عن مواجهته والهروب منه هو
(( الشاعر التاجر الفقير لايتسطيع يبيع ويشتري مع التاجر الغني ، وأعتقد التاجر الغني ثروته كثيره ، وعملته غاليه ويعتبر عملاق
وإذا كان الخصم من الأقزام ، القزم حتى لو كان يطاول نفسه يصير مثل العملاق يبقى هو نفسه لايكبر عظمه وجسمه
وأعتقد أن السلعة الغالية يكفي غلاها ، فطالما أنا أنزل جنيه فالسوق والشاعر اللي ضدي معه قرش فكيف القرش يشتري الجنيه
لو إن الشاعر عنده عمله غاليه مثل الجنيه كان شريته ))
ويقول عن أصعب مواقفه التي كانت بينه وبين الشاعر سعيد الذيابي أمام الملك خالد بن عبد العزيز
تقول المحاورة
سعيد الذيابي
سلام الله عليكم من ضمير دق به هوجاس ***** بعد جينا وجيتوا حولوا والأرض ممتده أنا بحطكم يامطير بين المقصرة والفاس ***** يموت اللي يموت وحيكم لارحم أبو جده
خليف بن دواس
هلا يامرحبا واللي نصاك خليف بن دواس ***** رماك الله يالسباح في غبّة بحر جدّه أخذ موس الحلاقة مد بعد أنك كشفت الراس ***** وحنا من يجينا معتدي ناطى على خدّه

ثم تدخل الملك خالد وقال (( ياولدي أنت تكلمت وأخطيت والمطيري خلصك مخلاص وافي وأنتم من قبائل معروف اللي فيها
وثلاث لاتقولون فيها شيء 1- النساء 2- القبائل 3- الدول
وكان وقتها سعيد الذيابي وقتها شاعر معتبر

وقال الملك خالد رحمه (( تعال ياخليف إلعب مع بن رمضان ))
بن رمضان = عبد الله بن رمضان المهنا من محافظة شقراء
وهو من الحاضرة وليس من البادية
وكان خليف يحتل الصدارة قبلها بــ 4 محاورات أمام الملك
وقال الملك خالد (( المطيري خلوه يبقى على مكرفونه ))
وكان يحتل الصدارة وكان متوهجا شعرا وقوة فكان يستحق لقب (( شاعر الملك خالد )) بكل جدارة وإستحقاق
وكان الشعراء الموجودين ليلتها
أحمد الناصر ، ناصر بن سرحان الشيباني ، محمد بن مالك البقمي ، سعيد الذيابي ، عبد الله بن مهنا ، وغيرهم من الشعراء
ـ
من محاوراته الجميله والقوية
محاورته مع فيصل الرياحي رحمهما الله
خليف بن دواس المطيري
الرياحي بقلبه على قالبه ***** معها الأسرار مقفولة أبوابها ***** في بطاقة سوا مع بطاقة ألو ***** برمجتها موانيث ومذكره يوم صنعاء وبيروت فك رقبه ***** ودي أعطيك غزه تمشى بها ***** زايد العاضية زين حامض حلو ***** وأنت ماعندك أحلى من السكره
فيصل الرياحي
الرياحي ترى بأعلى منصبه ***** كم علوم بقلبة ولاجابها وأكثر الناس صوب السهل حولو ***** وأنت ياخليف من ظهر رجل ومره وأبوطارق يبى واحد يضربه ***** وأنا ماجيت غزة وش أبغى بها ***** مانشدنا كثير العرب وش كلو ***** والمصنفر يدور على الصنفره

خليف بن دواس المطيري رحمة الله
إنقلب سابح البحر في قوربه ***** مثل هاك السفينة وركابها ***** مثل موسى مع الخضر يوم ركبوا ***** يسبح البحر ماجاب له جوهره النجم ساري الليل في الدبدبه ***** مع سلق طوق وتلاعب أذنابها ***** من جهل حرف ( لا ) ماعرف حرف ( لو ) ***** وأرض حره بدال أرض مستعمره

فيصل الرياحي رحمة الله
في السفينة وكل(ن) على مركبه ***** مير به ناس ماتقرب أبوابها جيت للسوق يوم العرب عزلوا ***** كأن دنياك تضحك على الآخره
ــ


وفي موقف آخر
كان الحضور فيه مطلق الثبيتي ومستور العصيمي ونياف السماري وحبيب العازمي
بدأ المحاورة وقال
أبسوق العصيمي ثم احطه فـي قفـاء نيـاف ***** وأبسوق الثبيتي ثم احطه فـي قفـاء مستـور وأبا دغدغ حبيب لين يضحك كامل الأوصاف ***** واحشره في قفاء مطلق يفرفر فرفرة عصفـور
فلم يقم أحد ثم أكملها وقال
كسيت برؤسهم وعطيتهم حرية الاطـراف ***** فصيلٍ متصل ماينفصل خابـور فـي خابـور يمين انظر يسار انظر وأمام انظر ولد اخلاف ***** كما قول الندرب للفصايل صوب خرك دور فصيل اثبت فصيل امتد وزحف وانته الزحاف ***** على ركبه وكوع ومع طريق الطائف المشهور
ــ
ومن محاوراته الأخيره محاورته مع ذيب الشمري
خليف بن دواس
ديار الكعك به والكاكي كولا وأسواق الببسي ***** تكّيف جمرّي ديرتكم بدعيّ ويهرّه تطّيب من خرايط المسك وبلّ الجسم واللبسي ***** نزلنا فوق الأربع والبعير يقاصع الجرّه
ذيب الشمري
عسى يالكعك مخطر ماتملّ الرفع والكبسي ***** وإذا ما أنت براضي لعن بو ذا الخشم والفرّه كثير الناس تستشهد في عفّة عنتر العبسي ***** لاشك خليف يبقى مثل علم الهرّ والهرّه
خليف بن دواس
بيع المتنطّرات اللي من الحبحب على التبسي ***** ولاغره ولاغره ولا غره ولا غره كلبشات الحرامي باليدين وداخل الحبسي ***** يبى يدخل ويشرب والضروس تقاظع المرّه
ـ
خليف بن دواس شاعر مثقف ويمتلك مخزون هائل من المعلومات التاريخية لكنه لم يأخذ حقه من الإعلام
ويتميز بتركيب أبياته وأسلوبه المرعب والمخليف أمام خصومه في أبياته في قوتها التي كانت مثل الصواعق على خصومه
ـ
يقول أحمد الناصر (( خليف يموت ولا لقى شاعره )) وخليف لم نرى شاعره ولم نرى شاعر يتماشى مع خليف على المعنى

توفى خليف بن دواس تاريخ 27 / 4 / 2009

واليكم بعض محاوراتة المباشرة مع الشعار

(محاورة مع شاعر عيضة البقمي )


[youtube]

[youtube]

[youtube]
كان كتبت وكتبت عنة الكثير والكثير

فهذا شاعر المحاورة الاول

اما عن شعر النضم فالجزل يبقى جزل شاعر بكل البحور

ومن قصائدة (الشامخة )








ياإلـه الكـون يـارازق العـذراء البتـول
روح من روحك بعرشك على مريـم وكيـل
رب من عبدٍٍٍٍٍ تحت مضلمت مـن لا جهـول
حل منزلتـه بعـد كيـد منسـوع الجديـل
يادويش مطير يبعـث بكـل امـه رسـول
ثـم ينشـد عنـه جبريـل قـدام اسرافيـل
وانت لك من عهد موسى على حسب الاصول
منزلـة هـارون قـدام موسـى يستقـيـل
لا تحسب انـك قصيـرٍ وبالمقبـل تطـول
تم طولك يفرع التمـر مـن روس النخيـل
يالدويش مطير اخيـر امـةٍ مهمـا نقـول
اخرجـت لنـاس والله علـى قولـه وكيـل
مانحـارب دولـه الا قواعـدهـا تــزول
ولا نناصـر دولـه الا وبيرقهـا الطـويـل
يادويش مطير خذ من بحـر مرجـان لـؤل
كـل ملـك يزيـل والله ملـكـه لا يـزيـل
الدويش اليا وقـف لا عليـه احـدٍ يطـول
عنه يقصر كل من طـال لـو انـه طويـل
ان جلس واحده ملا مجلسه في عرض طول
وان وقف طوله قصر عنـه راسٍ يستطيـل
وان وقف في ريع سده منع منـه الدخـول
وان صدم في ضلع هده على ضلـه ياميـل
ابتدابه عهد ابو بكـر مـن بعـد الرسـول
حارب المرتـد بالجـد والسيـف الصقيـل
وابتدابه من عمـر عقـل ميـزان العقـول
ابتدابـه مـن علـي بعـد عثمـان القتيـل
لو بنات قريـش لعبـن علـى دق الطبـول
مابكن مثله علـى الفخـر والمجـد النبيـل
عد ميه كعب في قرن وعـل مـن الوعـول
يعتبره العجل نبتـت علـى خرطـوم فيـل
واعلـن الاسـلام بشـرى وللله الكـمـول
مثل مـا اسحـاق بشـر براهيـم الخليـل
خالقيـن الابـل وملقحيـن بكـر حــول
قبل مايبـرك عليـه الفحـل تولـد فصيـل
سررو ماص العيـال البغـال مـن الخيـول
واصبحت خيلٍ لفريسهـا تصهـل صهيـل
بل اشد الهاجس اللـي مكنسـل بالخمـول
حوت لقمت حوت في ليل لقمه جـوف ليـل
قيمت التاريـخ كلـه بعـد ماسـرا نـزول
لا طفه من عاطفت قلبٍ علـى خـدٍ تسيـل
والشجاعه تاجها فوق روس اهـل الفعـول
والاوازم للرياحـيـل ماعنـهـا تـحـيـل
ان بغينـا نعلـن الحـرب دقينـا طـبـول
وان بغينـا نشعـل النـار ولا عنـا فتيـل
كـل شـيٍ ينتبـدل ليـا جــاز الـبـدول
غير شرب الماء لمن يشربـه مالـه بديـل





هذا والله ولي التوفيق مع تحيات اخو الجبلان







 

رد مع اقتباس
 
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95