مطبخ الاعضاء شارك معنا بصور طبخاتك .. شــاركونا متجدد

خلصت اختباراتي ..
باقي لي اختبار واحد يوم الأربعاء واخلص ..
اجل انا مثلكم كسلانه ..

والصور مامن صووور يادووووووووب ..
سوها لاهنت واعزم عليها وصورها ..>>دبستك ..
تراها سهله والله ..


(*قمــــرهم*)

وش الفايده هذي صفحة مطبخ لازم يكون فيه صور مقادير ومواعين طبخ والطبخة نفسها وكل شي
زي المطبخ يكون فيه كل شي
علاقة طرديه
مو بس مقادير وصلى الله وبارك
كذا مانتحمس الا اذا شفنا الصور
وموفقه في اختبارك الجاي وجميع اختباراتك وفالك الفل مارك *_*

لاتزعل يالدووووووب
هذي الصوره ..
بجد جربها بتحبها انا واثقه ..
ومشكور على الدعوه ..
ولك مثلها يارب ..


كن بحب الله/
(*قمــــرهم*)

شكلها يشهي
ان شاء الله اني اجربها
واحتمال كبير بكرا وانزل لكم الصور لو جربتها

يالربع مافيه جربوع محشي .. !

على الطاير ..

الله يعطيج الف عاااااااااااافيه يا قمرهم على الكيكه الاسفنجيه
انا اعرف اسوي كل الأكل إلا سولف الكيك ما يضبط معاي
وإن شاء الله اجربها
شجاع الهيت تبا جربوع محشي إن شاء الله عن قريب بطبخ لك جربوع محشي مفلفل
ما قصر بيعد الهقاوي عطاني المقادير وكيف اسلخ الجربوع ؟

المقادير
ملفوف متوسطة لاسرة مكونة من اربعة اشخاص
- ½ 2 كوب كبيرعيش مصري
- ½ كوب زيت ذرة
- نصف خاشوقه صغيرة بهارات
- ربع خاشوقه صغيرة فلفل
- 3 بصل كبير الحجم
- 2 حزمة بقدونس
- 1 حزمة شبت
- 2 خاشوقه صغيرة ملح
- 2 مكعب مرقة ماجي
- 4 حبات طماطم
- 2قوطي صلصلة طماطم
- ¼ كوب ماي

عيش مصري مغسل جيدا ولاتنقعينه بالمااء بس اغسليه وصفيه عن المااء

ينزع لب الملفوف وبينما انا انزع لب الملفوف استوت معركه هديت حيلي لين ما طلعت
وسبحان الله إلا اشوف اثنين من اعضاء المنتدى داخل الملفوف تتوقعون منوه من الاعضاء
اللي داخل الملفوف والحمدالله اني ما قصيتهم بسكين
ولا اغليتهم في الماي شفتوا كيف بنت زاااااااايد طيبه .
اترككم مع الصور

الملفوف قبل المعركه

ياجماعة هههههههههه نغمة حرب فظيعة كتير اصوات رصاص بكل انواعه ^_^ --------------- ×

هذا بعد حلا التبن لازم أذوقكم محشي ملفوف

طبعا انصدمت فيهم كيف دخلتوا في الملفوف

المهم نرجع لمحور حديثنا
نسلق الملفوف وبعدين نقطع على ويهها ارباع لتتخللها المياه في الماء مغلي

نحمس البصل والثوم في الزيت لين يستوي لون ذهبي ..

بس اللأسف الشديد احترق البصل والسبه بعيد الهقاوي ومطنوخ تضاربوا وكنت احاول اهدي بينهم

عقب نحط الطماطم وصلصه

والحين نحط البهارات والملح والشيت والبقدونيس

نخليه يطبخ حتى يتسبك الطمااطم

نضيف العيش المغسووول الي الصلصه

والحين بعد ما استوى

انيب الملفوف

نأخذ حبة المفلوف

ونقصها نصين

نحط العيش في الملفوف

نحطه في الجدر

بعد ما نخلص اللف هذا الشكل النهائي

نصب المرقه اللي جهزنهاا فوق الملفوف بس متغطين الورق الملفوف شوف

قبل مااتغطي الصلصه الورق بشوي

ويوم تنشف المرقه اشوي خففي الناار وخليهااا لين يستوى الورق

وهذا الشكل النهاااائي ولا ورقه مفتوحه

بالهناء والشفاء

تسلم هالايادي

محشي اللهانه او الملفووف صعب

ولاتسويه الا المحترفه مثلك

^ _ ^

تسلم يمنااك

اقتباس:
المشاركة الأصلية كتبت بواسطة * جمرة مطير *
تسلم هالايادي

محشي اللهانه او الملفووف صعب

ولاتسويه الا المحترفه مثلك

^ _ ^

تسلم يمنااك



الله يسلمج يا الغاليه
وتسلمين على الكلام الطيب

هذا بعد حلا التبن لازم أذوقكم محشي ملفوف

هـذا يصلح توقيع لي انا ومطنووووووووووووووووخ . وعلى فكرة ماشاءالله خطك جميل يابنت دار زايد !


أنا أيام دراستي كل المدرسين يكتبون لي ( حسن خط) ,كذلك أكثر من مرة تُرسل لي ملاحظة في عملي بخصوص خطي السيء!

أما حول إحراق البصل ,فإحراق البصل دائما يعطي طعما شهيا للأكل

ولكن حسب المعلومات لدي ان إحراق البصل من مسببات السرطان كفانا الله وإياكم شر هذا المرض الخطير.

الأخت الكريمة بنت دار زايد

عطاء لامحدود , وجهود رائعة بارك الله فيك

يعجبني طموحك انتي واختنا جمرة مطير في مطبخ المنتدى , وكنت أتمنى ان اشارككم ولكن, بعد الزواج (ماعاد أنا بعيد هقاوي) , أصبحت قريب الخطاوي وسوف أُعلن بعد فترة عن رغبتي ببيع إسمي المستعار لقصر خطوتي وعدم استطاعتي للصمود لاستحقاق هذا الإسم( وراح نشوف من يدفع أكثر هههههههههه)

بطبيعة الحال أنا لاأعرف مثل هذه الطخات ربما لأنني أسكن في هجر أو قرى وبعيدا عن أجواء المطاعم أو أن اكثر تواجدي يكون في (البران, والنفود, والإستراحات والمزارع) وهذه الأماكن تسوى عندي (خور دبي )(وسحال ينبع والغردقة) وتسوى عندي ا(لبلودان وجبل قاسيون).

أذكر في مرة من (المرارير) أنني لم أتناول وجبة عشاء في المنزل لمدة تتجاوز السنتين , وذلك بسبب (هياتتي وصياعتي في المزارع والإستراحات والمكاشيت), وحاولت ان أمارس هذه الهواية بعد الزواج إلا أنني (أخرج من هذا التحدي بإنذار من والدي الذي ينبهني بأنني متزوج, وبعين حمراء من وزارة الداخلية ) و (بركت في مكاني كما يبرك الجمل)

والجمل حيوان بري يصبر على الجوع والعطش اياما ، ويستطيع المشي على الرمل بكل سهولة ويسر .
ويربي البدو الجمل ، فهو سفينة الصحراء ، فينقل متاعهم ويساعدهم على الترحال من منطقة لاخرى .. والجمل حيوان اليف ، وكما يعلم سعادتكم ان الجمل يستمد طاقته من سنامه الذي يخزن فيه الكثير من الشحوم ، اما عيني الجمل ففيها طبقة مزدوجة تحمي العينين من الرمال والعواصف .