|
|
|
#1
27-01-2023, 11:21 PM
|
||||||||
|
||||||||
الشاعره منيره بنت صندل الخثل العوني
السلام عليكم ورحمة الله وبركاته من فتره طويله وانا اريد ان اكتب عن هذه الشاعره الجميله التي طواها النسيان لقلة حفظ الناس لقصائدها وهي لا تقل شاعريه عن قريناتها من الشاعرات ..بل من افضل الشاعرات في زمانها وبما ان الرجال في ذلك الزمن لا يقدرون شعر المراه والبعض منهم يرى انه عيب ولا يجوز ذكر قصائد النساء مما حد من انتشار قصائدهن بين الرجال وفي المجالس (وكانت التقاليد لها تأثير واضح في قمع قصائد النساء) وقد قدر ميلادها في منتصف القرن الثاني عشر هجري وعاشت حتى سن الثمانين نسبها هي منيره بنت صندل بن سعدي بن سعد بن عويد الخثـل من الخثوله من ذوي اصيمع بن علي من ذوي عون من العبادل من مطير وقد تزوجها ابن عمها ذاير بن صنيدل الخثل وانجبت منه الحميدي وسالم و بنت اسمها ذيره عرف عنها قوة الشخصيه والجمال و بلاغة القصيد والمعاني وعاشت في بيئه مليئه بالتغيرات لها الكثير من القصائد في مختلف الاتجاهات ... القصة الاولى # /في يوم من الايام وهي صغيره لم تتعدى عمر خمسة عشر سنه كانت تمشي ومرها راكب على ذلوله وقالها يا راعية الجديلة انتي منيره الخثـليه اللي يقولون انها شاعره .. وكانت صاحبة شعر طويل جداً لا تستطيع اخفاءه عن الناس .لدرجة ان جديلتها كانت تحت ركبتها بمسافه كبيره ..فقالت له لا ماني منيره التي تقصدها.. فقال لذلوله وهو يمسح على غارب الذلول.. حي ياذلولي لو تاطين على خد منيره فقالت منيره عسى ذلولك من فدايا منيره / اللي ثقيل الثوب يستر جسدها ما تشرب الا در بكِرن صغيره / في قزتاًً مشريتاً من بلدها والا الجديله فوق بنت ستيره / من صلب صندل ماتردا جهدها فحذف عليها بشته وقال تستاهلينه يالخثليه .. انتي شاعره وظفره وبنت عرب.. لو قلت الكلام هذه لشاعره غيرك كانت قالت في مطلع القصيده انت وذلولك من فدايا منيره ولا كنك اكرمتي شيبتي القصه الثانية # كانت تسرح في الغنم وكاعادة نساء الباديه تعطى حمار (او مايسمى بلهجة اهل نجد عار) اجلكم الله حتى تتنقل عليه مع الغنم و كانت عادات الباديه ان تكون البنت عند الغنم والولد عند البل حيث ان الغنم لا تذهب بعيداً والبل كانت مراعيها دائماً بعيده عن البيوت وفي يوم من الايام وهي مع الغنم تركت الحمار بعيد عن الغنم وكانت هي ايضاً بعيده عنه فأصاب الحمار ذعر غريب فهرب وهو يرمح حتى غاب عن شوفها فأرجعت الى اهلها وقالت العار هج ابي احد منكم يجيبه ويرده لي قبل ان يبتعد اكثر فقالو لها والله مانا برادينه حتى ولو كان فوق ضهره ذهب وش تبين يقولون عنا الجماعة فلان راح على عشان يرد العار والله الفضيحة روحي رديه انتي واختك والا عساه ما يرجع فقالت العار هج مع الخلا والبهم هاف / وعيباً على ابواني يردون عاري لا وهني من راح مع حم الاشعاف / جرد الرقاب مطيرات الحباري فرد عليها احد الجباريه من مطير وكان يقصد انها كفو ان ترعى البل حطو لمنيره ضلة(ن) فوق مهياف / وخلوها ترعى الذود مثل الجباري عسى غنمكم حولت فيها الاشعاف / اعيال مشعف حازمين الشباري فردت عليها قائله انها بنت قبيله لها عوايد وتقاليد والبنت لا يسمح لها ان ترعى البل خوفاً عليها لن البل تاخذ مسافه بعيده لكي ترعى وتذكره بأن العوايد واحده بينهم : اهل العوايد من مشاكيل الاسلاف/ ماخلو العيبه تدوج الصحاري وهذه عوايدنا وهي سلم واعراف / وانا مطيريه وترى انته مطاري القصة الثالثه # قصيده ابنها الحميدي ويرحب بها ويتمنا الغزو مع جماعته الخثوله وكان صغير في العمر ولا تريد ان تتركه يذهب معهم بسبب خوفها عليه من الموت وتريد ان تقلل من حماسه لكي لا يندفع وهو صغير السن .. . فقال لها بيتين يطلب منها الموافقه له بالغزو يامرحبا واهلين يابنت صندل / من يوم قمتي لين جيتي هنياه الله على مركب من الخيل عندل / مبريت السيقان واللبس تزهاه فردته عليه تريد ان تهدي من عزومه وطيشه لانه صغير في العمر وتخاف عليه فقالت ليتك على شهب الغوارب تمرجل /والا ركوب الخيل منته بوياه مايركب العندل سوى اللي تسندل / يروي سنان الرمح والجوف يفراه فرد على امه في بيتين اجمل ان الله ابقاني من الخير لاجدل / كضم الاعنه تسبق الريم بحماه ارهبها رجلٍ تحتها مجندل / وان الله احياني فلا توب ياياه فعرفت امه انه لن يتواني من الغزو مع جماعته القصة الرابعه # بعد ان انجبت وتغنت في ابناها بكثير من القصايد ومن قصائدها مع ابنها الحميدي وكان صغير في العمر وتريد ان تحثه على الغزو وتشجعه فقالت له اللي على رجلين ماله مطيه / وقت العشا تطمح عليه الاطانيب ان ما تمرجح فوق بنت العبيه / يشهر ولو كثرت عليه الاطاليب وان كانها مافيك ذيه وذيه / ياعزتي لا مك ترها عشا الذيب # بعد ما سمع الحميدي هذه الابيات سرح مع الصبح عشان يجيب ويكسب وابطى عليها ماجاها وقالت الله مابطى واحدن راح منا / وانا تحراله وزلة حراوية مدري بلاه البعد نحاه عنا / والا عشقله جادل(ن) وانتحت فيه # بعد فتره رجع للعرب ومعه بكره وضحى فقالت له امه هل هي كسب ام ضايعه في الخلا يعني من مارج البل فقالت يامرحبا عقب البطى يالحميدي / عزالله انك جبت وضحن فريده اليا بركت ماكنها الا الزبيدي / ولا درهمت تضهر من القاع حيده يابن صنيدل ياسليل الفريدي / عطها الفحل واليا هدر فك قيده هي كسب وال هامله ياوليدي / هي من بغاها الذيب واللى وليده ولا صاح صياح العرب بالمديدي / احزم غبيطي واصل اللي بعيده القصه الخامسه # قصيده طويله للشاعره منيره بنت صندل الخثل تشجع ولدها الحميدي بن ذايرالخثل على الغزو بعد ان كبر واشتد عوده مع ذكر بعض الشواهد في قصيده جميله جداً قلما تجد مثلها ولد الخبيله قاعدن عند معزاه /يبا العشى تمن وفوقه لحومي لا والله هذا اللي قريبٍ معشاه / ماهو الحميدي في نها الزحزمي ياحميدي اذهن لين اعلمك بوصاه / واحفظ وصاتي ياسليل القرومي واركب على اللي تتبع الهجن ممشاه/ في غاربه كنك براس الرجومي ورح للامير وخذ معك حامدن جاه / قله صغير ويسعدنك اعلومي واذهن لحامد لا تعدى وتشناه/يلحق لومه ثم يلحق لومي حامد ابن مبتل وياطيب مجناه/شيخاُ على راس المصايب يحومي واخوانه اجنوبه وسيفه ويمناه/والكل منهم عن كبيره يقومي وخبل الخثوله ماهو اللي تمناه/وشجيعهم لا هد فك اللزومي وان شفت فيصل تحذف الروس شلفاه/حذراك لا تختلك بعض العزومي ذولا سقاين(ن) فهودٍ مضراه/صغيرهم لعبه بزرج السهومي تلقا القلايع تحت خيله معراه/افزع وقسمك من خيار القسومي وان قلطوهن قم واقعد على شاه/حيلن علاها من النعايم اشحومي وان ماحصلك شف عينك ولاماه/احزم ابطينك عن اعيال الرخومي الحظ مايعرف كراعين وجباه/هذا نصيبك والنصيب محتومي واليا نجمت وغمت وبعيرك تاه/خم القمر ثم اقرنه بالنجومي اول طلوع(ن) للثريا تحراه /ثلاثه وخمسين ليله ويومي تلقا الثريا في الجنوب امتعلاه/ جنوب شرقاً ماعليها اهدومي نجماتها بالبير تنشاف في ماه/سبعت نجموماً فالسموات تومي وكل الطوالع فالسماه امتسماه/ثلاثة عشر يوماً لكل العمومي هذا مقيظ(ن) والبوارح تقفاه/ يرثع بها اللاهوب هو السمومي وتغيب عن طرش(ن) حبس عن سقاياه/منها الفحل ماعاد يحرز يقومي ودبران والجوزا وهي خلف تتلاه/على مناكبها التويبع يشومي واقران تسعه كالقناه المحناه/صرام عودن مايعرف السلومي واناثي الجوزا مغاريب واجناه/زل الربيع وبيتته الصرومي ولاهبت الصرفه ترا للعبد لله/يطيب للفريس ركب القحومي وادفاك بالنكبه من الوبر مرداه/لون الجراد اللي خشير الجهومي واليا انكفت انكاف حر(ن) على حماه/سولف ترا ملح الرجال العلومي والعبد يامكثر على الله خطاياه/كفارته منها صلاة(ن) وصومي القصه السادسة #وهنا قصيده جميله تهجو فيها أحد الرجال لا اقدامه على ضرب زوجته في نحرها وتمدح بعض الجماعه مثل زوجها ذاير ومدهس و مداد الخثل لكرامهم نسائهم يمنى ماهي يمنى طويل الشبوري / ياعلها للقطع من مفرق الكوع طقاق ام اعييله بالنحوري / عساه تاكله الضواري من الجوع في ضل بيته مثل ضؤل الصقوري/ ويوم المصامخ شارد(ن) مثل جربوع ماهو مثل مدهس ودله بنوري/ يجزع اليا من شاف في عينها ادموع ولا هو مثل مداد طلع السبوري/ اللي على شعيع مثل بارد البوع وذاير يهول مابه امن القصوري/ في ضل بيته ماشكينا من اللوع # قصيده لمنيره بنت صندل الخثل في ابل نسيبهم صنيتان المحقني يازين ذوداً ولدن في المسيري / ابكارها عشرين من تحت خمسين قطم الفخوذ اللي تجيب النذيري / يوم الخثوله في شداد البعارين من دونها صنيتان نعم المجيري/ المحقني مشبع بطون السراحين ملطوم خشم اللي عليها يغيري/ خبلان من ينوي على اخذ السقايين القصه السابعه #في احد الايام كانت الشاعره منيره الخثل بعد ان تقدم بها العمر واصبحت عجوز ...كانت ذاهبه لبيتها وهي على دابه( حمار) وكعادت النساء يتنقلن على الحمير حين يكونن في القطين وهي بالطريق مرت على احد النساء وكان اسمها مطيره وسمعتها وهي تتزرا بها بعدة ابيات وكانها تستهزي بالشاعره العجوز وتقول لها انك سوف تسقطين في البير بسبب نظرك الذي اضمحل وكانت تشبهها بامراه اسمها عميره سقطت في القليب بسبب الرمد يابنت صندل شوفك اقفا وتيره /الشوف راح وحظك اليوم مقرود حذراك لا تصيرين رمدا عميره / وتصيدك اللي تاسع في بطنها القود بير(ن) هيال وجمها مستديره/ ولا يضهرك من بطنها عارك العود # فردت عليها الشاعره منيره الخثليه بقصيده هجائيه قويه جداً وكانها تقول ان لم اكبر على الشعر ..فما زلت شاعره لا عاد مقعاد(ن) معك يامطيره / ياللي سوالفيك خذاريق هربود الهرج واجد والرفاله كثيره / حتى اقدورك ماورى كثرها فود وقشر حظ اللي ابوها شويره / الام عبطا واطيب اعيالها سعود والسيف ماعابه تردي جفيره / الطيب كامل والردى ماله اعضود ولو ان صندل ماله الا منيره / يكفيه ذكري عن ثمانيين مولود والشوف ماينفع عمي البصيره / كم واحد(ن) عينه كما دحل سامود ورايه هبيل ولا يرد المغيره / واليا مشا يخثع مع كل جلمود ورد البرا عادتنا يامطيره / واللي ركبله عار مايسبق القود يلحق على تالي الرمك في مسيره / واللي مشا شرواك رجلي ومقرود ------- قصيد منيره الخثليه ترثي مرزوق بن صنيدل اخو ذاير ومدهس الذي مات في السبله من الاخوان جعل القبور اللي شمالن من المرخ / يبلها الهتان صبح وعشيه شبل المكارم راعي الذبح والصلخ / ستر المحارم والعرب والبنيه ما ترك الاخوان يوم اعتلا الصمخ/ يطش روحه طشت العقربيه الموضوع الأصلي: الشاعره منيره بنت صندل الخثل العوني || الكاتب: الخـثل 1 || المصدر: منتدى الجبلان الرسمي
المصدر: ::منتدى الجبلان الرسمي::
آخر تعديل الخـثل 1 يوم
27-01-2023 في 11:58 PM.
|
 |
| مواقع النشر (المفضلة) |
| الكلمات الدلالية (Tags) |
| منيره, الخثل, الشاعره, العوني, صندل |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
 |
 |
 |
العرض العادي
