اول محطه في رحلتي ( المدينه المنوره )

اول محطه في رحلتي ( المدينه المنوره )

مساء الكرز

مسار رحلتي كانت ( المدينة المنوره - مكه - الشفا - الهدا ) لنبدأ بأول محطه وهي المدينه المنوره

وصلت الساعه ( 6 صباحا ) بعد ( 13 ساعه ) قياده متواصله وقفت في ( القيصومه ) نص ساعه

ومحطات البنزين والسرعه كانت ( 140 ) ما ضيعت الطريق بفضل ( الشقردي ) ( ماجلان الالماني )

طبعاُ اول ثلاث فنادق بجانب المسجد النبوي الشريف كانوا ( FULL ) والسبب في ذلك ان في شهر

رجب يأتي الشيعه وغالباً من ايران لأداء ( الحجه الصغرى ) ويأتون بأعداد غير طبيعيه ويتم حجز

اكثر الفنادق لهم والحمدلله لقيت لي غرفتين يطلون علي المسجد في الدور ( التاسع ) ( 901 + 902 )

سعر الغرفه ( 250 ) ريال السيرفس في هذا الفندق عادي جداً واعتقد الفندق ( ثلاث نجوم اذا مو نجمتين )

بصراحه اللي خلاني اسكنه انه رابع فندق انزل عشان اشوف اذا فيه امكانيه للسكن او لا واللي قبله

كلهم يقولون مافيه اي غرف فاضيه وانا متعبتني القياده ( 13 ساعه ) وسهران مافيني حيل افتر اكثر

^_^

بداية الوصول للمدينة المنورة

وهنا اول ظهور للمدينة المنورة

هذا الفندق اللي سكنت فيه اسمه ( فندق الاشراق ) سعر الليله ( 250 ريال )

حجزت غرفتين كل غرفه فيها ثلاث سراير نظام الغرف فيها مطبخ تحضيري بصراحه نفعنا لعمل الشاي والقهوه (:

الفندق مقابل البوابه رقم ( 6 ) من بوابات المسجد النبوي الشريف

هذا ذيبان واقف قدام الفندق ( بعد ذلك وقفته في مواقف الفندق في السرداب )

وهذي الفنادق اللي بنفس سطرت فندق الاشراق

وهذا موقع فندق الاشراق عبر الاقمار الصناعية عن طريق خريطة الايفون

وهنا صور لنوعية المحلات اللي تحت الفندق والفنادق المجاورة ( الاسعار بالمدينه ارخص من مكه )

يعني اللي ناوي يشترى هدايا يشتري من المدينة وهذا من واقع تجربه شخصيه خلال هذه الرحله .

طبعاً ما انصح بالشراء من المحلات اللي تحت الفنادق بل من اسواق المدينة وليست المجاوره للمسجد النبوي

هنا البسطات اللي في بوابة رقم ( 6 ) اللي تدخلنا علي المسجد النبوي الشريف طبعاً شغل مش حالك

وهذي بسطات من البوابه الغربيه

وهذي عجايز ايرانيات اصورهن واقول جعلها تخثع ولا تقوم

أتمنى عدم الرد حتى اضع جميع الصور الخاصه في المدينه المنوره

( تابع )

7
7
7
7

الموضوع الأصلي: اول محطه في رحلتي ( المدينه المنوره ) || الكاتب: ابو ساره || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

راح أضع لكم فكرة تصوير بعض المناظر لنفس المكان في النهار وفي المساء

^_^

==========

هنا نظام المظلات اللي ابهرني بصراحه الله لا يحرم من بناها الاجر * تفتح بالنهار وتغلق بالمساء *

==========

==========

==========

وهنا تصوير علي السريع لبعض مناظر المظلات طبعاً التصوير مش حالك وانا ماشي ^_^

طبعا هنا اللي يجون متأخرين علي الصلاة او المسجد يكون ممتلأ يمكنهم الصلاة بالخارج بشرط

الصلاة بالمكان الابيض علي يمين الخط الاسود

هذا المبني في الداخل سلم يصعد وينزل منه الناس اللي وقفوا في المواقف اللي بالسرداب

هذي بعض حملات الايرانيين يأتون بشكل افواج ويتقدمهم شخص يحمل علم او رايه كما في الصورة

هذا الايراني مر قدامي قلت ما يبيله خلني امحطه صوره لمنتدى الجبلان ههههههههههه

وهذا عراقي يقرأ قرأن والحريم اللي معاه دموعهم اربع اربع

نفس الشئ اتمنى محد يرد لغاية ما انتهي من انزال جميع الصور

( تااااااااابع )

7
7
7
7
7

لان ممنوع إدخال الكاميرات في المسجد النبوي الشريف اضطريت اصور كم صوره من الداخل في الايفون


طبعاً لكل باب في المسجد اسم علي سبيل المثال

( باب الرحمه )




وهذا تصوير من الخارج لـ ( باب الرحمه )





( باب السلام )




















بعد ذلك من الطبيعي ان من يزور المدينة المنوره لابد له من الذهاب لمسجد قباء والصلاة فيه لعظم اجر الصلاة فيه

في طريقي لمسجد قباء صورة هذا المبنى واعتقد انه مبني لأدارة حكومية




وهذا فندق ماريوت




وهنا اول ما اقبلنا علي مسجد قباء وواضح الدليله ماجلان الشقردي بالصورة ^_^



صلينا فيه صلاة المغرب

( يوجد بسطات لبيع امور مختلفه من ملابس وعطور وبخور وامور اخرى )

من يدخل المسجد راح يشم ريحة النعناع اللي موجود عند مرأه بجانب المسجد

بصراحه كنت ناوي اشتري منها بس نسيت مع الاسف ):












هنا انتهت رحلتي في المدينه المنوره وفعلا صدق من قال انك تشعر بالراحه النفسيه واهلها ذوق واخلاقهم راقيه.

اعتذر لأني نسيت ان اضع اسم منتدى الجبلان ليكون هذا التقرير المصور حصري لمنتدى الجبلان ولكم الحق

في تعديل الموضوع لوضع اسم المنتدى علي الصور ليكون حصري للمنتدى.


اتمنى ان يكون التقرير المصور حاز علي اعجابكم

وانتظروا تقريري في مكه المكرمه وهي المرحله الثانيه في رحلتي

^_^

هلابك يا خيااااااال

الرحله تسجل بأسم قائد الرحله والا ( 13 ساعه بالروحه ) و ( 17 ساعه ) بالرده قياده متواصله

كل هذا ولا اسجل الرحله بأسم هذي كارثه ):

اهم شئ ان الصور جازت لك طال عمرك

^_*

ماشاءالله عليك يا بو سااااره
عمره مقبوووله ان شاء الله ..
تقرير جدا رااائع وصفت كل شي ان شاء الله .. تنكتب لنا عمره بس ياخي تروح بالسيااره و 13 ساعه !!
انا لمااسير الدوام كم مره انود ..





شو سالفه الحي الاصغر ؟ ( الحج الاصغر) ؟؟
حليلهم الايرانيه كله يصيحون .. و يدقون ع روسهم ما اييهم صداع ؟؟ لوولز ..




الايراني يذكرني ف مالين حزب الله > يمكن منهم يربت تسأله ؟ ههههههههههههه ...

في انتظار تقرير مكه و ابها ..^^

مشالله مشالله مشالله

تصويرك روووعه بجد

والمكان مريح للنفس

تعليقاتك حلووه حسينا انا احنا معك

^ _ ^

تسلم يمينك يابوساره

وتستحق التقيم على هالمجهود


سؤال بس شنو نوع الكام

؟

اهلين بالريم

منا ومنك صالح الاعمال والله يكتب لك العمره والحج كمان


والله اول مره اسوق انا هالكثر لساعات متواصله بس بالروحه كنت ضاغط نفسي وهذا خطأ اعترف فيــــــــــــه

بس سبحان الله رغم ان الرجعه كانت ( 17 ساعه ) الا اني ما حسيت بالتعب لاني كنت مرتاح وشبعان نوم صح


بخصوص الحج الاصغر

والله انا سألت سعودي قالي حنا بشهر رجب نادراً ما ناخذ عمره لان معروف الشيعه عندهم ( الحج الاصغر ) في هذا الشهر

وكل شي يرتفع اسعاره خاصه السكن في الفنادق لذلك نأجل عمرتنا لبعد هذا الشهر تكون الزحمه خفت والاسعار نزلت .....


هلابك يالريم وسعيد ان هالتقرير انبسطتي عليه

^_^

هلابك يا جمرة


التعلقيات مهمه بتقارير الصور عشان تعطي احساس للقارئ انه يعيش الموقف كأنه صاحب هذه الصور .


نوع الكامره ( canon ) اخر موديل نزل في الغانم بشهر 3 اللي طاف اسألي عنها اللي نزلت بشهر 3 ويطلعونها لــــك

بس عشان اكون صريح للأمانه رغم اني اول مره امسك كامره احترافيه الا اني اكتشف امر واقتنعت فيه وهـــــــــــــــــو

ان التصوير احساس قبل لا يكون التقاط صوره ان كنت تملك الاحساس مـمـكـن تــبــدع حــتــى فــي كــامــرة الـجـــــوال

وان كنت ما تملك هذا الامر ولو امتلكت كامره احترافيه فالصوره ماراح تظهر بالصوره الجماليه اللي ممكن تبهر الاخرين


وتسلمين علي التقييم يا مديرة

^_^

ماشاء الله تقرير غااااااااااااااااوى
وعمرة مقبولة وحمدلله على رجوعك بالسلامة
ونتريا التقرير الياي

طرح جميل الله يحفظك؟؟