|
أهلا ومرحب عزيزي00 هشام الظويفري00 تعليقك أسعدنا وحضورك أفرحنا000 |
الله يعطيك العافيه يابو محمد جهد رائع ومتعوب عليه متميز في جميع طرحك لا خلا ولا عدم |
يعطيك العافية ياابو محمد
|
عزيزي بكيفي 000 أهلا بك دائما وجودك أسعدنا 00 |
بيض الله وجهك يابو محمد
موضوع رائع واهنيك على حسن اختيارك تقبل مروري |
عزيزي المستشار 000 أهلا بك دائما000 تحياتي لك00 |
عزيزي صافي الاحساس000 أهلا بك دائما0000000000 |
وهذة رائعة أخري نضيفها للديوان 000
ياحصة ما قلبوها الخمايم
ياركب يامترحلين همايم=دن العقوب اموردات المقاديم قلايص يا ما حظن بالغنايم=حدب الظهورامذكرات علاكيم عوص رعن نوار نبت الصرايم=في ضف أهل بيض الدروع المصاريم يشدن جول امجفلاة النعايم=والأ تحفق فرق رقط الحلاقيم في صحصح ساقه هبوب السمايم= يبغن جانب جال ما يبهج الهيم يا ركب ما عسرالليالى بدايم= الدهر له تأخير حال وتقديم عوج المراكب راميات الخدايم= حمرالمناكب مدنيات الدياميم فيلا خرجن امن الحمى بالقصايم= ياركب لى بالعين والواو والجيم لعل ياهل مبعدات الهزايم=من عقب تسميح الامور المعاسيم منى على عهد الرضا والختايم= تهدون ترحيب جميل وتسليم ابها من الياقوت في كف سايم= وانوج عبيره من عبير المشاميم والذ من ما غادرته الغمايم= في مستطيل اكهوف حمر الشخانيم جن في سريب امذعذعات النسايم= عند الغدا يوم افرحته الهماهيم يم الذى عن شوفة الدون شايم= مجرى ينابيع الصخا طيب الخيم ماهوب جماع يدور الحطايم= إلا ولا يلقا بطرق المواثيم له اشتكى ما قاعد لى وقايم= من جادل كالريم خص الى ريم لو شاهدوا حسنه كبار العمايم= تبدلوا عقب الهدى بالمواثيم أمشى مع اوباش الملا كالمهايم= من فقد وضاح الثنايا المناظيم ياسيدي ياسيد سمر الكمايم= دعج النواظر هايفات الهواضيم محد يزايم وأيض ما نيب أزايم= أيضا ولا مثلى يحمل الهواظيم عسجدايديه وفي خدوده رقايم= ومعكرش راسه سواة الحماحيم هذا ويا من للمروة ملايم= إن غضونت شعث الوجيه المكاتيم ياحصة ما قلبوها الخمايم= ولا جابها البياع في مجلب سيم ياسيدى ياسدسودالامايم=خمص الخواصر والبطون المهاضيم خريدة يفطر بها كل صايم=حورية بالزين فيها مراسيم أيام عنا طرف الاحداث نايم= ولا سامع يفضى اوصات المناديم وصلاة من يحيى رميم العظايم= على الذى شرف بقدره ابتعظيم |
هذة أضافة للديوان0000
ذكرّني وانا كنت تايب
عوجوا بالايدى لى ارقاب النجايب=تحملوا ياركب منى بترحيب سلام احلى من تلال السحايب=والذ من كأس بصافى العسل ذيب واحلى من السكر إلى عاد ذايب=واغلى من الفيروز عند الجلاليب وابهى من ازهار الرياض العشايب=سلام ترحيب بريٍّ عن العيب سلام من سلسال الانياب نايب=يفوق فوق متون عالى المكايب أزكى سلام عد ما البدر غايب=أو غدر الما فى محانى المانيب للملتقى والمعتنى للعجايب=والمعتصم بالله عن كل ماهيب ركبنَّ الهشالا بالسنين الجدايب=فزز الوغى معطى المهار العباعيب سرداح وان جال القنا بالظايب=يذبح مقاديم السبايا المشابيب ياشيخ يامدى حقوق النوايب=يامعلق جمع المعادى الاصاويب أسجد وجد وارجد على كل صايب=ودار العواقب وابدل الخبث بالطيب واخضع وضع وارفع بشان القرايب=ثم استدم في نعمة طيبها طيب ايام ذكرنى وانا كان تايب=حمام يلعى فوق روس الاشاذيب أيام لام أوصال بيض الترايب=لوصالهن ياما دعن المناديب غزلان ريم بالمنازل ربايب=ملبوسهن لى من غولى الجلاليب نجل العيون امعثكلات الذوايب=خمص البطون ردفهن كالمرقيب ذا قول من لا شيف وسط الزلايب=ولا مشى فى ساحة الجار كالذيب ابن الذي ما داس بالعمرعايب=شم العرانين العصات الشخانيب رثاء
يا راكب من فوق مثل السبرتاة=حمرا فتاة عن لقاح معفات تنصا الكواعب من بنات العمارات=يبكن أخو نوضا على راس ما طال يبكن بدم ليس بدمع يخلط=على عقاب العندليات مصلط حلفت ما مثله على الجمع يقلط=ولاانقلن الخيل مثله رجال يا البيض كنى الحلى والعشارق=وابكن اخو نوضا امروى المطارق خيالها وان جللوها المعارق=لحمق الوسيق ورد الاول على التال وان زرفل المسيوق وارخوا الاعنه=والجيش هربد والرمك يشعفنه واهوى على ركن من الخيل كنه=جلمود صخر حطه السيل من عال وان زرفل المظهور وقفا مع الريع=ولحقن باهلهن عالجات المصاريع ومن العير مالت وجيه المداريع=فلا بوجهه يعلم الله بميال لا واعشيرى مصلط حامى القود=راقى ذرا العليار جاء كل مظهود لين انتدب من فوق ما يقحم العود=عيا على تالى الظعن زين الاذلال لا واعشيرى ليتنى ما بكيته=لوان معى حل وعقد شريته وبكل ماتملك يمينى فديته=بالخيل والغرس المظاليل والمال مرحوم يا ما قد حمى من مرنه=واعلق اسنان العود بقطيهبنه ياليت غضاة الصبا ما بكنه=ولا عليه اتراب جرف الجبل هال حللت يا ريف الهيافا ويا ريف=ألخيل في ميدانها كالخواطيف يوم البوادى تشعف البوش تشعيف=عيا عليها مصلط ماضى الافعال مرحوم يامروى حدود الهوارى=يامن بوجهه للمروه موارى يمينه اكرم من هبوب الذوارى=أثقل من ايش عند روعات الاذهال حللت يا ما ضيف ليل قريته=وكم عود زان في الملاقا سقيته وكم أبلج خلف السبايا رميته=عليه شقن العماهيج الاطوال اليوم لى موفى ثلاثة عشر يوم=لا لذ لى زاد ولا طاب لى نوم ساعت لفانى عن حجا كل مضيوم=زبن المجنا مصلط ذرب الافعال يفداه من لبس السراويل والبيض=كبدى كن ابها وهج لاهب القيض على الذى ملا اقلوب العدى غيض=ليت المنايا تندفع عنه بالمال من عقب مصلط ياهل الخيل تكفون=لا من اعنوز ولا بعد من ذوى عون كم سربة مهيوبة في ضحا الكون=بدد شعبها والغبا عنه ينجال وان قرطبوها بالعياد الكراديس=وتزعزعت حمر النضا بالملابيس وآزا بلطم الطاس ضرب العبابيس=أنهل وعل السيف من دم الابطال وهذة اخري من روائع الهزاني
ليلة يجينـا السيل يـازيد وافيت= موضى الجبين وسـيد تلعات الاعـنـاق شميت ريـح امجــــدلاته ومزيت=ضـــواحك مـــاقبلي احـــد لـهـــا ذاق جلست أنـا وياه في ربعـة البيت=سـقـوى انتسـاقا بيننـا خمــر الاريـاق وسقاني الخمــر المصفى وثنيت=خـمــر وانا اسقيــه حـليـب وتــريـــاق يــوم ارجهن اصويحبي وارجهنيت=والكل منا عقــب خمـــر الهــوى فـاق فهقت راسـه بالجدايل وحبيت= ورد علي خــده كمــا صفــح الاوراق رفعت راسي للكواكب وراعيت=ويــلا ان نـــور الصـبح بــاد بالافلاق بغيت أقـوم وشـد ردني وشديت=جـيده وحبيـته ثمـان على سـاق وحلف علي ان قمت من ذا وشديت=الا انت معطيني عهـود وميثــاق انك اتعود لي الى منك اقفيت=ولا لغيري من هـوى البيض تشتاق واقسمت له بايات عمـا وبالبيت=والمدعي واللي بنى سبع الاطباق اني فـلا غيرك من البيض هاويت=ولا لغيرك من هوى البيــض مشتاق انا الذي من حـر فرقاك فريت=أنـوح كالبهلول في وسط الاســواق ياما طلبت الله وياما تمنيت=وياما دعيـته عنـد حـزاة الاشــواق وياما دعيـته في المساجد وصليت=وياما شـحذت الله قســام الارزاق يبني لخلي من اجنان العلا بيت=ومن التمر يقطف ثمــر كـلما لاق عسى الي راق البكـا واستمريت=بمنقشـات الريش زينات الاطــواق واستأنست روحي لروحه ودشيت=ســوقه ووافق مرتي حين مـا واق قلت المواصل قال ماغيره اشفيت= قلت الســلام ورد مثــله ولا عــاق قالت رجينا الله يجيبك الى جيت=عذب النبا الغالي مراشيــف الارياق هو انت طالبني تبي شي وعييت=يامن هـواه المهتوى خاطري شاق تبغى الدبش قلت الدبش عندنا هيت=والله مالي غـيـر لامــاك علاق ترى الشفات الى لفاك النبا ايت=ساعت يقيف السوق عن كـل مراق لو مـا عليك احد من الناس دزيت=فانت ايت لازم قبل غيبــات الاشفـاق قلت ارجي ان الله يديمك وحبيت=عذب النبا الغالي مراشيف الاريـاق ونبكي من الفرقا جميع وياليت=من لام فرقا سـيد حم الشفـا لاق يالموت مـا أخذت أربعمـيه وخليت=خلي فـلا ظني بمثــله حـد سـاق يالموت عقب اقويت لي ويش خليت=ماعقب عثمانه من البيض ابـاشتاق يا زيد انا قد لي زمانين ما ريت=خل سـوى خلي الي جيت له مـاق ان كـان روح الحي تسعى مع الميت=فـأنا الذي مع ريح ريحان الاشواق يامـا سعت روحي مع الريح لقويت=بــازكـا ســلام عم بالطـيـب الافــاق |
قالو تتوب مـن الهـوى قلـت لالا .. الاان تتوب رماح علوى من الـزرق
يعجزالسان عن التعبير بما قدمته للرقي بهذا المنتدي اخي العزيز ابومحمد و مجهود واضح تشكر عليه وتقبل مرورى اخوك بـــ ســـهــيــل ـــن |
| الساعة الآن 09:28 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
