|
كون عرجا (بين عتيبه الهيلا...... ومطير حمران النواظر)
كون عرجا (بين عتيبه الهيلا...... ومطير حمران النواظر)
-------------------------------------------------------------------------------- مساء الخير ,,, وأسعد الله أوقاتكم بالخير والمسرات هذه الوقعه لا تحتاج لتفصيل والقصيده تبين ماحدث فيها,,,,, وقائلها شاعر عتيبي كان معاصر للوقعه: بنشدك ياضلع يانايف الضلعان#####عن الديار الخاليه وين أهاليها وبنشدك عن يوم جرى علينا مع المطران#####عيال الحميدي والمداريع تتليها كسرنالهم من خشم عرجا ليا جمران#####كسيره حطيبه ماتعود لتاليها مير الخيل جاها بدر وغنيم بن شبلان#####عودت لأهلها ما تقديها خطاويها وجونا العبود معودلين على شرفان #####سوات الجلاده علقت من عراويها عبود(ن) خبول مغويها الشيطان##### عبود(ن) أخبول زارعتها هقاويها .................................................. .................................................. ................. العبود : هم عبدان من عبيد الأمير بن ربيعان,,تحملا مسؤلية الفارسان بدر بن مشل الدويش و غنيم بن شبلان والنهايه أن هؤلاء العبدان اللي كان معتمد عليهم بن ربيعان في قتل الفارسين المذكورين(قد قتلوا من البدايه,,,,,, ولكن بطريقه جميله,,, علقوا على الرماح ) شرفان: الرماح اللي علقوا عليها العبدان( واحد برمح بن شبلان والثاني برمح بدر بن مشل) الجلاده: هي القربه المصنوعه من الجلد نتيجة العركه: (أول النهار لعتيبه الهيلا) (و آخر النهار لمطير وإنكسار عتيبه) أخيرا : الله يرحم الجميع سواء من فرسان قبيلة عتيبه الهيلا العزيزه علينا ولا من فريس قبيلة مطير الكريمه .................................................. .................................................. ......................... |
السلام عليكم ورحمة الله وبركاته
يعطيكم العافيه يالربع يامال العافيه يا خيال صبحا ؤقبيلة عتيبه العزيزه كانة تبيلها طريق يم الشمال بس مطير مانعتهم لان مطير تمتد ديارها من البحر الاحمر لحد الخليج العربي اقصد المناطق الرعويه والنعم بالقبيلتين اخوان من طاع الله فمان الله |
مشكور على المرور ويعطيك الف عافيه
|
الله لا يهينك خيال صبحا
بس انا عندي ملاحظه على موضوع قصايد الغزوات ليش الناس ماتعترف بالانكسار؟؟؟ وفي غزوات اقراها بمندى مطير وتقول ان مطير انتصرت فيها على القبيله الفلانيه ولما ادخل منتدى القبيله الثانيه وابحث عن نفس المعركه القاها موجوده بس التفاصيل غير ويحطون النصر لهم فماعاد ندري منهو الصاج ومنهو الجذاب واكيد كل واحد وده قبيلته احسن قبيله بس الحق حق وعيب على الرجال يجحد ومافيه قبيله ماتنكسر واتمنى توضح لي اذا كان عندك علم بهالسالفه |
هاذى الصاير الحين بس تنعرف
من قصائدهم وانا عارف انك تقول يمكن الحين يقصدون بس يفرق قصيد قبل عن الزمن هاذى وانا اخوك يعني كلمات قديمه ومندفنه جدن ومشكور ويعطيك العافيه على المرور |
اخي العزيز...,
خيال صبحا.., يحق للكل شخص الافتخار بقبيلته.., والفارس غنيم ابن شبلان شهد للفروسيته فارس عتيبه شلويح العطاوي.., اشكرك علي ذكرك للهذا الكون وما من قصور بعتيبه ننتظر المزيد.., |
الله يعطيك العافيه ياخيال صبحا . .
لاهنت يالغالي . . ونعم بالقبيلتين . .مطير وعتيبه . . كلهم ونعم . . الف شكر لك على الموضوع القيم . . ! |
الله لايهينك ياخيال صبحا
شهادتي فيك مجروحه اتمنى مراسلتي على الخاص |
يعطيك العافيه يا خيال صبحا
|
موضوع غاية في الجمال لافض فوك يا خيال صبحا
|
يعطيك العافيه يا خيال صبحا
|
| الساعة الآن 01:11 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
