انا هواي ومنوتي ورتياحي = شوف الربيع وشوف ذودن مغاتير
ياماحلا مقهوورهن والطياحي = وصوت الفحل ويخازرنه معاشير
ويزين صوت اصغارهن بصباحي = مع شلعت النجمه وتغريده الطير
في خايعن توه جديد المراحي = والعشب توه بادين بنواوير
وممشن مع الصمان جو اوفياحي = اخير عندي من فينا وكشمير
وشرب الغدير الي شرابه قراحي = على الطبيعه ماحصل فيه تغيير
اخير من شربن وساسه ملاحي = ويضافله دويات ويعمل بتكرير
وهرجت نشاما من طيور الفلاحي = الكل منهم يامر ويفعل ابخير
في مجلسن فيه اشقر البن فاحي = وتجاذبو اخبارهم والمشاوير
وكبش الغنم لهم من اعصير طاحي = كرامتن لهل الوجيه المسافير
معهم وناست خاطري ونشراحي = والعمر لو طول مصيره ابتقصير
اخير من هرجت خطات الضياحي = ولا دفوشن ماتعرف المعابير
لصاصت المقعد اعفوون شحاحي = شذابت المقفى وجيه الخنازير
لعل هذا النوع يمحاه ماحي = لوهو من الاجناب ولا من امطير
حيثن هذا النوع مابه صلاحي = وحرام هذا النوع ياخذ غنادير
وصلو علا الي ماشين بنصاحي = شفيع الامه عن لواهب زمهرير
اعداد ماطيرن يرف ابجناحي = وعداد ماوردو من البدو للبير