ياقوافي الشعر كافي حزن كافي=الحزن ماهوب فيك الحزن فيه
ساعديني واظهري ما فالخوافي=قبل مخزون الحزن يثر عليه
لو ابرثي والدي في كل قافي=تعجز احروف الهجا الابجديه
مير شيَ في صميم الصدر زافي=ضيق اعروقن بجسمي داخليه
لاتلوموني وابا اقول اعترافي=والدي صاهود له حقن عليه
حقه اكبر من قصيدي والقوافي=والله ان حالي بعد فرقاه سيه
ادموع امن العيون الها رعافي=ماهو بكيفي ترا غصبن عليه
لاذكرت ايام وسنينَ اعجافي=عاشها في صبر وبيمنن جريه
كافح ابيمناه ماجتله عوافي=لين سهلها لنا في كل شيه
جفن حطه فرش والاخر لحافي=احتزمنابه وهو يمنا صخيه
حثنا بان الرجل لاقال يافي=وحثنا للمرجله في كل هيه
وحثنا بحب المغاتير الصخافي=ومن غلاه اغليت انا شوف المطيه
حط وضحن عزها عن كل هافي=عن هواها ماجلس في وسط فيه
وحط صفرن مامشت مع كل وافي=مابخل في حقها كفه نديه
يمشي مع الذود في كل الفيافي=وين ماذكر الحيا ساق الرعيه
لاذكرت الماقف الي معه طافي=والله ان كبدي تقل فيها شضيه
يوم نزل بالقبر تحت السوافي=والرمل من فوقه اتسفه يديه
والله يالولا من المولا انخافي=وخوف رب البيت لايغضب عليه
مايجي وسط اللحد راس السنافي=لاكن امر الله وذي سنة نبيه
ويالله انا نطلبك من قلب صافي=يالله المعبود يارب البريه
ترحمه وتجنبه كل انحرافي=في نهار الامتحان انته وليه
في نهارن مايفوز به المفافي=والخوي ماتنفعه فزعة خويه
ياعساه لجنة الفردوس لافي=يالله اني طالبك وارفع يديه

لاذكرت الماقف الي معـه طافـي
والله ان كبدي تقل فيهـا شضيـه


صح الله اللسانك قصيده في قمه الروعه وقليله حيل في حق صاهود الوالد الراحل


اسال الله العلي العظيم ان يسكنه فسيح جناته ويغفر ذنوبه ويتوب عليه


تقبل مروري

اخوك عبدالعزيز الرميصي

قمرهم كلهم ..

لاهنت علي مرورك الكريم

والله يرحم ابو جاسر وجعل مثواه الجنه