قصيده مطلق عبدالله الشريف رثاء بوالدي الشيخ / صاهود بن علوش بن لامي رحمه الله
الذي انتقل اللي رحمة الله يوم الاثنين 15/3/1431هـ 1/3/2010 مـ

بخمسة عشر من الشهر يوم الاثنين=يوم علي المطران مثل الغمامه
بشهر ثلاثه عام واحد وثلاثين=جاني خبر نسل الشيوخ الحشامه
قالوا توفى الشيخ زبن المخلين=صاهود ابن لامي وريث الكرامه
ساعة سمعته جاوبت عبرت العين=وتسابقت عبرات عيني ازحامه
مرحوم يا كحيلان ريف المجلين=مرحوم ياشيخن يحل الخصامه
عساه بالفردوس يارب وامين=في جنة الفردوس تسكن أعظامه
عون المطيري لاشكى الهم والدين=وعوق الخصيم اللي تزايد اهيامه
تبكي علي فرقاه صفرن مزايين=والذود لامنه بكى مايلامه
يرعابها الصمان بذيك البساتين=بالصلب مابين النفل والخزامه
وتبكي اللصافه والضعوف المساكين=والحزن عم امطير شرقن وشامه
مامات وعقبه مرجحين الموازين=شوخن لهم في صفحة المجد هامه
أخوه واعياله اشيوخن سلاطين=اشيوخنا اللي يحتمون الجهامه
تركي ابن لامي علي العسر واللين=شيخن افعاله ماضياتن اضخامه
وجاسر مع اخوانه اشيوخن امسمين=واللي لفى في سدهم مايضامه
علي النقى والطيب والمذهب الزين=هم العوض بالعود نسل الحشامه
واختامها مرحوم يابن السلاطين=عساه بالفردوس تسكن اعظامه
وصلات ربي عد ناسن املبين=علي شفيق الخلق يوم القيامه