الله ولا الهاجس اللي مايريحني=اسهر عيوني و عناني و عنيته
احاول اخفيه مير الحزن يفضحني=متمركزن بالحشى كن الحشى بيته
ياللي تعاتب غموضي لا توضحني=ما باقي بالضمير الا تناهيته
اصافح الهم قبل انه يصافحني=و احب خشمه و اردد فالخفى ليته
ليته قبل لا تزل خطاي ينصحني=ولا يريح خفوقي من عفاريته
و الغالي اللي عليه الشوق ذابحني=اقفى به الوقت ماجاني ولا جيته
يا سيد الغيد قبل لا اقولك بحني=بخبرك عن كلامن عنك خفيته
تدري وش اكبر خطاي الله يسامحني=اقفايتي عنك و انت اللي تمنيته
و هذا هو اللي معذبني و جارحني=اقول ابنساه و انا ما تناسيته

اخت الــقـــمر..