ليا نصيـت أنصـا حفيـد السلاطيـن=ونـــا اشـهـدنـه مـزبـنـن للـثـقـالـي
افعالهم تعرف على العسـر والليـن=من ماضي الأزمان مضرب مثالي
لاجاء نهار الحرب سقـم المعاديـن=عدوهـم يونـس علـى الكبـد صالـي
حلـويـن للـحـالـي ولـلـمـر مـريــن=ودخيلـهـم يـرقـا بــروس الجبـالـي
ذوي شـطـيـط مزبـنـيـن المخـلـيـن=ليـا نصاهـم مـن عـن الـدار جالـي
وانته تقـود النـاس وسـط المياديـن=رايـد وتتـبـع لــك كثـيـر الرجـالـي
تستاهـل التيجـان ويظـن مقصـيـن=عـلـى متـونـك يـاوفـي الخـصـالـي
انتـه مـع الضبـاط تسـوى ملايـيـن=ولا بعـضـهـم مـايـسـاوي ريــالــي
ياشـوق مـن قـادة جميـع المزاييـن=بنـت الرجـال وطيبيـن الخصـالـي
اهل الوفا والطيـب زبـن الدخيليـن=هـذا كــلام الـصـدق مـابـه جـدالـي
وختمهـا بالـقـول وزكــى سلامـيـن=صــلاة ربــي عــد نـــو الخـيـالـي
علـى الرسـول الـلـي خـتـم لنبيـيـن=شفيعـنـا بالحـشـر لــرب الجـلالـي
الله يعطيك العافيه يالغلا وبيض الله وجهك على النقل الجميل فإن دل على شي فإن مايدل على حرصك للعلم الغانم
لك خآلص تحياتي