علمن لفاني صبح الاثنين قصاف=خلا معاليق الضماير به تلوف
ساعة سمعت العلم والدمع ذراف=ابكي بكا طفل(ن) على الديد ملهوف
مرحوم يا شيخ(ن) على الجبلان صراف=يصرف دنانير الشكاله بالالوف
صاهود بن لامي ذرى كل منلاف=خذاه منا الموت والمنايا حتوف
مرحوم ياشيخن على الطيب سراف=مرحوم ياريف اللي كوته الصدوف
مير حكم الله على الخلق ينلاف=والموت حق(ن) ما تشاوره الظروف
ياشيب عيني يوم شالته الاكتاف=عقب العصر جثه وعيني تشوف
يالله ياللي للمخاليق لطاف=تجبر عزا قلبن من الهم مرجوف
ويالله اتزين وقفته يوم الانكاف=يوم الحساب تعفو عنه وبه تروف
ويالله تجعل الجنه له لحاف=في جاه من صلى ومن صام ويطوف