بنت دار زايد
تشكرين على الموضوع
يسرني ان أشارك مع أخواني وأخواتي الاعضاء
نبدا
1/ شو الدوله اللي تتمنى تسافر لها؟
فرنسا ونشالله عن قريب راح ازرها بأذن الله
2/ اكتب اسم دوله زرتها؟
السعوديه الاردن سوريا
3/ كم مره سافرت؟
والله يابنت دار زايد ماقدر احصيهن
السعوديه واجد والاردن كذلك
وسوريا تقريبن 6 مرات
4/ اي الأوقات تشوفها الأفضل للسفر بــ نهار او ليل؟
ماعمري سافرت بالنهار ولا أحب اسافر بالنهار الا اذا
كانت معاي العايله
5/ موقف صار لك وانت مسافر ماتقدر تنساه؟
المواقف واجد والله لاكن طرا علي موقف
قبل 4 شهور تقريبن كنت محرك من الاردن ورايح السعوديه ومعاي ولد عمي وثنين من الربع
وكنت انا اللي اسوق المهم كنت امشي بسرعه جنونيه شوي لدرجة اني من طلعت من المنفذ السعودي ولا سياره تجاوزتني وكانت السرعه مابين 220 الى 230
وكنت السياره اللي اشوفها بعيد بسرعه اتجاوزها الا سياره ماقدر اتجاوز فا شغلت النور العالي بشوف شنو السياره المهم الرجل اللي كان بالسياره انزعج من نور السياره ومسك بريك بوجهي بغدا يوديني بحادث المهم
اني سلمت بعد فضل الله الرجال عند وياي وكان ببيوقفني غصب وقفت ووقف الرجال ونزل وطلع لي هويه وعلى طول حطها بجيبه وقال معاك المباحث عطني هويتك ضحكت وقلت له توكل على وراي 1000 كيلو ماني فاضيلك ولا يعند معي قالت يابن الحلال توكل على الله ماتسوا عليك نرجفك وناخذ سويج سيارتك ونخليك بالخلا المهم الرجال عند وقالك معاكم
ملازم اول فلان فلان ومره ملازم بالبحث السعودي
ومره نقيب بالداخليه السعوديه
ومره رقيب بالحرس الوطني
دريت ان الرجال ماهو مظبوط
قعدت اسايسه واقول ياولد تنازل عنى طبعن يتنازل عنى بالخلا لا حولنا دوريه ولاهم يحزنون
بجد يعني شي مضحك بالفعل وانا اكلمه اقوله ياولد تنازل وهو مصدق يقول ماوقع تنازل لين تعطيني هويتك انا اللي بعرفه وين يحط توقيعه وحنى بخلا
المهم ان الله هدا الملازم مدري النقيب مدري الرقيب
وتنازل <- تنازل من خلاه في خلاه
والسوالف واجد لاكن هذي اخر سالفه صارت معي
6/ بالعاده تسافر بالطياره او السياره ؟
الاغلبيه سافرت طياره مع اني أحب اسافر بالسياره
لاكن لكل شي وقت
7/ تنام أثناء السفر ولا تكون خايف وايدك ع قلبك لين توصل بالسلامه ؟
بالطياره مرات انام أما بالسياره ناادر ما أنام تكون
سوالف وضحك لين نقطع الطريق
8/ شو تفضل السفر عن طريق الجو او البحر او البر ؟
اذا كانت المسافه تتراوح بين 1500 الى 1800
افضل السياره
وذا كانت ابعد اكيد الطياره
9/ كم مره سافرت عن طريق البحر { بالسفينه } وين كانت الرحله ؟
ماعمري سافرت فيها
10/ اذا سبق وسافرت بالطياره تحب تجلس عند النافذه
ولا اي مكان ماتفرق معاك؟
أحب اكون عند النافذه وذا مكاني مو عندها الشكوى لله
11/ شو الهديه اللي تحب الشخص يهديك لما يرد من السفر ؟
والله ماتفرق معي اي شي يجيبه نستقله ^_^
12/ اذكر لنا موقف ظريف صارلك وانت مسافر..؟
واجد المواقف ماتذكر شي الحين 
13/ اذكر لنا اشياء ماتقدر تستغني عنها بشنطة السفر؟
كل شي يلزمني يكون مهم ^_^
14/ من الاعضاء اللي تباهم يسافرون معاك ؟
كل الاعضاء فيهم خير وبركه ومنهم من سافرت معه
15/ حدد خمس او مجموعة من الأعضاء وقول لنا
شو بتجييب هديه لكل واحد منهم ؟
مقدر احدد والله :<
16/ شو الدولة اللي تنصح الاعضاء بزيارتها وليش ؟
والله كل دوله فيها الزين والشين وتختلف اذا كان السفر في الصيف او بشتا
والناس تمدح مصر وانا ماحبيتها
وهم يمكن اعلم مني
..............................
أغلب الصور طالع فيهن ولابس بدلات
يعني لاحطيتهم باتسر شيبان الجبلان
تكثحني بالتراب
بدور اذا لقيت صوره ماني طالع فيها ابشري
لاهنتي يابنت زايد
وسعيد بأني اكون اول واحد يشارك بالموضوع