عباس بن فرناس
 

مسا الخير
















مدخل





قصيدة لإهداء لأخوي الغالي



اخوي الغالي هو مجموعة اشخاص صادفوني خارج المنتدى او اتصلوا او ارسلوا لي



من بعدها تأكدت ان المنتدى لكل الجبلان وليس حكر على شخص معيَن




ارجو ان تنال اعجابكم القصيدة























على درب عباس بن فرناس يا كحيلان

بس إحذر تحذر طيحته بأوسط بطيني



رح إرقى وحايل نودك برفعة الجنحان

وقله ترى ما يكفخ إلا.. الجناحيني



وإذا وافقك قله.. كذب صاحبك غسان

وغسان من أردن وأصله فلسطيني



تبي المشكله.. حاضر.. ترى المشكله قيفان

تجي كالذهب مير البلا.. شافها طيني



وغسان يضحك بين فكينه البزران

ينادوووه يا عمي... واناديه يا زويني



قفيته وانا عالحق.. وبنساه لو غلطان

خلاص الأمر منهي ولا ذكره يجيني



وانا اللحين أبحكي عن فرس ما لجمه عنان

يحب الفدى.. منه العدى ما تدانيني



وأبحكي عن الممدوح وشلون له صفطان

واثر طيب بن جبرين في غير جبريني



ترى عادي طعنات الخوي لو تجيك أكفان

لأنك... أمنته يوم طرفه غدى شيني



انا جيت ثاني غير الأول بلا نقصان

اجوع الوغى وأدسم الشارب سنيني



وألا يا جبل ما قلت لي ليه صخرك لان

اثر لان ويًا اسمك تجي اصل معليني



عسى ما جرحت فلان يومي طعنت فلان

لأنهم حبربش.. بس صعبه فدى اثنيني



وانا اللحين أبحكي عن شويهين يا كل بان

إذا شافني سلم.. وإذا غبت يشنيني



يا رجال يا هانم يا برقع يا حلق حصان

ترى عيب هالغيبه.. يا (.............)



كسبت احترام الطيب وأذيت كل شيطان

يحبني نظيف الصدر وحبه غدا فيني



ترى مطير عندي غير والعشق للجبلان

قسم.. لا حشا كل الغلا في شراييني



ما بين المعرقب والقعيمي ونسل عنان

مع مقلد يحيوي تجمعتوا في عيني



ترى يا سباع الليل في ترثكم خبلان

حذاري لا أبطش واترك العيد عيديني



تعالوا معي بنروح يم سالف الأزمان

يقولون في(....) تحبه النساويني



بس (...) البطران ما عاد هو بطران

لأنه رقد عند شجرة هالثعابيني



ولا عاد يحبه من يحبه من النسوان

لأنه توفى ثم تعفن... مسيكيني



تبي تعرف ويش الفرق بيني وهالغربان

انا اطير بلحالي... ومطيارهم صيني



احب الوفا والمرجله واكره النسيان

واحب القشاره والغزل لو يعنيني



انا جيت واحد مير أكف الزمان إن شان

وإذا ما تصدق... إقلط بناب فكيني



دريت إني من صغري قوي باس سم لسان

وتعلمت من دنياي إن عزي في ديني



ختام الحكي.. أستغفر الواحد الرحمن

هو اللي بعطفه من عذابه ينجيني

مرحبا يامحمد بن جبرين

صح لسانك واعتلى شانك
وأهلا بك في منتداك وبين اخوانك وابناء عمك.

وافية يا محمد
شاعر وستظل أستاذ شعر
مفردات ومعاني جميلة وحبكة شاعر قوي
وأنت يا محمد لك مستقبل أن قاله الله
وتقبل مروري

اقتباس:
المشاركة الأصلية كتبت بواسطة بعيد الهقاوي http://aljblan.com/vb/dc.net.sa-aljb...s/viewpost.gif
مرحبا يامحمد بن جبرين

صح لسانك واعتلى شانك
وأهلا بك في منتداك وبين اخوانك وابناء عمك.







يا هلا يا بعيد



صح بدنك



واكيد انا بين اخواني




لاهنت عالمرور

ماشالله

قصيده جميله والله


صح اللسانك

صح لسانك ياشاعرنا الحين صار عندنا بدال البحر بحرين ولاهنت يابومزيد على القصيدالجزله

اقتباس:
المشاركة الأصلية كتبت بواسطة فهد عيد الجبلي http://www.aljblan.com/vb/dc.net.sa-...s/viewpost.gif
وافية يا محمد
شاعر وستظل أستاذ شعر
مفردات ومعاني جميلة وحبكة شاعر قوي
وأنت يا محمد لك مستقبل أن قاله الله
وتقبل مروري







الوافي انت يا بو عيد


واشكرك على الأطراء




ويكفيني اعجابك بالقصيدة





واسعدني مرورك




لاهنت

اقتباس:
المشاركة الأصلية كتبت بواسطة جاسم الديحاني http://www.aljblan.com/vb/dc.net.sa-...s/viewpost.gif
ماشالله

قصيده جميله والله


صح اللسانك







يا هلا بن زعبوط




الجمال مرورك يا الغالي




صح بدنك





ولاهنت

اقتباس:
المشاركة الأصلية كتبت بواسطة بن جبرين http://www.aljblan.com/vb/dc.net.sa-...s/viewpost.gif
صح لسانك ياشاعرنا الحين صار عندنا بدال البحر بحرين ولاهنت يابومزيد على القصيدالجزله








ههههههههههههههههههههههههههههههههههههه




اخيرا بديت تنطق





صح بدنك يا بو باني ولاهنت









اشكرك

صح السانك يا محمد

اقسم بالله اني فرحت يوم شفتك منزل قصيده

ونورت همس القوافي في رجعتك




ختام الحكي.. أستغفر الواحد الرحمن

هو اللي بعطفه من عذابه ينجيني


زين انك ختمت في هالبيت

ودي يسبق ردي