السيره الذاتيه ل نواف ابوشيبه

ياهلا بخوي فهد الجبلي

الله يعافيك اخوي

ياهلا بخوي التوم

الله يوفقنا ويوفقك الى مايحب ويرضى

ووجهك ابيض

:

الله يوفقه وجعل فاله كرسي المجلس
ولو ان بدائره صع ـب ان الواحد يتوقع نتايجها .....

:: العيباني ::
ما قصرت يا اخوي علي هالموضوع
والله لا يضيع اتعبه
..

ياهلا بالاخت ضوح

الله يوفقنا ويوفقج لما يحب ويرضى

فعلا الدائره صعبه صعبه

خاصه اذا كنت لاتعتمد على قبيلتك كقاعده للنجاح

والنعم بمطير الموجودين بالدائره ولكن عددهم قليل

و الدائره الثانيه لاتعتمد على القبليه لان غالبيتهم حضر

ولحضر ايدولوجيتهم تختلف عن البدو ؤلازم يقتنع فيك عشان يصوتلك

يمكن القبيله الوحيده الي عددهم يشكل قاعده للنجاح هم عنزة فقط

والباقين لهم الله

ؤنواف ابوشيبه نازل مستقل ماتحالف ويا احد ؤهذا الشي يزيد الامر صعوبه

الله يوفق الجميع لما يحب ويرضى

والله ونعم بنواف وابوه شايع الله يرحمه .. لكني ملاحظ ان عياله ما مشوا بطريق ابوهم من تواصل دايم مع الجماعه وفتح الدواوين والترحيب بالكل برحابة صدر وابتسامه .. اما من اسباب سقوطه انا بنظري والله اعلم انه ما حسبها صح وركز على ناس مو كفو بالصليبخات والدوحه وهم الصلب .. واخر عمل خير سواه لهم هو تعيين مختار للقيروان منهم .. لو انه معين واحد عنزي ومن ثم تحالف مع مرشحي عنزه جمعان و دميثير كان نجاحه شبه مضمون

لكن عساها خيره له .. ويعوضها بالسنين الجايه

هلا بخوي جبلي وطني

ماعليك زود يالشيخ

بلعكس ديوانهم مفتوح من ايام ابوهم ولازال مفتوح وسيظل مفتوح ان شاء الله

ومعروف ديوانهم على مستوى الكويت مو بس منطقتهم

بخصوص الانتخابات قدر الله وماشاء فعل

يكفي ان جميع المرشحين يحسبوله الف حساب

والدائره كلها كانوا يسولفون عنه وكانوا متوقعينه يكون بلمراكز الاولى

لدرجة ان بعض المرشحين كانوا يوصون ناخبينهم يقطعون عن نواف الصوت عشان ماياخذ الكرسي بدالهم

ناهيك ان ان جميع الي نجحوا بالدائره كانوا متحالفين بينهم ؤبين بعض او مدعومين من تيارات او احزاب سياسيه

ؤنص الي تحالفوا سقطوا ؤنصهم نجح

يعني اذا ماكنت متحالف مع احد اغسل يدك من الكرسي

ؤنواف نزل مستقل مع الاسف وهذي من اسباب سقوطه

وعداد مطير كانت 600 شخص ؤنواف جاب 3300وشويه ؤهذا انجاز بحد ذاته كونك شخص مستقل

بينما بقيت المرشحين قواعدهم تنطلق من 5000 وفوق هذا متحالفين

كما ان نزول ثنين من الشيعه وكانوا متحالفين بينهم قلل الفرص

مشكلة التحالفات بالدائره الثانيه ماتصير علنيه يعني تفاجا اثناء الفرز بوجود هذه التحالفات

ؤبعدين اكتشفت شي يا اخوان ان الحضر عنصريين بالانتخابات

يعني مثلا انا قبل كنت مستغرب ان النائب علي الراشد اشلون ينجح مع ان طرحه يجيب المرض استغفر الله انا آسف على الكلمه وانا اتكلم عن ادائه بلمجلس وليس عن شخصه الكريم

طلع الحضر يصوتوله بس عشانه حضري مو عشان طرحه بلمجلس

والدائره الثانيه دائرة حضر على العموم

ؤبخصوص المختاريه ؤنعم والله يستاهلون عيال وايل ولمختاريه اتشرف فيهم
ؤعلى فكره اخوان نواف من الرضاعه عنوز

على العموم الله يوفق الي نجحوا ويعينهم على حمل هذه الامانه

ؤحنا ماخسرنا كسبنا الوجيه الطيبه الي شرفونا بلمقر ووقفوا معانا والله هذولا هم المكسب

العيباني تسلم على الكلام الطيب.... ونعم فيك وبعيال العم الشيابين كلهم .. اما بخصوص المختاريه هو ما عين عنزي عين واحد صلبي .. وانا لا زلت اقول لو معين عنزي كان احسن واضمن للمعروف لان عنزه ما يضيع فيهم المعروووف خصوصا انهم حسب ما عرفت منك اخوانه من الرضاعه .. ونعم بعيال وايل ونعم في نواف وجماعته.... اما بخصوص انه نزل مستقل هذه انتخابات ما فيها رحمة ونواف له خبره بالانتخابات يوم انه نزل للمجلس البلدي قبل.. كان افضل لو تحالف مع احد وضبط اموره .. لكن لعل الامر خيره له .. والله يعوضه خير ... اتمنى من نواف - ابو احمد- انه يركز بالسنين القادمه بالناس اللي يقربهم منه وانه يحاول يربط ويقوي علاقته بالقواعد الانتخابيه ذات الثقل بالدائره .. وفاله التوفيق ان شاء الله