الجرح.......................؟؟

الجرح.......................؟؟

http://www.movn.net/voices-action-show-id-3253.htm




الشاعر / عبدالله الظفيري بقصيدة الجرح
اتمنى ان تنال على اعجابكم


اللي بقى لـي مـع الأيـام .. وفّيتـه
والضيق لـو ينهمـر تشربْـه وديانـي

ماهي كبيـره علـي والحـزن غنيتـه
وْلاهـي غريبـه إذا وقتـي تحـدانـي

الخوف -يا من نبشت القلب وادميته-
لاعشت زهرة شبابك وانت وحدانـي!!

كم جرح خذْته من الأحباب.. ضمّيتـه
وجروح قلبـي زكـاة لْحُـبّّ خِلاّنـي

مطعون؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاوانـي

صدمه؟ بسيطه ،، هَوان الحال؟ مرّيتـه
مقرود؟ أدري ،، وإذا حرمان؟ عدّانـي

ما فاح هـمّ ٍ لـك الله مـا تقهويتـه
ما مـرّ حـزن ٍ بغيـري مـا تبلاّنـي!

ياما ويامـا مـن الخـذلان .. عديتـه
إلا بصاحبْ .. بعد عِشـره تناسانـي!!

أزريت لأنسـى غيابـه ليـن ناديتـه
والمـوت لامـن تجاهلنـي وجافـانـي

وينه يجينـي .. وكـل عْتـاب كنّيتـه
ياليت يدري بعد فرقـاه وش جانـي!!

من كنت طفل ٍ وانا أرجـاه فـي بيتـه
شيّبت.. واثره على هالحـال خلانـي!

حتى جنـاح العَتَـب لرضـاه ذليتـه
ماطِرْت بعده فـرح مـن ذلّ جنحانـي

يا قلب صبرك .. ترى كل شيّ سويتـه
ما كان أفضل من اللي كـان بإمكانـي

لو بيّ قـوه علـى الهجـران؟ خليتـه
لو بـيّ ذره مـن النكـران؟ يفدااانـي

الجرح أرحم .. إذا يرجع مـن أغليتـه
مجروح؟ فِدوه .. ولكن صعب وحداني!

؟

الموضوع الأصلي: الجرح.......................؟؟ || الكاتب: * جمرة مطير * || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صح الساااان شاعرهاا

ويعطيك العافيه ع النقل الرائع

لا هنتييييييييييييييييي

رائعـــــــــــــــــه حتى النـــــــــــــــــــــــزف ..

دمتي بتألق ..
(*قمرهم*)

أبدااااااااع
صح أختيارج وصح لساان شااعرها
ولاهنتي

يااهلااا فيكم جميع

نورتوووووووووناا

صح السان عبدالله

وصح السانج

وطاب منقولج

وقواج الله

صـح السسان شـاعـرهاا وناقلتــهاا

يعطييجـ الفف عافيــة ع القصيــده الـرائــعة

لاهنتتتتي..

ياهلاا ومرحباا فيكم

نورتونااااااااا