ما ضيّع النسوان يا كود رجال = ولا ضيّع الرجال ياكود نسوه

ما ضيّع النسوان يا كود رجال = ولا ضيّع الرجال ياكود نسوه

هذي القصيده البارح نضمتها

واتمنى ان تنول على اعجابكم

من باب التواصل

ياللي تقـول الحـب سجـه ومـوال = نايم ولا حولك من الوقـت صحـوه
تعال خذ مـن دلـة الحـب فنجـال = فنجال هيلٍ من طبـخ وسـط قهـوه
الحب هـمٍ يطـوي الحـال والبـال = كم ليّـن بقلـبٍ دخـل فيـه قسـوه
لا صار لك نفسٍ لها عـز واجـلال = ولا انته بضاري تلحق الناس رجـوه
جنّب ترا فالحـب مخـرج ومدخـال = ماكل من يدخله يطلع برضوه
وانا عشيري كـل مـا قلتلـه قـال = ابشر وانا كلي علـى بعـض فـدوه
من باب حبـك جيتلـك عـز واذلال = اعطي ولا ني منتظر منـك عطـوه
يعني ملكت القلب من جـال لا جـال = ولا عاد له عني من النـاس غنـوه
يعني ما دام الشـوق بعروقنـا سـال = لاعاد يحسب قيض وقته وشتوه
ضلوعي وقت القيض له ستر واضلال = ووقت الشتاء صدري من البرد دفـوه
ياقـف ليـا وقفـت والقلـب ميـال = وان زدت خطوه زاد فالدرب خطـوه
يعني غلا يعني حـلا مالـه اشكـال = يعني في برج الحـب سويـت نـدوه
ما هو بحب ايميـل وعلـوم جـوال = وكلٍ علـى الثانـي مصـدّر بفتـوه
محتال يلعبله على شخـص محتـال = ولا يروي الضميـان ميـراد رغـوه
حبٍ على غير السنع نقـص واخـلال = ساعـة زمـن يقضيبهـا ذل شهـوه
يا عنك مـا يفـداه لوكـان بريـال = ان كـان ماهـو لاقـيٍ فيـه جـدوه
ما ضيّع النسوان يا كود رجال = ولا ضيّع الرجال ياكود نسوه

اخوكم / ابن ناهس الشـــطــيطــي

الموضوع الأصلي: ما ضيّع النسوان يا كود رجال = ولا ضيّع الرجال ياكود نسوه || الكاتب: زياد المزرمي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صح الله لسان


وصح الله بدنك ولاهنت وتسلم يمينك

واهنيك على هذهي الابيات الجميله

ياقـف ليـا وقفـت والقلـب ميـال
وان زدت خطوه زاد فالدرب خطـوه
يعني غلا يعني حـلا مالـه اشكـال
يعني في برج الحـب سويـت نـدوه

واشكرك من كل اعماق قلبي على اطالعنا على جديدك

وننتظر ابياتك الجديده .



خالص حبي وشكري .

يعني غلا يعني حـلا مالـه اشكـال
يعني في برج الحـب سويـت نـدوه


سويت ندووه يابن ناهس عن الحب الرااقي
بهالابيااات

يعني ما دام الشـوق بعروقنـا سـال
لا يحسب لقيض الزمـان ولا شتـوه
ضلوعي وقت القيض له ستر واضلال
ووقت الشتاء صدري من البرد دفـوه


صح لسااانك واحساااسك اخووي

جزاااله بالمفرده وابدااع بالفكره

دمت بهالتميز اخووي

جزل يابن ناهس

انا من قرات لك اول قصيده وانا احرص على متابعة الجديد لك



ابدعت وامتعت


وقصيده تستحق الاشاده

صح كلك

جميل !




صح السانك يالغالي ولاهنت

كبرياء جبلي

صح بدنك يالذيب

والابداع مرورك وتعطيرك للصفحه

وانا حريص على اطلاعكم بكل ما اراه ان يكوون كفئ لمنتديات

الجبلان واتمنى ان تحووز على رضاكم

تقبل حالص التحايا

جمرة مطير

صح بدنك يالغاليه

وهذا ما نتمناه ان تحووز على رضاكم

والابداع هو مرورك الجميل واطلالتك المشرقه

تقبلي مروري واحترامي

فارس الجبلي

صح بدنك يالذيب

وما عليك زوود

وتأكد ان هذا ما نسعى اليه ان ينظر الى ما نكتب

شعراء بقدر مستواك

تقبل مروري واحترامي

فهد الجبلي

صح بدنك يالغالي

والجميل مرورك المشرف

تقبل مروري واحترامي

صححححححححححححح لسسسسسسسسسسسسسسسسسسسسسسانك


بيض الله وجهك جزززززل