وقعة الدحملية وما بعدها

#1 01-03-2010, 10:55 AM

بسم الله الرحمن الرحيم

(الــد حمـليه )

الدحمليه هي موضي بنت ابن شقير من ادوشان وقد سميت احد الحروب التي خاضتها قبيلة مطير بأسمها وسوف

نتكلم عن هذه الحرب ومسبباتها وتبعياتها وماقيل بها من قصايد
________________

بعد رحيل قبيلة عنزه عن نجد اصبح لاينافس قبيلة مطير احد في نجد واصبحت مطير تمتد على طول

نجد من شرقها الى غربها ومن شمالها الى جنوبها وبسطت نوفوذها الكلي على نجد ولم ينافسها بذالك

احد ومع مرور الزمن برز الزحف القحطاني القادم من الجنوب ولعله اول ما وقع عليه على قبيلة بريه

من مطير ووقعت معركه بين الطرفان في اوائل القرن التاسع عشر الميلادي في منطقة خفس الواقعه

شمال مدينة الرياض ويبدو ان المعركه هزمت فيها بريه وذالك لمقتل زعيمها اّن ذالك صلال المريخي

وفي ذالك ارسلت مويضي البرازيه رسالة تحرض بها سلطان بن الحميدي الدويش (ويقال انها ارسلتها الي ماجد

بن الحميدي الدويش) تحرضه لاخذ الثأر وايضا تنبهه بالخطر القادم على قبيلة مطير كلها كما يتضح بأبياتها

ياراكبن فتانة العين حايل ** من الخفس تمسيبك على جال تبراك

تلفي لشغموم ايداوي الغلايل ** قل ياحامي الذلان صلال يفداك

نجد حميناها من اولاد وايل ** واليوم عدونا سكن وادي الـراك

أما احتمينا ها بحد السلايل ** والا عطينا الشـاه ذولا وذولاك

وقـــد فزع الدويــــش لنجــدت بريه وحمــاية نجــد من الطامعــين الجدد والتقى الجمعان في عالية

نجد مطير بزعامة الدويــش وقبيلة قحطــان بزعامة ابن قرمله (ناصر او خالد ابن قرمله كما هو متبين بالقصائد)

وقد ساق الدويــش عطفة مطيــر وبها الدحمليه بنت ابن شقير الدويش لما لهذه الفتاة من مكانة رفيعه

دون سائر بنات الدوشان ولكن نظر لما تمتاز به قبيلة قحطان من كثر العدد والعده شائت الاقدار انت تهزم

قبيلة مطيــر وسلبت عطفة الدويش بهذه المعــركه وقال دعيث المنجلي السهلي وكان اّن ذاك اسير لدى

الاتراك عندما سمع بهزيمة مطير

قلبي يحب مطير والحب بلوى ** في حبهم لا اسمح ولا يدله البـال

بكيت من فعل الجحادر بعلوى ** جمع الجحادر حد علوى على الال

بكيت وابكيت انا ضلعان جلوى ** وكتور جمران من الدمع سيـال

من لامني في حبهم جعل يلوى ** في حبهم لا اسمع ولا اطيع عذال

وبدأت بعــدها قبيـــلة مطيــر تستعـــد لاخذ الـــثأر ولكن قبـــل وقـــوع معركة التي تسمــى ثار الدحمليه

وقعت معركه في عالية نجد وبالتحديد بالدخنه ومن خلال القصائد يتضح انها كانت بين جمع من مطير

وجمع من قحطان وكان قائد الجمع المطيري هو الفارس المشهور مطلق الجبعا وقائد الجمع القحطاني

هو حزام ابن حشر وقد انهزم القحاطين بهذه المعركه وقتل ابن حشر وقال ابن مسعر يرثيه

رحنا وخلينا زبون الحفايا ** على نفي في قاعة الحزم نـزال

لاواجملنا اللي يشيل الروايا ** اليانوخوا للشيل وثنات الاجمال

ليته مشاورني واسوق الفدايا ** بمغلافات مايشليـن الاثقـال

ويبدو من القصيده ان ابن حشر اصيب بالمعركه وحمل من الدخنه الى نفي ومات هناك

وقال مطلق الجبعا مفتخرا بالنصر

لا واحسايف سابقي يا هل الخيل ** يازينها لا جات تبار المطيه

مسلوبة الذرعان مركوزة الذيل ** باغ عليها فـك راع الرديـه

ضربت برمح ساطي له شناشيل ** من كف ناصر مهد ينبه عليه

حذفتها في هيئة كنها الليـل ** كلـه لعينـى صيحـة الدحمليـة

خذنا القضا فيها خيار الرياجيل ** حامي عقاب الخيل زبن الونيه

وكان الدويش حين اذن يخطط لمعركة اكبر لاخذ الثأر من المعركه السابقة التي سلبت بها الدحمليه وعند

سماعه ان القحطانين نزلوا على سدير اغار الدويش بقومه فتناوخ الجانبان وارسل ناصر ابن قرمله مستفزع

بهذال بن فهيد الشيباني وعندما سمع بذالك ابو اثنين السبيعي وبني عمر قدموا لمساندت مطير وهزم القحطانين

واتباعهم في هذه المعركه التي سميت بثأر الدحمليه او يوم اوراط .

وقد صاحت الدحمليه بهذه المعركه مطالبه بثأر ولهذا السبب تشجع فرسان مطير لا سيما غنيم ابن شبلان

فقد رماه ابن حشيفان بالشلفا فأستقبلها غنيم برجله وقايه للفرس ثم استوى على جواده فلحق بالفارس

واصابه. وقال عجير ابن طلمس وهو من رفقة مطير كان حاضر المعركه

ياراكبن حر دله بالخاضيـر ** متيهـن كـل الشتـا مـع ربيعـه

يسرح على تقليطت الحوض للبير ** والعصر بين منيصفه والوريعه

تلقى بيوت مدهل للخطاطيـر ** ياحيـف لـولا للنزايـل مطيعـه

ناصر لفانا صايلن بالمظاهير ** يقول من علـوى علينـا هزيعـه

جونا وجيناهم وسقنا المغاتير ** سوق الجلايب يم سـوق المبيعـه

هجن وصفينا عليهـن طوابيـر ** ورد بنـا ورد القطـا لشريعـه

حنا نبيع الـروح دون الغناديـر ** بعنـاه بيعـة رمـة مستبيعـه

جمع الجحادر قدم علوى طمارير ** مايسلمون الا مـن الله شفيعـه

وغنيم قفا بسبايا مدابير ** ووراط سـال مـن اشقـر الـدم ريعـه

والله يا لولا نايفات الشناظير ** ماعاد ينكس من يهـرج رضيعـه

تغانموهن يابسين الحناجير ** وغـدا لهـم عـن الاهـاوي منيعـه

وقال اخاه عوير

ياراكب من عندنا عمليه ** تقطـع رهاريـه السهـل ووعورهـا

ماهسها الراعي يرد رعيه ** ولا مصها وقـت الشتـا قرقورهـا

ترعى من الصمان الى ماويـه ** لمـا الاباهـر عقـب وثورهـا

تلفي لنا يم الفروق حمايل ** اهل سربة يشكـو العـدو دعثورهـا

قل يا هيته جت مع شعيب العوده ** مقرود ياللي ماحضر دافورهـا

الخيل هي والجيش غاد حفـه **والـذود قدمـه طافـح مقهورهـا

نركب عليهم حدب كل مجرب ** وخصبـات عارفيـن حكورهـا

نطعن لعين كل شقحن مـردم ** يـوم القرايـا غلقـت مسعورهـا

ونطعن لعين الي تصيح وتنخا ** تبدا الضلوع وتنثنـي لبزورهـا

ونطعن لعين اللي تصيح وتنخا ** ومغورقاتن بالدمـوع حجورهـا

من بوزت الاوراك ملهوفة الحشا **بنت الشيوخ مضيفه بعسورهـا

ماني بكانيها تراهـا موضـي ** الدحمليـه كنهـا مـن حورهـا

فعولنا وصلت ديار ثويني ** وجنوب وصلت يم هوجـا وكورهـا

ترى الوعد الى جا الخضار محقبه ** اليا نثرت غر السحاب بكورها

وقال اخر

سبة بطانا دفعنا للمطيه ** نضف جنحـان طويـلات ونشـاط

الخيل نعطيها القصب والنسيه ** والمال من كثر المناويخ منلاط

الصبح سقنا ذود ذيب السريه ** وتحاضبوهن لابسين الزقـلاط

عثا بهم قنور والشمس حيه ** وحمى جفيل الخيل عرقات الاباط

بني عمر جونا رجال الحميه ** من فعلهم هذال يـدوس ماحـاط

حريمهم من عقب ركب الحويه ** ركبن حراذين حثاحيث واملاط

_____________