لحظة صمت

لحظة صمت

لحظة صمــت .....}

البارحة بين التوجد والملامة والحنين=وقفت لحظة صمت بين الهم وصدوف الزمان

فتحت بيبان الندم على ملفات السنين=واقفلت بيبان الامل واطلقت للفكر العنان

اخذت لي لحظات مدري وين انا والناس وين=وانا على بالي انا والناس في نفس المكان

لقيت نفسي في دروب الحلم والشوق الدفين=تاية تحت حكم السهر ولهان لين النور بان

رسمت حلمي مثل طفل في عيونه عبرتين=الاوله يتم وقهر والثانية فاقد حنان

وقف على الآمال يهتف يامعين الصابرين=يا صمت بدلت الأمل بالياس والدنيا آمان

ينزف ألم ويطفي بدمعة عيونه جمرتين=ويرسم من الاحلام عرش يزخرفه لولو ودان

تكسرت احلام قلبه في يدين العاشقين=ماله أمل ياكود نظرة حلم من خدر العيان.!؟

خدر العيان وويش هي خدر العيان ام الجبين=لالا عيون الكون كله في ليال الشمعدان.!؟

كل الكواكب مادرت عن صدمت الطفل الحزين=تدرين ولا ما دريتي يا زفرات الجنان

تدرين هذا الطفل منهو يا زهور الياسمين=تدرين هذا الطفل منهو يا زهور القحويان

تدرين هذا الطفل منهو يا عيون الحاضرين=تدرين هذا الطفل منهو يا دقايق يا ثوان

تدرين منهو يالنوايا الحايره هل تعلمين=ان الله اللي خالق كونه بأمره كن فكان

تدرين ولا مادريتي عن يسارك عن يمين=يادانة المشرق وش اللي في بحر سحر البيان

تدرين عن شوك المواجع يا سخيفات اليدين=تدرين عن قفر الصحاري يا سحاب الصيف وان

تدرين عن طعن المروّه يا قلوب المرهفين=ولا عن دموع الشفق لا سمعت صهيل الحصان

مدري دواليب الدهر دارت بكلتا الحالتين=ولا البشر قامت تسوي مثل حرب الفاتكان

تعاظمت روح الطفل في غربته شموخ بين=صمت المشاعر والشجون وكلٍ ماحوله هوان

نادى على ظلم الحقيقه بين صمته واليقين=يصرخ لروحه في يدين ضايعه والعمر فان

يا مملكة روحي تعالي واحضنيني حب لين=تكسر ضلوعي ووقّيها عن ظروف الزمان

وارمي علي حمول قلبك بيّنا سلمٍ ودين=والله ماخونك دامني عالي ما عاين للطمان

لا تنظرين لما مضى يالحايره لا تنظرين=الى متى وانتى على هذا الطغى والغفيان

في ليلة فيها اتعوذ من عيون الحاسدين=يافتنة العالم تعالي شوق واجيلك جنان

الموضوع الأصلي: لحظة صمت || الكاتب: حمداللويمي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

رووووعه آلإبـيـآت ..

أخـتـيـآر جمـيـل ..

وفـآلـك آلـمـلـيون :Pp

تـقـبـل مـرورـى ^.^

اقتباس:
المشاركة الأصلية كتبت بواسطة Beauty
رووووعه آلإبـيـآت ..

أخـتـيـآر جمـيـل ..

وفـآلـك آلـمـلـيون :Pp

تـقـبـل مـرورـى ^.^



آلروعه هو مرورك بمتصفحــي
يعطيك آلف عآآآفيه على مرورك آلرآئع

صـــــــــــــح لــــــــــســــــــــــان شــــــــاعــــــــــرهــــــــــــــــأ , , ,

لاهنت . . . يالويمي على الابيات الجميله بارك الله فيك , , ,

تقبل مروري وفائق الاحترام والتقدير , , ,

تدرين منهو يالنوايا الحايره هل تعلمين=ان الله اللي خالق كونه بأمره كن فكان

ونعم بالله

نص جميل اعجبني واستمتعت بقراائته

صح احسااسك وصح لسان شاعرها

مرحبـــآ وآلله فيكم
ومشكــورين على مروركم الرائع