كان بالامكان ترحم لا تسويبي سواته !!

كان بالامكان ترحم لا تسويبي سواته !!

ذعذع الغربي وجدّد في خفوقي ذكرياته = واحسبٍ مال الهوى بعد (الفراق ) اية وسيله
حسبي الله عد من صام وعدد جمع حسناته = فآخر ليال العشر مع ليلة القدر الفضيله
وعد مانعطى قسيمه فالبلد بأربع جهاته = لين من فعل القسايم ضيّع الساعي حصيله
ما عن المسرى مصد اليا لقى قلبي طراته = اربط حزام الامان ليا سريت مع الدليله
وقولو لساهر لو انه راكزٍ لي كيمراته = ويتقنص واحدٍ رجله على بنصه ثقيله
مادرج جنط كفراته لجل نآوي بكفراته = حالفٍ انه ما يتعدى موترٍ ورّد مديله
خله وعله لو انه كاثرات مخالفاته = نص راتبنا يروح بحظ ميزانٍ يكيله
مالنا ومال الطويله !! واللهم لا شماته = ارجع لمحور حديثي والذي ( قلناه شيله )
قبل ندخل في متاهات الزمن ومعوكساته = بارك الله فالقلم والخير في صانع مزيله
وزي ماقلنا وذكرنا ما رحمت محركاته = لو فالسرعه خطر وايامنا ماهي طويله
الرجل من أجل حبه قد يضحي في حياته = يتفق معنا اناس وفيه ناسٍ مستحيله
المهم انا اتفقنا والبشر كلٍ وذاته = اتفقنا ان الهوى ما يرحم اللي يستويله
كان بالامكان ترحم لا تسويبي سواته = هندسة بعض الجروح مربعه والمستطيله
انت تدري بأن شوفك للمريض مسكاته = زي ماتدري بأن الصد أحر من المليله
نزف جرحي ما يبا الا دمك اللي من صفاته = ينعش عروقي لو انا كل واحد من فصيله
والسبب قالو لي انه ( ياغلاته !! ياحلاته ) = كان مانت مصدّق وتبغى على هرجي دليله
والله اني احسد الباعوض في بعض حركاته = فوق جلدي لا ركز منقاره وعلق بذيله
يستلذ بدمي اللي من طرفك مكوناته = اعتبرها زي ما ودك ولا فالامر حيله
الهوى خلّف ضحايا وان بغيتو منجزاته = كم جريح وكم كسير وكم قتيل وكم قتيله
الحكايه طوّلت والفلم فأول مشكلاته = المحبه من ثنين ويدخل المخرج قبيله

زياد المزرمي

الموضوع الأصلي: كان بالامكان ترحم لا تسويبي سواته !! || الكاتب: زياد المزرمي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صح الله السـانك يازيااد وقصيده جزله من شاعرر جزل
لاهنت
ودمــت بخيـــر

صح لسانك يا الذيب



جزله من جزل




لاهنت

الله الله الله

.
.

صح الله لسسـآنك
ودمت مبدع






..

هالله هالله ..

صح لسانك ..

قواااااك الله ..

لاهنننننننننننننننننننننننت ..

صح السانك يا زياد جزالله الي ابعد حد

كما تعودنا منك

وسمحلي ونا اخوك على التعديل البسيط كان فيها خطاء مطبعي



ودي يسبق ردي

أقف عاجزا عن التعبير أمام الكثير من قصائد شاعرنا زياد
لذا الصمت أحيانا أبلغ من الكلام

صح لسانك وأعتلى شانك يازياد

نص جميل

اسلوب مميز بين سرد وبين شرح معاناه

ولاخلت من الروح المرحه ايضاا

كانك تحكي لنا قصه لكن باسلوب خاص فيك فقط





الهـوى خـلّـف ضحـايـا وان بغيـتـو منجـزاتـه
كـم جريـح وكـم كسيـر وكـم قتيـل وكـم قتيلـه

الحـكـايـه طـوّلــت والـفـلـم فـــأول مشـكـلاتـه
المحـبـه مــن ثنـيـن ويـدخـل المـخـرج قبيـلـه


الابياات الختاميه بقمه الرووعه
لخصت الكثير


صح لساانك الف اخوي

نص استمتعت فيه كثيراا

دمت رااااائع

ما عن المسرى مصد اليا لقى قلبي طراتـه

اربط حزام الامان ليا سريـت مـع الدليلـه

وقولو لساهر لو انـه راكـزٍ لـي كيمراتـه

ويتقنص واحدٍ رجله علـى بنصـه ثقيلـه

مادرج جنط كفراته لجـل نـآوي بكفراتـه

حالفٍ انه مـا يتعـدى موتـرٍ ورّد مديلـه

خلـه وعلـه لـو انـه كاثـرات مخالفاتـه

نص راتبنـا يـروح بحـظ ميـزانٍ يكيلـه

مالنا ومـال الطويلـه !! واللهم لا شماتـه

ارجع لمحور حديثي والذي ( قلناه شيلـه )

من اللي يقدر يشيل هالأبيات الجزلة والا إيتعداه ..


صح لسااانك يا زياد المزرمي على الجزلة وأشكرك جزيل الشكر على إمتاعنا بجديدك المميز ولاهنتتتت ..
تقبل تحياتي..

ما شاء الله

أبيات قمة يا زياد

وصح لسانك مليون ولا يكفون

فـ هنا الأبداع وأتمنى أن لا تبخل لنا بجديدك

تقبل مروري

فهد عيد الجبلي