المجلس

المجلس

المجلس

قصيده للشاعرمبارك الوديع الجبلي المطيري ابو لافي

انا مزاجي علي صعيب وادريبه=ماينسجم خاطري مع بعض الاشكالي

والمجلس الي على البيلوت والغيبه=مارغب مجيه ولا يرتاحله بالي

والنفس لو جيتله ماهي بتسليبه=اخير من جيتي لو اقعد لحالي

والانترالنت مرغب في هناديبه=والتلفزه مرغب لفلمه والامثالي

ارغب مجالس رياجيل(ن) لهم هيبه=والدين بصدورهم له منزل(ن) عالي

رجالهم عارف(ن) دربه وماوجيبه=طيب وعاقل ولابه كبر وهبالي

وليا استشرته يفيدك من تجاريبه=مجرب الوقت بين المر والحالي

وليا هرج هرجت(ن) في حق ومصيبه=ماهو بعض ناس بس لسان وازوالي

يوم(ن) خطو الرجل لو ينتصف شيبه=دايم لسانه تقول لسان دلالي

يبحث عن العلم الاقشر دوم ويجيبه=ويقول جبت الخبر وكاد بالحالي

وتفريق الاصحاب هو غايت مطاليبه=جنه على التفرقه يحوش الاموالي

يصلح لراعي النميمه من مناديبه=تلقاه لمدور النمات مرسالي

وخطو الرجل لو ضحك في ضحكته ريبه=يبلج بالانياب وقلبه بالبلا كالي

وانشاف له طيب(ن) ينغث من طيبه=يحسد على الطيب لوهو عم(ن) وخالي

وخطو الرجل ياكثر هذره وتكذيبه=لايعجبك لو لبس بسام وعقالي

عايش مع الناس والعيشه على الخيبه=مايميز الطايله من درب الانذالي

يقوله الي حسب عرفه وتجريبه=وكل(ن) على قد عرفه صاغ الامثالي

وصلو على الي بعث بالحق يدعيبه=شفيعنا في نهار(ن) فيه الهوالي

الموضوع الأصلي: المجلس || الكاتب: ولد القيصومه || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

عليه الصلاة والسلام

وصح لسان ابولافي

لاهنت بارك الله فيك على الايراد بارك الله فيك

تحياتي لك بود

صح لسان شاعرها
ولاهنت ع الطرح

صح لسان شاعرهاا

وتشكر على هالنقل الجميل