قصيده رائعه ل علي الريض

قصيده رائعه ل علي الريض

السلام عليكم ورحمة الله وبركاته
قصيده رائعه للشاعر علي الريض المطيري .. ماشاء الله كل بيت افضل من الثاني .. صح لسانه واتمنى ان تنال رضاكم واستحسانكم
ياللي تبي تعرف اسراري وعنوانـي = الحزن والضيق واللوعـه عناوينـي
وان كان من جد يا بن الناس تبغانـي
= في كل لمـة حـزن يمكـن تلاقينـي
يكتبني الضيـق واللوعـات تقرانـي
= والناي من شرهـة احزانـي يغنينـي
أجامـل الصبـر والايـام تعصانـي
= بالله قلي وش اللـي معجبـك فينـي
فقير يوم ان عز النفـس مـا غنانـي
= كم قلت للفقر عـز النفـس مغنينـي
كم واحدن ما شتمته لجل مـا عطانـي
= وكم واحدن ما مدحته لجـل يعطينـي
يقلقنـي الذنـب لامـنـه تغشـانـي
= يالله مـن الذنـب والغفلـه تنجينـي
مافيه صوتن يخفف عني احزاني
= ا لا ابن شريم لأأأأأم المــصـلـــينـــــي
ما هو بدايم يصير لسانـي ..حصانـي
= كم زلة(ن) من لسانـي صـدق تشقينـي
من صغر سني وانا هالحزن يبرانـي
= واليـوم عمـري تعدنـه ثلاثيـنـي
صحيح ماني بمثل ابـوي واخوانـي =
رغم ان هقوات نفسي نوب تغوينـي
مـا مـد كفـي لكفـن مـا تمنـانـي
= ولاسج رجلـي بدربـن مـا يودينـي
ما كذب لكن اتجمل بعض الاحيانـي
= يوم ان ها الكذب صاير شي روتينـي
في ظروف ازرف عزيزن ما تناساني
= وفي ظروف ادور مزرفني وناسينـي
اعرف نبض الجفا في وجيه عدوانـي =
واعرف نبض الغلا في اللي مواليني
والطعنه اللي تجي من صوب صدقاني
= اقسى من الطعنه اللي مـن عدوينـي
كم مرتن مات دمعي داخـل اجفانـي
= وكم مـرتن اتفـه الاسبـاب تبكينـي
كذاب لو قلت شعري يوم ما شقانـي
= احيان يسرق منامي من جفـن عينـي
اكتب قصيدي عشان عيـون خلانـي
= ومرات اجامل عشان ارضى محبيني
هذا اعترافـي وانـا مانـي بندمانـي =
ممكـن ابصـم او التوقيـع يكفينـي
الشاعر علي الريض المطيري
اشكركم على المتابعه ... وسلامة قلوبكم

الموضوع الأصلي: قصيده رائعه ل علي الريض || الكاتب: ذيب المساري || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صح لسان شاعرها...وتسلم يمناك على النقل ..اخوي ذيب المسارى

تقبل مروري..

دمت وووووود...

شكرا على النقل العذب


وصح لسانك ولسان الريض



وتقبل تحياتي

كم واحدن ما شتمته لجل مـا عطانـي
= وكم واحدن ما مدحته لجـل يعطينـي

اعجبني هذا البيت لان بعض الشعار
اخذوا الشعر وسيله لكسب المال
و مدح من لا يستحق