غليوووون (( فهد عافت )) !!

غليوووون (( فهد عافت )) !!

الغليون
شعر:
فهد عافت






الغليون
التتن في الغليون
قدّاحه ويجمّر الغليون

ـ ـ ـ

كانت ثاني بنت ..واحلى بنت
تلبس نظارات في الدينا
احلى نـظــّارات ، وأحلى عيون
والموسيقى - آخر الشارع - :
خضرا ..
كان الاخضر للحين
ماروِّض واختار يصبح لون .. !
كان الاخضر : رغبة الأشيا ..
بالاشيا !
والأزرق استدراج ..
صبح لتأويلات أوكرديون
يغزل عُري هبوب غصن لبنت
مايعربها مُبتدا الدراق
مايسكبها مُـنتهى الليمون

ـ ـ ـ

الغليون
التتن في الغليون
قدّاحه ويجمّر الغليون

ـ ـ ـ

كانت ثاني بنت .. وأول بنت ..
تصبح ثاني بنت .. واغرفني
من جمر مراياتها : فنجان
يتكحل بانفاسها بُــني
واتكبكب في قاعة الصحن اتْ
.......................... ك
.......................... ب
.......................... ك
.......................... ب :
عصفور.. وفضا .. وغصون!
ويتدلـّـى فيما تذيّر من
فاكهتي : برق .. وتسيل مزون..
وياخذ حزني شكل حرف النون..
حزني اللي ايامها .. ماكان
مراقب بالرادار .. والقولون
ماكان براتب عشرة الاف..
يشوف ان ابرك مايكون الهون..!
حزني اللي ماكان يتفبرك
حزني اللي ماكان يتجمرك
حزني اللي ماكان ( خوش وليد )..
حزني اللي ماعدت انا حزنه..
كان الغصْبْ يصير غصْبْ شلون
يرد الغصْبْ يصير غصْبْ..
شلون ؟
واتكوكب في طاعة اللحن .. اتْ
............................. ك
............................. و
............................. ك
............................. ب
طفل يطيره بالون ..
للغيمة : كتــّابة الركض/
الفوضى / ..
والخارج عن التفسير
( مثل عيونك
لاعيونك غير )
الغيمة : كتــّابة التشجير، فينا ..
والمنـــّاحة الفرشاة
فرصة تهديل الحمام اللي ..
يفقس: شمس
الشمس : كل عْصِيْر
تكسر قشر الاغنية .. وتطير
( مثل عيونك
لاعيونك غير )
عيونك : حلم الغيم بعيونك!
خير اللهم اجعل الما خير
خير اللهم اجعل الما خير
يامجنون .. الروج يامجنون
راح يُفتح باب ( الاصانصير )
انت ماتعقل؟!
- وين اعقل .. ودنيا
- من شلالات الحبق والضي
تحت شحمة اذنك
.. تباغتني
لذتها في العضه الاولى
حتى في التفاحة المليون ... !

ـ ـ ـ

الغليون
التتن في الغليون
وان مر قرنفل بفوضى الدانتيل
يرتب شك اهلها في ..
سهو الليل السايل من ردون
غرفتها .. من خمس ، ست ..
ظنون

ـ ـ ـ

الغليون
التتن في الغليون
قدّاحه .. ويجمّر الغليون

ـ ـ ـ



يتـكـحـل بانفـاسـهـا بـنّــي
ثـانـي بـنـت ..وأوّل التكـويـن
اتذكرنـا .. كـنـت انــا ظـنّـي!
وكانت هي : آخـر .. حـدود التيـن
قرنفلـهـا المبـحـوح يسـكـنّـي
كن فمـي تحـت اذنهـا .. للحيـن!
نهـدم يـامـا بـيـوت .. ونبـنّـي
بيوت.. ومافـي العـد غيـر اثنيـن
اكتـب فيهـا الشـعـر .. ويغـنّـي
عصفـور المـا .. ويتقنـدل طيـن
وتقصقـص .. ماينكـتـب عـنّـي
وتقراني لي ! واسكـت .. وبعديـن :
اتفلسـف .. واكبـر علـى سـنّـي
افتـح لـ" البلوريتاريـا" قوسـيـن
أحكـي عــن "ناتالـيـا " كـنّـي
متأثر عـن جـد فـي ( بوشكيـن )
واشتم "طـه حسيـن " يعنـي انّـي
فاهم .. مثلي مثل .. " طه حسين " !!



ـ ـ ـ

" طه حسين ": القطن
والسربون
واهدي حكاية سلم في التاريخ :
مشيخة الازهر .. ونابليون!
واتذكر: قدّمت اوراقي
حتى ادرس في الجامعه لكن
مدّ .. لسانه حضرة القانون!
رح منك لله يا القانون
رح منك لله يا القانون :
يا( ولاّده ) ليه ( ابن زيدون )
ترفضه ابواب النقوش اللّي
حاول فيها يرسم عيونك
في لوز استرعى لهاث الشدو؟!
رح منك لله يا القانون

ـ ـ ـ

الغليون
التتن في الغليون
قدّاحه .. ويجمّر الغليون

ـ ـ ـ

في التِّيه المترامي الكربون
يحتاج العازف لصدفة نفي
يتشبَّث في ذاوي التلويح
منها .. لين تصيـّره عرجون
يحتاج العاشق سفالة شرخ
او .. يفشل في فهم ما استرخى
من هذيان اغنيته المشحون
بلحم الجنيَّات والصابون
في التيه المزكوم بالديزل
وبسينما ( سلفستر استالون )
يحتاج التاجر لبكتيريا ..
موسيقى الجُوَّاني اللي فيه
تتكاثر عكس اتجاه زهور
بلاستيكَه .. واكياسه النايلون
يحتاج الرمان .. "دكشنري"
حتى يعرف كيف يتفرفط
بين ايدين الكنكريت الدون
في التيه المترامي الهلع .. و ..
ثاني اكسيد التلفزيون!
يحتاج الخابز طحين الحبر :
جوع ..,
ويحتاج القـُمر لسنون
يحتاج الطالب
" فهد عافت نواف " .
ان يقول : " ياخالي
لو تعرف وش كثر انا ممنون
لو تعرف وش كثر انا ممنون "

ـ ـ ـ

الغليون
التتن في الغليون
قدّاحه .. ويجمّر الغليون

ـ ـ ـ




نخ العاشق والسحاب اذعـنلشروط التوظيـف بالخـردل
قل " للمكرويف " يتفـل نبـحصافرة التسخيـن والمُلغـى
مافوق كتوفي وتحـت الامـرراسي اللي له كم سنه مركون



ـ ـ ـ




كانت بنت يراود المـا عـن ..- غبشتها فواحـة البرغـل -
نفسه واذكرهـا نوتـه بذبـحبعذر الما لو ازبـد .. وارغـى
رمت " بلوزتها " وسال الجمرقالت : جيتك صِرف وانت بهون



ـ ـ ـ




من لحظتها والبحـر ارعـنيسهرها ليـن السمـا تبتـل
عاشق حاشا شيمته عن كبحياسيدي قل : للكحـل يطغـى
وش سلطانين الكرى والخمر ؟خـدّام و سلطانهـا مصيـون



ـ ـ ـ




كان يجوز لكحلها شرعاًياخذنا من غير مايسأل
يغسلنا في برتقالة صبحويودينا وين مـا يبغـى
ويخلينا هناك طول العمرنسبح في دريِّها المكنون



ـ ـ ـ

لو ظلينا هناك طول العمر
نسبح في دريِّها المكنون
في الشغب القادر على استنفار
لغط الفورى من قطا روحي

ـ ـ ـ

الغليون
التتن وجروحي ..

الموضوع الأصلي: غليوووون (( فهد عافت )) !! || الكاتب: جزاع الجبلي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

كانت ثاني بنت .. وأول بنت ..
تصبح ثاني بنت .. واغرفني
من جمر مراياتها : فنجان
يتكحل بانفاسها بُــني

؟؟؟؟؟؟؟
؟؟؟؟؟

جزااااع
الله علييك
الله علييك
؟؟؟؟

شاكر لج جمرره ع المرور