مـحـمـد خـلـف الـخـس

مـحـمـد خـلـف الـخـس

يقول وفي يوم الشديد مريت من قدام بيت أهلها كني أبا اروح يم الناس اللي على البير يسقون حلالهم يقول ويوم تعديت البيت وهي تطلع من خلاف البيت وتشر لي على قلبها .
قلت منهو له : قالت : لك
قلت واللي محجرينه : قالت أبوهم بعشرين ضو
فخرجت أمها ورأتنا ثم قالت لعل عينك للطرفة ما انت بيم الشديد والقامة ثم أخذت عصا تريد تضرب البنت ثم استحت ورجعت

بلاه ياهل البيت لا تشلعونه = خلوا عيوني من حبيبي تروى
ثم لا تهوزونه تبي تضربونه = جعل اليدين اللي تطقه تكوى
جسمه حريرٍ لو تبي تلمسونه = مثل النفل لو تلمسه لمس ذوى
غروٍ نياشين الغلا في عيونه = يضحك ويشر لي على القلب جوى
يقول هذا لك ولا يقربونه = وأبو الذي يزعل بعشرين ضوى
وأنا مليك رضاه ماجوز دونه = قلبي معه بيديه من حيث موى
حيث اني افهم ماخفى من ضنونه = وأدري بقلبه من قديمٍ وتوى
وأخشى عليه من العرب ينظرونه = أنا أشهد ان اللي مسويه سوى
نبنوب موزٍ مايلاتٍ غصونه = عرقه من الجم الزلالي تقوى
والخد براقٍ تكاشف مزونه = مثل المشاعل من مقاديم نوى
عنق الغزال مخلعاتٍ متونه = والثوب من قفوه عليه يتطوى
في خاطري ما فالبشر مثل لونه = مما خلق ربي من آدم وحوى
الله على من شد مجمع قرونه = وأكنى عليه وفي رقبته تلوى

الموضوع الأصلي: مـحـمـد خـلـف الـخـس || الكاتب: سعود بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

سعود بن لامي


يسلم احساسك واختيارك للقصيدة العذبة الرائعة

للشاعر الكبير العلم ....... محمد الخس .......

من تميز الى تميز اجمل اخي ........ لاهنت


تقديري وتحياتي

اخوكـــــــــــــــ

سلطان الجبلي