روائع . . وليست رائعه / / محمد عوض بن سرور الديحاني المطيري

روائع . . وليست رائعه / / محمد عوض بن سرور الديحاني المطيري

السلام عليكم ورحمة الله وبركاتو

هذه مجموعه من روائع شاعرنا المعروف والمتميز محمد بن عوض بن سرور الديحاني المطيري


نقول محمد بن عوض بن سرور فيتماثل الشعر طربا ليأخذنا إلى عوالم الإبداع الحقيقي مع رمز من رموز الشعر في الخليج تجد عندما تقرا له نصا شعريا انه يرسم بريشة الكلمات لوحة ملونه بالمعاني الجميلة
فهو شاعر يعرف مفاتيح القصيدة الجزلة التي تمتلئ بكبريا وأنفة الرجل البدوي

يقول :

وكانها وصلت لحمران النواظر
كيف ابإذخر شي ما عمري ذخرته

بيت من قصيدته التي يقول فيها

والله انـي ذاكـر ومانـي بذاكـر
وأكثر اللي فات عمـري ماذكرتـه

اذكر أني كنت أجازف كنت أغامر
وكل دربٍ يتعـب الهقـوه عبرتـه

وأذكر أني كنت قبل اكون شاعـر
والشعر لو ماشعربي مـا شعرتـه

وأذكر إني كنت اصيد وكنت شاطر
وكم غزالٍ مرنـي عجـل وعثرتـه

بس عيبي كل عيبي كنـت أكابـر
ومن يصد بنظرتـه عنـي حقرتـه

ليتنـي .. ياليتنـي يابنـت خابـر
كان عيبي يـوم صادفتـك سترتـه

لين تروى من محاجرك المحاجـر
وأن روت رديت للستـر وشكرتـه

إنتي اصلاً شي ماهو شـي عابـر
كـم تمنيتـه وكـم ليلـه نطـرتـه

ودفتـرك لا يابعـد كـل الدفاتـر
اعتبرتـه ليـل عشـاق وسهـرتـه

شاعره ويعج بك عطـر المشاعـر
مرهفه وإحساسك المرهف عمرتـه

جوهره مأنتي مثل كـل الجواهـر
يا حلو فيـك القصيـد ليـا نشرتـه

وكانها وصلت لحمـران النواظـر
كيف ابإذخر شي ما عمري ذخرتـه

ويكفي إنك ذاكره والوقـت ذاكـر
وإلا انـا ياكثـر غيـرك ماذكرتـه

من هذا الجمال إلى جمال أخر ومن جزل إلى أجزل فهو لا يقدم إلا المميز دائما

إليكم هذه القصيدة:

تبسميي يـا باشـة البيـض والسمـر
وشعـاد باقـي للخـجـل ياخجـولـه
سمي فدك العمـر يابهجـت العمـر
عمـر تزاحمبـه اسلـوم الرجـولـه
تدلـعـي تدلـلـي امــري امــر
اللـي سواتـي مايـحـب بسهـولـه
فيك اكتشفت ان البرد داعب الجمـر
وان قيـل لا قولـي محمـد يقـولـه
ودريت عن عشق السراجيف للضمـر
شافن نحل خصـرك ولاهـن بحولـه
ومثل الغروب اطراف حد الشعر حمر
والا جديلـك ليـل ارخــا سـدولـه
كني اعرفك يوم كان الحصـى تمـر
وانتـي نهـار القـاك مـادار حولـه
يابنت هذا العشق مالـي عليـه امـر
سحر الانوثـه جـاب راس الرجولـه

تنحني هامات الشعر وتترجل كل قوافيه وتمتلئ بكل ما هو جزل حينما يكتب محمد بن عوض قصيدة بحجم

الشيخ : ماجد بن عبدالعزيز بن فيصل بن سلطان الدويش

نص جميل جدا جدا يقول فيه

ياعلّ نوٍ مـن المنشـا وميضـه سـرى
تدفه النـود ويـرص إبعضـه ويحـدر
يقبل ولا عقب العـرق الموالـي ورى
تسكر هبوبـه ويـرزم راعـده ويخـدر
ويمطر على ديرةٍ للبل مسـاس ومـرى
وربيعها يشرح الخاطر ويشـف الصـدر
ومع ذا وفيها لحمـران النواظـر ذرى
شيخٍ علـى كـل شيخـان القبايـل نـدر
ومطير فالأرض والراس الكبير إخشرى
من فيصل إليا العزيز لماجـد إليـا بـدر
قول: الدويش وتلاشى في نظرك أومرى
وتروح كـل الأسامـي لاذكرتـه هـدر
وياهيه ياللي حمولك كبر هضبة كـرى
والعالم ازروا يفكونـك وحكمـك صـدر
عليك بعيال ماجد وأبشـر إبمـا تـرى
اصغرهم اللي ليـا منـك نصيتـه قـدر
فكوا قيود إسجنا وأغنوا يديـن إفقـرى
ومن عاش معهم لقى جاه و وقار وقـدر
يلومني فـي غلاهـم جاهـلٍ مـادرى
لو شاف عبدالله و واجـه سعـود وبـدر
ولو إن ما أحدٍ كتب مايمدي أحدٍ قـرى
والله جعل ناس فوق وفيـه نـاسٍ حـدر
يقولهـا شاعـرٍ كـم قلـدوه إشعـرى
من كثر ما ورد غبات البحـور وصـدر


*****************


ومن فضل ربي ومن جوده ومن خيره
إني سعودي ومن هالأرض ومطيـري
وإن كان من حب ربعـه حـلّ تكفيـره
عزّالله إنـي كفـرت وحـلّ تكفيـري

حينما وقعت عيناي لأول مرة على هذين البيتين فـ أول ما تبادر إلى ذهني من معاني جميلة ومفردات بليغة وانتماء حقيقي لوطن ولقبيلة أجد أنني تعرفت من بعد على ملامح شاعر قلما يجود الزمان لمطير بمثله وكأنما شاعرٌ من ذاك الجيل هو من نظم هذه الأبيات

ياعـلّ نـوٍ تكاشـف فـي مزابـيـره
وتسوقـه النـود مـن قِبلـه محاديـري
ينثر على دار اخو جـوزا شخاتيـره
اسبـوع والغيـث رذراذ وشخاتـيـري
وإسبوع والصلب كاسيتـه مخاضيـره
وإسبوع وتبـرّك إضحـيّ المعاشيـري
وإسبوع والعشـب متشابـك نواويـره
يعني شهر حسب تصويـري وتقديـري
ويالله ياللـي بيـدك الخيـر والخيـره
يارازق الداب وسـط الغـار بالطيـري
تعـزّ مـن عزّنـا بإسمـه وتقـديـره
الشيخ نسل الشيـوخ أهـل الأساطيـري
فيصل ولد بندر الفيصل ومـن غيـره
اللي ليا شار مـا أحـدٍ غيـره يشيـري
دويش الأمجاد شيـخ الشمـل وأميـره
من قبـل لا تطلـع شيـوخ الدنانيـري
من راس بندر وبنـدر طيـب السيـره
هميلـعٍ رجـع الشـهـب المدابـيـري
وحفيد من ترعب البصـره طوابيـره
ويفنـي طوابيـر ويفـرق طوابـيـري
اعظم سلاطين نجد اشهـر مشاهيـره
الهـارف إن كـان تقـرون التقاريـري
يقود حمرا مطيـر ويبخـص مطيـره
ومطيـر فريـس ورمـاه ومناعـيـري
واليوم هذا الدويـش بحسـن تدبيـره
عليـه خطـلان الأيـادي مسايـيـري
مطير لرضاه مـن ديـره ليـا ديـره
على الجيـوب ويسوقـون المظاهيـري
ويوم إن كلـن يمـاري فـي مغاتيـره
شوفوا مغاتيرنـا يـا أهـل المغاتيـري
وضـحٍ وبرهـن لـو اشبـه دواويـره
عقـود الألمـاس فصـدور الغناديـري
وهذا المزايـن بيجـي مزايـنٍ غيـره
وباكر تشوفون ويش اللي يبـا يصيـري
وعقب استوى القاف والطرق لشواعيره
شديت هالطرق مـن فكـري وتفكيـري
ومن فضل ربي ومن جوده ومن خيره
إني سعودي ومن هـالأرض ومطيـري
وإنكان من حب ربعـه حـلّ تكفيـره
عـزّالله إنـي كفـرت وحـلّ تكفيـري
وليا افتخر كل شاعر فـي جماهيـره
اطلـق جماهيـر فالساحـه جماهيـري


*********


أحيانا تتداخل جميع المواضيع ويمر الشاعر من خلالها بلحظات لا يدري عما يكتب
أتدرون ماذا قال محمد عندما عاش هذه اللحظة

( ليت الهوى مثل الوغى شلف واسيوف )

والله مدري وين اوجـه يابـو نـوف
كـل الـدروب مجـوده وامحمـيـه
وانا على خبرك معي حزمه احروف
لـو تنفجـر ماضـاع منهـا شظيـه
احلام وآمال وطموحـات واظـروف
والذيـب يقنـب والمطـيـه مطـيـه
والخوف والله مادخل قلبـي الخـوف
الا مــن الـلـي عـالـم بالخفـيـه
والجادل اللي حبها ساكـن الجـوف
جعلي فـدا( ن) لجدودهـا الواصليـه
مثل المها مرت على مـدت الشـوف
مادونـهـا الا سهـلـه جـرهـديـه
ان وقفـت جاهـا ثمانيـن ملقـوف
*
وان روحت ضاقـت علـي الفضيـه
اشوفهـا واصـد ماكنـي اشــوف
*
والعـذر ياشرهـت سنـام وطمـيـه
وادريبها ترزم من الشوق واتشـوف
وانـا عليـهـا اجـرهـا سامـريـه
والياس من راسي له اسنين محـذوف
وخيـط الامـل عيـت تنوشـه يديـه
ليت الهوى مثل الوغى شلف واسيوف
والله لصير ( اغنيـم ) فـي الدحمليـه

وفي هذه الرائعة يرتقي ابن عوض بالشعر دائما كما عودنا
هذه قصيدة شامخة من رجل شامخ أتى بها وهو يظهر بعضا من عدم الرضاء في داخلة حتى أينعت رياحين الشعر وحان قطافها :


الشعـر فيصـل حـق والحـق معلـوم
** سيف ليامـن شفـت ماعفـت اسلـه
وللبـدو عــادات وتقالـيـد وسـلـوم
** وللناس مـن مبطـي شريعـه وملـه
وحنا بـدو عـن غيرنـا نفـرق السـوم
** ياطيبنـا لا بـان فالـوقـت خـلـه
وحنـا مطيـر ونفتخـر دايـم الــدوم
** ومن غير اخو جوزاء على الشمل كله
وحنـا بريـه إن كثـروا ربعنـا اللـوم
** والله مـا نصبـر علـى كـل زلـه
بريـه فـريـس وصنـاديـد وقــروم
** وشيوخنـا مثـل الجبـال المطـلـه
والبيـت مـن فاضـل لحمـدان للـيـوم
** والنـاس تلجـي لـه وكلـن يـدلـه
بيتـن قديـم ولـه علامـات ورســوم
** وفي صفحة التاريخ يوضـي سجلـه
وصلال ياما صل روحـه علـى القـوم
** لا قـال لا واجـد ولا قـال قـلـه
وفدغوش يـوم الحـرب لبريـه زيـزوم
** ومـن هيبـتـه قبيلـتـه مستقـلـه
ومن يوم طـاح العـود ومناحـي يقـوم
** ومـن يـوم قـام وقومتـه مسفهلـه
واليـوم ياخالـد غـدوا ربعـنـا قــوم
** كلـن يـزوم وشايخـن فـي محلـه
تقـول ماللـنـاس عــادات وسـلـوم
** وتقـول ماللنـاس مذهـب ومـلـه


تـــــابـــ‘ع

الموضوع الأصلي: روائع . . وليست رائعه / / محمد عوض بن سرور الديحاني المطيري || الكاتب: سعود بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

وفي قصيدته هذه تجد ان القصيدة تختزل في داخلها الكثير من القصائد
{ فيض المشـــــاعر } قصيدة أخذت من البحر صفه الغزارة والروعة

الوسم برقه لاح..لاح وناض..نـاض
سرى..سرى وان على نـوه سريـت
والوبل هل ، وعل لين الغيض فاض
وافيض من فيض المشاعر مافضيـت
ادري على العارض ولا فيه اعتراض
ياليتني يوم استـوى الممشـى مشيـت
افرد له ضلوعي وله قلبـي فيـاض
وأروى وكني في ضماي ولا رويـت
البل ليا وردت ضمى تاطى الحياض
وانا ليا كرعت في حوضـك ضميـت
ياحي وجهك وجه ياصاف البيـاض
وياحي صوتك صوت يا أحلى اوبريت
مشتاقلك ياغض غضات الغضـاض
انشهد انـي عنـك لحظـه ماسليـت
ليت الكويت تصير فعيونـي ريـاض
وليت الرياض تصير فعيونـك كويـت

محمد عوض بن سرور لله دره من شاعر وما أكرم قريحته لجمهوره
فهو لا يقدم لهم سوى الجزل وله في الإبداع عوايد

قصيدة بعنوان

أفـــــضـــل قصيـــــــده قريتهااااا والله ^_^
( عشاني )

الشعر عنزته علـى راس قبـه
جزاه يوم إنه ماعمـره عصانـي
عقب التعب من قاع غبـه لغبـه
وجمع الدرر والي عطيت وعطاني
عرضته لصلف الزمان ومهبـه
هذا مكانـه مثـل ماهـو مكانـي
بس انت ياللي غبت من غير سبه
متى تجي ماقدر فراقـك ثوانـي
تعال طف الواهج اللـي يشبـه
هم الفراق اللي طـواك وطوانـي
تراي انا ياجـرح قلبـي وطبـه
حتى طموحي ما يشابـه زمانـي
ومن حبني ماهو على شرط احبه
إلا انت بك شـيٍ لحبـك دعانـي
تسكب غلاك مع العروق وتصبه
وتضمك لنبض الخفوق المحانـي
حتـى تمكـن فالثقيـل و لعبـه
إلا لعب فينـي وخربـط كيانـي
والمسلم إن ما خاف فالناس ربه
يبـدل الله حالـه لحـال ثـانـي
خايف عليك تطيح لك في مغبـه
وتصبح تعاني مثل مانيب اعانـي
يعني حبيبـك طالبـك لا تكبـه
تكفى إذا ماهو عشانـك عشانـي


وأترككم مع جمالية وروعه هذه القصيدة التي تتطلب منكم الوقف والعودة إليها مرات عده
لتستمتعوا بقراتها والتمعن بمفرداتها

باكر مسافر بس مدري على ويـن
قبـل الـوداع اذكــرك بالوديـعـه
بإلله لأطريت السفـر لا تضيقيـن
اخاف لا ضقتـي تضيـق الوسيعـه
وانا السفر عندي مثـل ماتعرفيـن
طبيعـه و مـحـدٍ يغـيـر طبيـعـه
مثل الزعامه في عيون السلاطيـن
حكـام نجـد مقومـيـن الشريـعـه
ومثل المعزه في نفوس العزيزيـن
اخوان جوزا أهـل السلـوم الرفيعـه
ومثل البشاشه في وجيه الجماليـن
زحول الرجال أهل النفوس المطيعـه
ومثل التفاخر في طبوع الشعاليـن
بأمجـاد أهلهـم والحصـون المنيعـه
يعني طلبتـك ياعـذاب المزاييـن
لا تطلبينـي شـي مــا أستطيـعـه
إليا غدى الصمان مثـل البساتيـن
وأقفى خريف الصلب وأقبـل ربيعـه
وكلمت ابوتركي طليق الحجاجيـن
وقال الوعـد روضٍ شمـال الرفيعـه
سريت من دارك على خير هالحين
هالحيـن لا باكـر ولا هـو تبيـعـه
وأليا غدى في عيني الليـل ليليـن
وصوت الهوى صوت السباع المجيعه
ماعندي إيميـل وبريـد وعناويـن
إلا الصحـاري والخطـوط السريعـه
وإليا زملت اذكر فعول الدياحيـن
وأرضى ببعض اللي مضى عن جميعه
يطري علي لافي وهزاع وحسيـن
أخـر رمـوز معنـزيـن النزيـعـه
الدار موحش والجماعـه مقيميـن
والحـر مايرضـى بغيـر الطليعـه
وأنتي مطاليبك على الراس والعين
ما أرضى علي ولا عليـك الهزيعـه
الغدر ماهو من طبوع الأصيليـن
والله يـا منـي ماتجيـك الخديـعـه
بس السفر كانـك بديتـي تلحيـن
يمكـن يجـي بينـي وبينـك قطيعـه
ودامك عشقتيني على الزين والشين
قولي كذا إن ما طاعك الوقت طيعـه
وإليا زعلتي والله إنك لـترضيـن
لأن من شـرى قلبـي يحـرم يبيعـه
وانا بـأقول وسوي اللي تسويـن
غيـر جبـال ولا تغـيـر طبيـعـه

**************************


وإن ما رثيتك عن بني عمي مطير
إني ما عاد أرثي علـي الحرامـا

هذا بيت من مرثية للشيخ جابر الصباح رحمه الله
قدمها بن عوض باسمه وبأسم كل مطير لتعلموا أنه شاعر وشاعر بمرتبة ســفيـر

يقول :


عسى الخيال اللي مزونه مزابيـر
وبلـه علـى دار الصبـاح يتهامـا
دار لهـا قيمـه وشيمـه وتقديـر
من قدر أخو مريم عزيـز المقامـا
مرحوم يافرز الوغى جابر الخيـر
عليـك مـن دار السـلام السلامـا
وينبت على قبرك زهور ونواويـر
ويعطـره ريـح النفـل والخزامـا
حكمك عدل يا أمير والعدل يا أمير
شعبـك تحـت ظلـك بعـزّ يتنامـا
ياما على شانه بذلـت المخاسيـر
وياما علـى شانـه جفيـت المنامـا
وياما تعرضت لمصايب وتفجيـر
وأنجاك ربي مـن عيـال الحرامـا
ويوم الكويت إجتاحها الفجر خنزير
بالغدر ماهـو بالضفـر والحسامـا
حررتها بالعـزم والفكـر تحريـر
والدم والمـوت الحمـر والنشامـا
فالجو طياره وفـالأرض جنزيـر
لين إن طير النصر رفرف وحامـا
وعادت مثل ماكانت بدون تقصيـر
وإسمك سما والشعب بسمك تسامـا
واليوم يبكونك صفـوف وطوابيـر
لأنك لهـم والـد وحاكـم وإمامـا
ويبكن عليك المترفـات الغناديـر
وليـا بكنـك ماعليـهـن مـلامـا
يا أمير يامقدم زحـول المناعيـر
لا طار ستـر مرودعـات الوشامـا
حققت بالحكمه ملاحـم وأساطيـر
ويامـا تعديـت الأساطيـر يـامـا
يابواليتاما من رحيلك وش يصيـر
أكيـد كـل الشعـب عقبـك يتامـا
وإن مارثيتك عن بني عمي مطيـر
إني ماعاد أرثـي علـي الحرامـا
مرحوم يافرز الوغى جابر الخيـر
عليـك مـن دار السـلام السلامـا


وفي احد مزاينات أم رقيبة الماضية وكما هو معلوم كان لمطير حضور لافت ومشرف متمثل في النخبة لأبل بن عشوان
وفرحة كبيرة كهذه لا تنتظر قريحة شاعرنا أجمل من هذه اللحظة لتعبر قائلة


هجوس فكـري ثـلاث أيـام متعبهـن
عـوب(ن) يلجـن فـج الـدرب طولنـا
وانـا أتفنـن وأشرقـهـن أغربـهـن
وأوحي لهن صوت لا أجنبنا ولا أشملنـا
أعـرف وشلـون اطوعهـن وأودبهـن
وأقـول للشـرّد أمهلـنـا ولا أهملـنـا
راع البويضا ذخـر هابـس معزبهـن
الله يجمـلـك ياشـيـخ(ن) مجمـلـنـا
البـل لنـا والفحـل عبـدان ناجبهـن
وحنا هل البل مـن آخرنـا علـى اولنـا
اصعب مشارب ليـا وردن مشاربهـن
وأطيـب منـازل لخطرهـن منازلـنـا
نتعـب عليهـن ونغليهـن ونكسبـهـن
ونفتكهـن وأشهـب الـبـارود ياكلـنـا
واليـوم يـوم إنهـا كثـرت مطالبهـن
نرخص لها النـوط ونمـاري ولا زلنـا
والصفر صفرك ياراع الصفر ما أطيبهن
فـازن وفـزنـا وتجمـلـت وتجملـنـا
يازينهـن يـوم جابـر قـام يندبـهـن
مـن زينهـن شـاش عاقلنـا وجاهلـنـا
هزع(ن) عراقيبهن سنـد(ن) غواربهـن
و أوجيهـه(ن) يـوم شفناهـا تفاءلـنـا
انا احمد اللـي مـا خيبنـا ولا خيبهـن
ومبروك يا مطير والنخبـه علـى اولنـا

************************************
وأنا على موعد غداً فـي محلـه
عن الشيوخ اللي لهم عـزه وشـان

ووعد الحر دين عليه هذه الأبيات قالها محمد بن عوض عندما كان فالخارج
فاتت دعوه كريمه من شخص كريم لا يجد معها شاعرنا إلا أن يقول تــم

يالدلبحي مـن دار الاشـراف تلـه
يوم انت بطرانن وموتـرك بطـران
وانا بغمض وافهـق الكشـن كلـه
وابتنيعـس لـو مانـيـب نعـسـان
من خوف اشوف ام الرموش المظله
وارجع واقول انا على ويش عجـلان
الدرب مثلـك يـا السنافـي يدلـه
والوضع مثلك خابـره يـا كحيـلان
وان دق جوالـي يبـن روق خلـه
يدق لين يمـل مـن غيـر حقـران
ومن ينشدك عني من النـاس قلـه
مشتاق ، ومسافر ، ونايـم ، وتعبـان
والعلـم عنـدك كـل دقـه وجلـه
وقلـي ليـا منـك تعديـت عـمـان
ولا تنشد الزرقـا عـن الـدرب لله
ولا تنشد الازرق عن فـلان وفـلان
وان مرنا المفرق وانا فاطنـن لـه
قل معي يا طري الحيا يا ابن شعلان
وان شفت ليتـات الحديثـه مطلـه
جينا وطنا يـا بعـد كـل الاوطـان
سولف ولـك فـذه وفنجـال دلـه
وهيجن ولك مني طواريـق والحـان
الشعر سيف(ن) للمواجيـب اسلـه
ابهج به احباب(ن) واضيم ابه عدوان
وانا على موعد غد(ن) فـي محلـه
عن الشيوخ اللي لهـم عـزه وشـان
الطيب فيهـم مـن امنـول اجبلـه
متوارثينه مـن قبـل طيـر حـوران
خيالـة الجدعـا نهـار الشكـلـه
واصل بني عمـي طليقيـن الايمـان
والشيخ انا اعرفه واحبـه واجلـه
هذا ندا لا يا نـدا يـا بـن عشـوان
لو منت طيـب يـا دوا كـل علـه
ما صرت يا النادر خوي(ن) لسطـان

وخير ما يختم فيه هذه القصيدة التي تبين أن محمد من القلائل الذين يكتبون الشعر من اجل تفريغ مشاعر صادقة ( علي ) قصيدة لطالما بحت عنها لروعتها وجمالها وانسانيه موقفها وخروجها من القلب وكما تعلمون أن ما يخرج من القلب فهو إلى القلب

يقول فيها :

الورع هـذا لا تقولـوا لـه ليـه
واللي يبي لـو انـه أبعيـد هاتـوه
واليا طلب له شي قولولـه اوكيـه
المطلب اللـي يطلبـه علـي لبـوه
واليا بغى يلعب برجليـه وايديـه
خلوه يلعـب ليـن يقنـع وشيلـوه
واذا قعـد تجمعـوا مـن حواليـه
وان قـام قومـوا كلبوكـم وحيـوه
هاذا اليا ماصرت اشوفه ولا اوحيه
والا لا مني صرت موجـود خلـوه
يا ناس يللـي تخافـون المشاريـه
علـي علـي حبـوه حبـوه حبـوه
اما على شان انـي ابـوه واغليـه
والا على شان اني اغليـه و ابـوه
يا حلـو بابـا لا نطقهـا باشافيـه
ويا حلو تكسير السوالف على فـوه
هذا علي على عضيـدي أمسميـه
قرمن يهلي بالطراقـي اليـا جـوه
اخوي يا ويلي على اخوي ويليـه
واوجد حالي وجد شالح على اخـوه
خلوني ارسم صورته في بناخيـة
واخذوا عيونـي لا بغيتـم وشفـوه
أشوف عمه فيه لا قمـت اناديـه
تكفـون لا منـي تضايقـت نـادوه

للأمانه : منقول من منتدى قبيلة مطير

بيض الله وجهك طبت وطاب منقولك
وصح لسان الشاعر بن سرور

فعلاً روااااائع

اخوي سعود ابن لامي .. بيض الله وجهكـ

عساااكـ سااالم

سلاااااااام

عود الليل . . .

مرورك بصفحتي بحد ذاته رائعه . .

لاهنت يالغلاا

ووجهتسـ . .

لاهنتي أختي جوود . .

لاخلا ولاعدمـ

<<<< شسويت فيني ياسعود على هالقصيد زادت فيني الحميه ولله لوني رجال قطيت عقالي بس الصراحه قطيت شيلتي مسويتها عصابة هههههههههههههههههه


<<< والله يوم ذكر الواصليه وبريه ومناحي وراعي البويضا بن عشوان والله ونعم هابس ياحبني له والله -طرت من الفرح يابختي في عزوتي



عجبني بيت خطيررررررر

سحر الانوثة تجيب راس الرجوله

ياسلام عالبيت داهية وعجبني قصيده الي قاله بشاعر المليون---الشعر عنزته على راس قبه -جزاه يومنه ماعمره عصاني----- اشهدنه البيت خطير واشهدنه شاعر جزل ويشرفنااااا ويشرف برية وواصل خاصتن


والنعم بالجمالين والشعالين والدياحين ووواصل ووبريه ومطير كلها


<<<< اعذروني خذتني الحمية




مبدع مبدع مبدع مبدع مبدع يااااااااااااامحمد بن سروررر


ومشكوووور مشكوووووور مشكووووووووووووووور ياسعووووووووود على حسن اختيارك وحسن ذائقتك

احسنت

ههههههههههههههههههههههههههه


دمعه .... لاهنتي علي مرورتس الكريم

الله يعطيك العافيه ياسعوود ولاهنت




اختيار رائع


ومحمد بن سرور غني عن التعريف والكلمات تجف حبرها في استرسال كل


قصيده له



تحيتي لك

فارس الجبلي . .

لاهنت علي مرورك الكريم


^_^ وفعلآ الشاعر محمد عوض بن سرور . . غني عن التعريف

لاخلا ولاعدم