ضلع حوران ... رديه قويه تاريخيه بين المرحوم فهد الهيت وبدر بن لامي

ضلع حوران ... رديه قويه تاريخيه بين المرحوم فهد الهيت وبدر بن لامي

السلام عليكم ورحمة الله وبركاته

مساء/ صباح

... الخير

أعضاء منتديات الجبلان الكرام

قبل أيام وعدتكم في رديه فريده من نوعها
فكيف لا تكون فريده وهي لشعراء الكل شهدلهم في شاعريتهم
قويه في معانيها مليئه بالبطولات والحقائق والفخر

القصيده لها عشر سنوات ان لم تكن أكثر

ولاكنها لم تظهر الى الشبكه العنكبوتيه
وها أنا اقوم بنقلها لكم
لعلها ترتقي لذائقتكم العاليه والراقيه

صوت فهد الهيت رحمة الله عليه وصدى المبدع مخلاب الشعر كما أطلق عليه

وهو الشاعر بدر بن صاهود بن لامي

أسف على الاطاله

البدايه عند فهد الهيت الله يرحمه

يابدر أنا بنشدك عن ضلع حوران=أبنشدك وأنته تجيب الاجابه
وابنشدك وش صار في ماض الازمان=صحيح جدك يابن لامي رقابه
وابنشدك والناس في كل الاحيان=تنشد صحيح العلم ولا دعابه
كانه صحيح وخابر العلم يانسان=قلي وانا اقول الخبر بالنيابه
قلي تفاصيل الحقيقه على شان=منهو سألني قلت هذا جوابه
ولا فعول ربوعنا ياكحيلان=عندي عليها سكر القلب بابه
عندي فعول ربوعنا يوم الاكوان=يومٍ كلٍ حظه الطيب صابه
يوم كلٍ يفعل الطيب ويبان=فعلٍ يخلد بيننا في غيابه
يوم المراجل طعنة رماح وسنان=شف فعلهم حتى المعادي حكابه
شف فعلهم يذكر على لسان عدوان=فعل (ن) يضاهي فعل يمنى الصحابه
تذكر فعول ربوعنا تحت عنوان=أخوان صبحا خير قومٍ ولابه
جبلان وأنعدو هل الطيب جبلان=ياظفرهم يوم المعايش نهابه
ياطيبهم لاثار بالجو دخان=أرداهم الي فك طرشه وجابه
يشهدلهم قاصي و يشهدلهم دان=ويشهدلهم من جالهم في حرابه
ويشهدلهم من يشكي الوقت منهان=ويشهدلهم عودٍ شحيحٍ زهابه
ويشهدلهم في ساحت الحرب شامان=والسيف لو ينطق شهدلي نصابه
وتشهدلهم شلفٍ وخيلٍ وميدان=ويشهدلهم صم الصخر مع ترابه
يتلون ابو سفاح خيال هدبان=عقيده قومه شيخ يحسب حسابه
صاهود يوم الوقت والناس شجعان=شيخٍ فواريس القبايل تهابه
مرحوم ياعودٍ توفى ولا هان=من شاف فعله شاف قبره وهابه
القاف لوه زان في بعض الالحان=تعجز حروف الشعر عن ذكرمابه
هذي حقيقه عن بعض كل ماكان=تاريخهم ولا بعض ماجرابه
نبذه قصيره عن تواريخ فرسان=يفخربها مثلي صغيرٍ شبابه
هذا وأنا ماقلت زورٍ وبهتان=عاقل وعقلي محتفظ في صوابه
يابدر أنا ياخوك ماني بندمان=يوم أنشدك عن درب جدك مشابه
عطني جوابك وأعرف العلم نيشان=موجز قصير ولا تطول الكتابه
عطني على فعله دليلٍ وبرهان=عن غزوة القايد عظيم المهابه
للشعر بيطارٍ وللشعر فنان=وأنته نعيم الشعر وأنته عذابه
وأنته أميره قايدله وربان=حظك غزيره حظ مثلي سرابه
وصلاة ربي عد ماهل ودان=على نبيٍ شرع ربي مشابه

وهذا رد مخلاب الشعر

يامرحبا با اللي لفاني مسيان=يامرحبا به عد مزن السحابه
واعداد ماينزل مع الوسم هتان=يصبحبه الصمان خضرآ شعابه
واعداد ورد فاح في وسط بستان=وعد الخزامى والنفل في هضابه
جاني كلاما ريحته ريح ريحان=واحلا من الريحان في كل مابه
كلام شاعر قال يابدر حيران=قال الفعول اليوم قامت تشابه
جاني يقول اسآلك عن ضلع حوران=منهو طلع به يابدر واعتلابه
ياحيف ليت العلم منك انت ماكان=ياليت هذا العلم غيرك حكابه
خابرك رجلآ تعطي العلم نيشان=واليوم تنشد علم كلآ درابه
رح راجع التاريخ ياذرب الايمان=كلآ عرف مابه وكلآ قرابه
وشواهد تثبت فعايل بليهان=شيَ صحيح ولا يبيله طلابه
طلبت برهان وانا اعطيك وكدان=رد العلوم ورد عني جوابه
بأرض الحويره يافهد ماض الازمان=لقابها صاهود كسبه وجابه
وترى بطرف حوران سفاح سكان=مدفون والله يا فهد في ترابه
وكم شيوخآ يوم روغات الاذهان=صاهود عشى روسهم للذيابه
ويشهد شعيب صواب كم فيه قطعان=نادى باخو وضحى واخذهن غصابه
والعين تشهد يا فهد دون نكران=صاهود جاها ثم زود زهابه
ويم الاخيظر منتحي عنه سلفان=والذيب جا في رآس ضلع وعوابه
والغزوة اللي يا فهد جالها شان=غزوة ثلاث اشهر بها اتعب ركابه
من معجزات مطير مكتوب عنوان=بـ القبر والغزوة وفك النشابه
قبر العظيم اللي شهد قاصي ودان=فك الدخيل اللي لجا والتجا به
فدغم ترا خيال هدبان لاهان=فدغم عسى كل الحساني ثوابه
وأم رضمه زادت علي القاف قيفان=فعلآ لابن صاهود مابه عيابه
منها خذا الوارد وصادر وعطشان=جاسر ولد صاهود كلن يهابه
بربعه مهديت الصعب يوم الاكوان=من ينطح الجبلان لاوعذابه
كم من هنوفآ تكحل العين فتان=جاها الحداد وزوجها في شبابه
وكم من هنوفن تشتكي بعض الاحيان=تشكي الحليل ودها في غيابه
جوها من الجبلان لاقيل جبلان=ربعي مرملة النسا بالحرابه
من رافق الجبلان ماهو بمنهان=رفيقهم يحسب حساب القرابة
هذا الصحيح ولا ذكر شئ بهتان=موجز قليل وفيه فكري سرابه

أتمنى أنها نالت على أعجابكم

أخوكم / عبدالعزيز بن لامي

الموضوع الأصلي: ضلع حوران ... رديه قويه تاريخيه بين المرحوم فهد الهيت وبدر بن لامي || الكاتب: عزيز بن لامـي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

وكم من هنوفن تشتكي بعض الاحيان
تشكي الحليل ودها في غيابه
جوها من الجبلان لاقيل جبلان
ربعي مرملة النسا بالحرابه
من رافق الجبلان ماهو بمنهان
رفيقهم يحسب حساب القرابة
هذا الصحيح ولا ذكر شئ بهتان
موجز قليل وفيه فكري سرابه



الله يبيض وجهك ياعزيز
وصح لساان الشعاااار
والله يرحم الشااعر فهد الهيت
ويشرفني اني اول من يرد على هالرديه الفريده
الله يعطيك العااافيه
ولاهننننننننننننننننت

الله يرحمهم ..

لاهنت يا عبدالعزيز ...

بربعه مهديت اصعب يوم الاكوان .. من ينطح الجبلان لاوعذابه

عزيز بن لامى

الله لا يهينك على النقل المميز

وصح الله لسان شعارنا

والله يرحم فهد الهيت رحمتا واسعه

وصح الله لسان مخلاب الشعر بدر

أرجوك طلع كل الملفات اللى عندك

عندى ملاحظه (أرجوا من الاخوان المشرفين على الاقسام الشعريه حفظ هذه القصائد فى دواوين خاصه )

مودتى

اقتباس: المشاركة الأصلية كتبت بواسطة فهداللويمي     وكم من هنوفن تشتكي بعض الاحيان تشكي الحليل ودها في غيابه جوها من الجبلان لاقيل جبلان ربعي مرملة النسا بالحرابه من رافق الجبلان ماهو بمنهان رفيقهم يحسب حساب القرابة هذا الصحيح ولا ذكر شئ بهتان موجز قليل وفيه فكري سرابه الله يبيض وجهك ياعزيز وصح لساان الشعاااار والله يرحم الشااعر فهد الهيت ويشرفني اني اول من يرد على هالرديه الفريده الله يعطيك العااافيه ولاهننننننننننننننننت

أبو عبدالله

ووجهك

صح بدنك نيابة عنهم

ولي الشرف ان تمر هالصفحه وتظيف رد راقي مثل راعيه

الله يعافيك

ولانت

شاكرلك مرورك الراائع

اقتباس: المشاركة الأصلية كتبت بواسطة سعود بن لامي     الله يرحمهم .. لاهنت يا عبدالعزيز ... بربعه مهديت اصعب يوم الاكوان .. من ينطح الجبلان لاوعذابه

مرحبا يابو عزيز

ولانت

شاكرلك مرورك يابعدي

اقتباس: المشاركة الأصلية كتبت بواسطة خالد السالم     عزيز بن لامى الله لا يهينك على النقل المميز وصح الله لسان شعارنا والله يرحم فهد الهيت رحمتا واسعه وصح الله لسان مخلاب الشعر بدر أرجوك طلع كل الملفات اللى عندك عندى ملاحظه (أرجوا من الاخوان المشرفين على الاقسام الشعريه حفظ هذه القصائد فى دواوين خاصه ) مودتى

ولا يهينك

صح بدنك بالنيابه عنهم

ههههههه أبشر ياخالد ماني ذاخر شي من الي عندي

وملاحظتك مهمه موجود دواوين لشعراء قداما ولاكن هالقصيده تاريخيه وتسحق الاشاده بها

لاهنت على المرور

سيرة فخر يسجلها التاريخ شاهداً لنا ولاحفادنا قرأتها وكان الفخر رفيقا لي بها صح هذا الشموخ عزيز بن لامي وصح نبض شعراءنا ودام فخرهم

غلا الجبلان كما أطلقو عليك

يسعدني ويشرفني تواجد شاعره بحجم غلا في متصفحي

صح بدنج

وشاكرلج مرورج الذي ضاف الكثير لي ولمتصفحي عزيز بن لامي

لاهنتي

وكم من هنوفن تشتكي بعض الاحيان
تشكي الحليل ودها في غيابه
جوها من الجبلان لاقيل جبلان
ربعي مرملة النسا بالحرابه
من رافق الجبلان ماهو بمنهان
رفيقهم يحسب حساب القرابة
هذا الصحيح ولا ذكر شئ بهتان
موجز قليل وفيه فكري سرابه

ابيض وجه ياعزيز
وسلمت يمناك وماقصرت
صح لسااااااااااان الشاعرين
فهد الهيت الله يرحمه
وشاعرنا المتميز والجزل بدر بن صاهود
والله لا يهينك ياعزيز على النقل
تحياتي لك