نقاش وسؤال حول سبب تسمية فخوذ الجبلان

#1 12-06-2010, 07:27 PM

مساكم/صباحكم
خير ورضى ورحمه ..
اعضائنا الكرام ..
عندي بعض الأستفسارات عن الجبلان ..
واتمنى من الكل يشارك ..
بشرط نتحرى المصداقيه من مصادر موثوقه ..
لكم التالي ..
قبل فتره صار حوار بيني وبين وحده من حريمنا الكبار ..
ذكرت بالموضوع اسم ( المقالده ) بحرف القاف ..
وعلقت هالمره ان ماينقال لهم المقالده بالقاف ..
ينقال لهم المجالده وهذا الصحيح ..
سؤالي ينقالهم المقالده وإلا المجالده ...؟؟
طبعا المعنى بيختلف ..
المقالده جايه من كلمه قلد ..
والمجالده جايه من كلمة جلد ..
هذا السؤال الأول ..؟
وهالسؤال يجرني لسؤال لايقل اهميه عن الأول ..
بخاطري اعرف مسميات افخاذ الجبلان ..
منين جت ..؟؟
يعني اسم الجد الأول وعليه تسمى الفخذ بالكامل ...؟
او هي صفه ومنها جت التسميه ..؟؟
اوكانت لهم قصه ومشى عليهم الأسم ..؟؟
واذا فيه قصه او صفه اتمنى ذكرها بشكل تفصيلي ..
اعطيكم مثال ..
قبل فتره قريت بأحد المنتديات موضوع لولد الحطاب ..
ذكر الأعنه من الجبلان ..
قال ان تسميتهم جت من صفه ..
انهم لاانتهت الحرب يجمعون اعنة الخيل ..
ومنها جت التسميه ..
بصراحه ماادري عن صحة هالمعلومه ..
مجرد ضرب مثل ..
وزبدة الموضوع في هـ السؤالين ..
1/ كيف ينطق اسم المقالده من الجبلان ..
المقالده او المجالده ....؟؟؟
2/ من اين جاءت تسميات افخاذ الجبلان ...؟؟
(القعيمات/ الأعنه / المقالده / العراقبه / اليحيا)
واتمنى ان تكون الأجوبه من مصادر موثوقه ..
وتذكروا انه تاريخ وانساب ..
وان شاء الله فيكم الخير والبركه ..
اتمنى التفاعل من الجميع ..

كونوا بخير من الله ورحمه /
اختكـــــم/
(*قمرهم*)