الشيخ / محمد بن الحميدي الدويش ( الجبار ) ×

الشيخ / محمد بن الحميدي الدويش ( الجبار ) ×

السلام عليكم ..

للآمانه الموضوع منقول للفائده .. كاتب الموضوع الاصلي بنت هايف .. منتدى الصمان


محمد الجبار
هو شيخ من شيوخ مطير وفارس من فرسان الصمان ومن أبرز فرسانها وأشهرهم ..
خاض عدة معارك كبيرة بجانب اخوته ماجد وسلطان وكسب شهره كبيره ..
حتى اطلق عليه لقب ( الجبار ) وذلك لفروسيته وسطوته وهيبته بين القبائل ..
وكذالك تميز الشيخ / محمد الدويش بكرمه الفائق وعطاياه الجزله ..
مما جعل الشعراء يتطرقون لمديحه بعدة قصائد ومن ضمنها هذه القصيده ..

المدح للي يوم الأريـاق كـلاح=لمحمد الجبار مروي السلاحـي
واليا لفو له هل الهجـن طفـاح=يهذون في عثمان وقت المراحي
يعبالهم بنن به الهيل كـد فـاح=وصحون براً فوقها السمن ساحي
ولا انا ويـاك راعـي وفـلاح=بالهرج ولا بالمنافـع شحاحـي

إلـخ القصيدة والحديث يطول ويطول عن سيرة هذا الفارس ويعجز كذالك اللسان عن وصف فروسيته وكرمه ,,
أسمه كاملاً
الشيخ / محمد بن الحميدي بن فيصل بن وطبان الدويش
ولادته تقريباً عام 1836 ميلادي
واخواله الربيعان من عتيبه
ووالدته هي شعاع بنت بن ربيعان ..
قال أحد الشعراء قصيدة بـ 32 بيتاً مدح بالشيخ / محمد الجبار ,, سأوردها كاملة
يقول الشاعر // صنهات بن قبلان الخويطري ..

البارحه كني عـن النـوم منطـور=ياعبيد ماجاني مـن النـوم ماجـاك
الجفن كنه يابن صنهـات مـذرور=وش ولعك يالجفن وش اللي أجـزاك
دنيت لك من طيب الهجن مذعـور=ومولمـن بالحبـل ياعبيـد يتنـاك
بالجت والبرسيم من العـام مبطـور=لما شمخ نيـه عـن الكـور عـداك
والجودي كنه عن الـورك مشـرور=ومحاصرن مالت على حـد الاوراك
وذيله على حـد العراقيـب بالـدور=اما ينـادي هيـك والا بعـد هـاك
ومحني الاضلاع كما حنية الطـور=ومحني الاضلاع كما حنيـة الـراك
ومعـذره ماتلحقـه كـل بـاكـور=لما يتـل مشكـم الحبـل يسـراك
وعينه كما خلاصة الكيـر مكـرور=مثل العديم اليا التحض ثـم راعـاك
وصدره يشدي الباب ناحر ومنحـور=وباعين للسمحـوق ومشـذر أذنـاك
وذرعان طفاحن عن الزغن والزور=وهذاك عن هذا عن الـزور منـاك
وذرعانه الطفاح في غبـة الحـور=من شاف عديه مالـك الله تهقـواك
وقوايمـه حديـد والخـف مسمـور=ياعبيد حاكانـي قعـودي وحاكـاك
يفز من ضرب العصا تقل مذهـور=قعـود تركـي مايـروح مضحـاك
وأدخل على الله لاتحده على الجـور=خل الصلف ياعبيد وهـداه بهـداك
تلفى بيوتـن كنهـا شمـخ القـور=مجالس الفيصل ترى ادناك بأدنـاك
ساعة لفيتـم بأشقـر البـن مامـور=وفل القهـاوي عقـب ذولا وذولاك
وعند العشا ياتيك بالطسل مجـرور=نطل الشحم فوق اليمانـي بيمنـاك
ياسرع مانادا المنادي علـى الشـور=طوال الشوارب تدلك الراي بـادلاك
وياسرع ماشدو على طلعـة النـور=في حذفة المظهور مافي هذا اشكـاك
وياسرع ماراحو ورا نايـف القـور=بضعاينـن كالـدوح منـا ومنـاك
وياسرع ماجازو حريبـن بصابـور=عليه مثل مشنـق الجـزر وانجـاك
ملفاك من يفرح اليا قيـل مخطـور=يابن الحميدي جعل الانـذال تفـداك
ابي ذلولن تعجـب العيـن والكـور=من مد ولي العرش ومن حوش يمناك
عجل بها يازبـن الاكـوان بالـذور=عطية دويشـي ماتثمـن عطايـاك
عطية دويشي صخيـن ومصطـور=اليا طلبته غاليـن قـال كـد جـاك
واركب واماريبك هل الغين والطور=واماري العدوان وافـرح بطريـاك
مجناك من بين الشواهيـق عنقـور=بين ماجد والحميدي وسلطان مجناك
بين الثلاثه مابعـد زدت انـا جـور=أبـو وجـد مخولـن كنـه أيــاك
ومال الردى عليك دربـن ومقـدور=في ذمتي عرق الـردى ماتنصـاك
فليا عطا الله منك تعطـي ومامـور=وان ماعطا الله منك مـاوالله اشنـاك

*****

المعارك التي خاضها محمد الجبار ..

1- مناخ جو ضد عنزه في عام 1274 هـ
2- وقعة الردينيات ضد الشيخ / مبارك بن صباح في عام 1862 مـ
3- مناخ عرجاء ضد قبيلة عتيبة
والتي قال فيها احد شعراء عتيبه قصيدة منها /

بنشدك ياضلع يانايـف الضلعـان=عن الديار الخاليه ويـن أهاليهـا
وبنشدك عن يوم علينا مع المطران=عيال الحميدي والمداريـع تتليهـا

- مساندة ماجد الدويش لقبيلة سبيع ضد العجمان
وقد ذكرها المستشار والباحث التاريخي / عاشق علوى
وأورد قصيدتها والتي منها هذه الأبيات /

جاكم من القبلـة مـزون (ن)نشنـي=يهتال منهن راعـد البيـت والبـاب
رشاشهـن سـو البـلا لامطـرنـي=يشيب منهن جاهل (ن ) مابعد شـاب
ورعودهـن سلفـان (علوا)تـرنـي=نجمع لهم في الحرب من سو الاسباب
أهل فعول(ن) من قديـم(ن) مضنـي=علوا مسقية العـدو كـدر الاشـراب
علوا هل الطولات فـي كـل فنـي=على النقا ماقط هسـوا بالاصحـاب
هـل مهـار(ن ) بالشهـر لبسنـي=يفرح به المظيوم في حـزم كـلاب
لاجاء نهار الضيـق لـه يفرجنـي=يوم الشفايا ما تلاقـى علـى النـاب
وسيوفهم مثـل البـروق إجهرنـي=عاداتهم لاجاء اللقاء قطـع الارقـاب

- يوم دخنه ضد قحطان
6 - مناخ أوراط ضد قبيلة قحطان
وعن هذا المناخ قال المؤرخ / عبدالعزيز بن سعد السناح : بكتابه قلبيلة مطير صـ 165
وقد ساق المطران أباعر ابو بدر الدويش ( محمد الجبار ) قدامهم فكان ذالك من اسباب النصر ,,
وبهذه المناسبه قال ميثان الرشيدي قصيدة منها /

سبـة بطانـا دفعنـا للمطـيـه=نضف جنحان طويلات ونشـاط
الخيل نعطيها القصب والنسيـه=والمال من كثر المناويخ منـلاط
الصبح سقنا ذود ذيـب السريـه=وتحاضبوهن لابسيـن الزقـلاط
عثا بهم قنـور والشمـس حيـه=وحمى جفيل الخيل عرقات الاباط
بني عمر جونا رجـال الحميـه=من فعلهم هذال يـدوس ماحـاط
حريمهم من عقب ركب الحويـه=ركبن حراذين حثاحيث وامـلاط

- وقعة صلب ضد العجمان
والتي قال بها الشاعر / دعسان بن حطاب الدويش

عساك تسلم ياسلايل كحيـلان=وجعلك تنجى من كثر الطياحي
ماتستوي للموت ياطير حوران=مير بعض القول ماله صحاحي

وهناك معارك ومغازي كثيره لم يدونها التاريخ ,,
اما وفاة محمد الجبار فمات مقتولاً بالغدر من قبل قبيلة الظفير ..
وتقاضة له قبيلة مطير وقتلة سبعة شيوخ ثأراً له ..
قال الشاعر فراج الجبلي بمناسبة أخذ ثأر الجبار قصيدة منها

جمع السويط اللي لهم فن وأفنان=خلا جنبهم مثل حذف الهـوادي
سهج جنبهم والجنب فيه شجعان=خذا القضا بالشيخ سبعة عوادي

وله من الأبناء الفارس المشهور / بدر المكنى بـ أبو محمد
اللذي قال فيه الشاعر / زيد بن غيام في يوم المجمعه ..

يومٍ على عرجاء سعوا به مناعير=برد على كبدي لذيـذ القراحـي
سعابه إللي يحتمـل للمخاسيـر=أبو محمد شوق موض الصباحي

وأبناء بدر بن محمد الجبار هم /

1 محمد
2- هزاع

ومحمد وهزاع ورثو شجاعة وفروسية والدهم وكذالك كرمه وسخاه وعطائه الوفير ..
قال فيهم الشاعر والرواية ناصر بن عبيد ابوحواس من ظمن القصيدة التي اوردها لنا
الأستاذ / محمد الشبعان ( قصيدة العشرة ) والتي تطرق بها ابو حواس لمدح هزاع ومحمد ابناء بدر بن محمد الجبار ..

ومنهم ولد بدر الذي يعرفونـه=حرز الذليل بروغة الأذهـان
حرز الذليل إذا أدبرن ثم أقبلن=تجاولن عند الطريـح فـلان
غدالهن في خاطي الحزم عركة=بحدب السيوف ومكعب الجيان
هاك النهار يشاف فعل محمـد=ذيب السرايا مشبع الجوعـان
تشبع مجاويع النسور بساقتـه=والضبعا العرجا مع السرحـان

\\

ومنهم صليب الراي بو عبدالله=خصم الخصوم مخلص الديان
مخلص صناديد الرجال برايه=طقاق راعي الزود بالحنكـان
تخشى صناديد الرجال مصادمه=بازن تخافـه قطـع العقبـان
بازن اذا باج الفضا في مناكبه=ماعاد ضده يكفـخ الجنحـان
واقول في هزاع عيبن فارقـه=ذبح الخروف وفتحة الديـوان

وأسئل الله ان يوفقني وأياكم بما نكتبه ونثري به هذا الصرح الشامخ ..
تقبلو فائق تحياتي واحترامي ..
بقلم .. بنت هايف

منقول . .

الموضوع الأصلي: الشيخ / محمد بن الحميدي الدويش ( الجبار ) × || الكاتب: سعود بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

محد رد علي الموضوع ... !!

المدح للي يوم الأرياق كلاح
لمحمد الجبار مروي السلاحي
واليا لفو له هل الهجن طفاح
يهذون في عثمان وقت المراحي
يعبالهم بنن به الهيل كد فاح
وصحون براً فوقها السمن ساحي
ولا انا وياك راعي وفلاح
بالهرج ولا بالمنافع شحاحي

اشكرك يا سعود على النقل
والشكر موصول للباحثه المتميزه بنت هايف
والشيخ محمد الحميدي من اشهر شيوخ
مطير وفي وقته حصل الصلح بين علوا وبريه ..

تقبل مروري وتحياتي

رحم الله الشيخ محمد الحميدي الدويش ومشكور يا سعود على ذكر مثل هذه المواضيع عن شيوخ مطير التي تحوي الكثير من المواقف الطيبة والقصائد الجزلة
ماقصرت وجزاك الله خير
أخوك سطام

السلام عليكم ورحمة الله وبركاته

الله يرحم الشيخ\ محمد الحميدي الدويش..

والله يرحم جميع شياابنا الي رااح معا الزمان الي رااح هذولا اسااطير لابد انعلم

وانذكر اعيالنا واعيال اعيالنا بهم وومفخره واسأل الله ان يرحمهم جميع ..

مشكور اخوي سعود ابن لامي على جهدك ..

اخوك \ فهد الطوير الجبلي

	الصدقي .. مرحبا ومسهلا.. لاهنت علي المرور الكريم // والله يرحم الشيخ محمد بن الحميدي الدويش (الجبار)

	سطام .. مرحبا ومسهلا // لاهنت علي مرورك اخي الكريم

	الطوير مرحبا ومسهلا ... لاهنت علي مرورك والله يرحم الشيبان