الكسر في وصف القهوه والابل والطبيعه(معلقه)

الكسر في وصف القهوه والابل والطبيعه(معلقه)

الكسر في وصف القهوه والإبل والطبيعه ( معلّقه )



السلام عليكم ..


الظاهر ان باقيٍ على سهيل حول العشرة أيام ،،،

هذي القصيده تهيّض اللي مايتهيّض ، لشاعر أقل مايقال عنه :

شاعر كبير بحق

	هات الـدلال وولّـع النـار ياجـداع عجّـل عليّـه يـاعـدوّ الرخـامـه هات الحطب ياجداع من جبـر وولاع جبـره خشـب وولاع نـاره ثمامـه ولاجاء لصلو النار ياجـداع شـلاّع وشفت الخشب قام يتدانـا صرامـه احمس من الخـولان ياطيّـب النـاع لين النجـاض يبيـن فيهـا وشامـه ودقّـه بشامـيٍّ يجـي لـه تلعـلاع يصحي النيام اليا ارتهج مـن منامـه ثم هات لي صهبٍ يـداون الأوجـاع اللي مـن الصالـي عليهـا سحامـه قفز الغوارب والمقاضـب والأكـواع وجنوبهـا ياجـداع فيهـا هيـامـه لاوقّفـت ياصـاح فيـهـا تـرفّـاع وفيها مثل حـد السيـوف استقامـه صهبٍ مثاعبهن مهاديـف ووسـاع وفيهن على جبر الحديـده ضخامـه سميتهن ياجـداع والإسـم ماضـاع هيفـاء وهيفيـه وشيمـه وشامـه ليا شافهـا اللـي للبغاديـد مـولاع شوّك شعر راسـه وطـشّ العمامـه ولقّـم وبهّـر وانتـبـه للتـسـرّاع واحذر يجي بـك يالبناخـي غشامـه خل المبهّر تهتـوش فيـه الأنـواع بيـن الشقـاره والحمـر والدهامـه أذنّ هاجـوس القصائـد ليـا طـاع يقـرب ليـا فـكّ المهيّـل بـلامـه ويحضر عيون الشعر موجدة الإبداع ومعانـيٍ فيهـا طـراه وجسـامـه تذكّر الماضي وتصحيـح الأوضـاع وحـبّ البـداوه والبـداوه شهامـه يامحـلا لا شيـف لسهيـل مطـلاع وشافوه تـال الليـل يلمـع زمامـه من نجد يزمي فـوق نجـران لمّـاع وشافوه أهل تثليـث وأهـل تهامـه وجاء للهبوب من أيمن الشرق ذعذاع والعدّ عقب سهيـل راعـت جمامـه وفزر هجير القيظ واضفى لها قنـاع على السلم والسمـر مثـل البجامـه والبل تلافت للجمـل وابـرد القـاع وقاموا هل البـل ينزلـون العدامـه والنار شفت لها مع الفجر شعشـاع وقاموا يحزمون الحطب فـي حزامـه من عقبها خمسين ليـلٍ لـه أتبـاع ليـا بكّـر الوسمـي ودلاّ غمـامـه وجاله على ساقان من غرب ميقـاع ويجنـب ولايملـك عريـق الثمامـه ويشمل على القرعاء وبير ابن هزاع وعلى رجـم بـذال يرخـي خطامـه وليا انهمل ودقه ومزنه ضفى ومـاع على قرى الصمّان يبخـص سنامـه لين النبات اللـي يجـي لـه تنـوّاع يفـرا الحـزوم ليـا تملّـت محامـه وضاقت مع المشقر زهازيم الأقطـاع ليا جاك راعي نجـد يدفـع جهامـه بدوٍ تبا المربـاع ثـم جتـك نجّـاع وكلٍ عصب في سلّة السقـس خامـه قامت عطايا الله تضيق ابهـا الأرواع شولٍ يازيـن مـع الحمـاد ادّحامـه أول معاشيهـم مشابـيـع وجـيـاع وراحوا علـى ماقيـل شـدّه وقامـه وشفت العسوس جيوبهم تقرع اقراع اللي مدح واللي قصـر فـي كلامـه مالوا علـى دارٍ للأبـواش مرتـاع فيها يجـي لأهـل الحـلال التمامـه كلٍ معه وايـت وصنـدوق وشـراع ونـارٍ رمادتـه ســواة الـردامـه وذبائحٍ تشرى مـن البـدو وتبـاع وكـلٍ تجهّـد مـاتـردّى مقـامـه أخذوا لهم قامـات ثـم قيّـل الـراع وعن ظهر الركبي يحـذف المسامـه قـرّوا ليـا قامـت تمريـع تمريـاع سـوّى لهـم راع الكرامـه كرامـه ثلاثة أشهـر كلهـا وقـت مربـاع وقامه يا لين العشب يدنـي صرامـه ولاقيل صيفـيٍّ علـى نجـد تنـداع كلٍ صفـط عفشـه وقشّـع خيامـه وتمزّعـوا مـن كـل جـوٍ تمـزّاع بأطرافهـم يكفـى المـدوّر إيدامـه ليا أخذت لي مع سلّة البـدو مـذواع فأنا ماعـاد ألحقـت نفسـي ملامـه هذي طراة العمـر والوقـت خـدّاع وغارات بقعاء ماش منهـا سلامـه وصلوا عدد ماغرهد الورق سجّـاع على النبي وأزكى الصـلاه الختامـه

الشاعر / سهـل الكسر


اللهمّ اغفر لي ولوالدي ووالدي والدي ومن تعب عليّ ومن له حقُ عليّ ولجميع أخواني المسلمين والمسلمات
وأولادي وأهلي وأهل بيتي ومن دخل بيتي مؤمناً وللمؤمنين والمؤمنات ،
تقبلوااااا تحياتي اااااو

راعي سبله

الموضوع الأصلي: الكسر في وصف القهوه والابل والطبيعه(معلقه) || الكاتب: راعي سبله || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

راعي


لاهنت علي نقل

ومشكور وماقصرت