(( فارس )) // (( خـالد ))

(( فارس )) // (( خـالد ))

يقول فارس بن جاعد المقلدي

يالله تخارجني من الناقص ومن فعلة يده=إليا إعترض لي مع صواديف الزمن ، وليالها
الخاين ، أللي في رفيقه فاعلٍ فعل إجحده=باع ، الكرامة بالردى ، خاسر لعزة حالها
فعله ردي ، إمنزلٍ قدره و وجهه سوّده=عينه ، وهو قدم الرجال ، تنظر لماطى إنعالها
باع الخوي ، خان العهد ، لا تامنه ، لا تنشده=طبعه ردي ، كله ردي ، أردى الرخوم ، إحثالها
سلك الحرير ! ، أللي سحر عقله ، مَحكّم بإعقده=إسمه ، سحر كل الرخوم ، إليا عقد بإحبالها
أقولها : وألي رفع سبعٍ بليا أعمده=كل من فعل له كارثه ، يبي يجي يشتالها
أللي ، هبدها بالردى ، يلقى النتيجة ، موحده=يمناي ، بتحاسب فعوله ، دقها وإجلالها
وإليا إنتهيت ، إمصفي إحساباتي ، أرجع وأجرده=من زود حرصي ، ولا هو نفسه أهنت إذلالها
الوقت ، يكشف أقنعه ، كانت دنيه ملّبده=تلبد ، ورى ضعف النفوس ، أو لا تعدى جالها
يا خايب ، إستح ، وإعتدل ، ترى القرار إمعمده=قرار فصلك ، معتمد ، والنفس حفظ إجلالها
وش لي بخوة ، خايبٍ نفسه ذليله ، مؤصده=شالت ردى ، في متنها ياليت ، ربي شالها
يا رب يدعيك إجبلي ، أرجاك يا من أعبده=يا رب أنا فارس ، رجيتك ثور إبزلزالها
دمر كيانه ، دهوره ، يا رب شتت مرقده=هذا ومن مثله ، حرم أرضه مزون إخيالها
يا رب أنا مسرف بهم ، كل الشروط إمشدده=من قسوتي ، تسمع ، ونين النفس ، مع ولوالها
شاعر من الجبلان ، أسمي كل جمله ، مفرده=أشرح ، فعل يمنى الرجل ، بإعرابها وأمثالها
قلته ، وفي حزة غضب حرفي ، لناس إمحدده=غصبٍ ، على إخشوم الجميع ، بفرك خشوم إرجالها
فعل الردي ، ذلّ الردي ، دينن عليه وّسدده=وريح الزمن ، طول الزمن ، ما هز صم إجبالها
تراي من شفت العرب ، تاكل دجاج إمجمده=عرفت ليش ، أنته دجاجة ، برود دمك قالها

وهذا ردي على قصيدته

قريت قافٍ ما أجزله .. من فوق سحب مشيـده ..=.. من شاعرٍ سيّـد حروفـه .. لا تهيّـض قالهـا
ثم ترضخ القيفان طاعه .. لأجـل منهـو سيـده .. =.. هو سيد الجـزلات والله .. والطويلـة طالهـا
الكامل أللي نعرفه .. يـا مسعـده يـا مسعـده ..=.. بالفعل فعلـه طاغـيٍ .. والطيـب رنـة مالهـا
والناقص أللي مـا حسبنـا .. حسبتـه ثـم زوده ..=.. ثم زاد في فعـل الـردا .. محـدٍ درا بأفعالهـا
أللي يخون بصاحبه .. وقت اللـزم يـا مقـرده ..=.. لو شال أمره في يده .. وأعطى هدايا ادبالهـا
والمشكلة وجه الردى .. ننشد على مـن صعـده ..=.. ااالله يجـزااا مـن عطـا .. والله يخيـب فالـهـا
أللي على وضح النقا .. معروف فعلـه نحمـده ..=.. من بعد ربي نحمده .. والله جـزا مـن شالهـا
زول الردي وقت الضما .. نشره على أللي جمده ..=.. والطايله وقت الهدد .. تشفق علـى مـن نالهـا
هذا نحسبه قردهم .. وأللـي قرد مـا نعـدده ..=.. الصفر من تحت العدد .. والصفر ظنـي خالهـا
وأللي بنا طيب وكرم .. قصر الكرم مـن شيـده ..=.. يا كود فعل أهل الكرم .. وأللي سعـا يسعالهـا
السوق مكثر سلعته .. فيـه الصنـوف امحدده ..=.. وإللي يبي يدفع هواه .. يدفـع لبحـر أموالهـا
يبقى على راس السلـع .. الجيـده مـن جيده ..=.. وأللي عجز يدفع هواه .. ينشـد علـى أحوالهـا

وسلامتكم

الموضوع الأصلي: (( فارس )) // (( خـالد )) || الكاتب: خالد الرشيد || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

يا سلام علااكم ..


شعار ممتازين .. ومعاني جزله ..


صح الله السانك والسان فارس ..



والله لا يهينك على النقل ..!

ومن قال يسلم,,,

صح لـسـانكـم واعـتـلا شانكم يا طيور شلوه,,,

رديــــه رائعه من شعراء رائعين,,,


تقبل مروري,.,.,.,

صدى وصوت . . اروع واروع


لاهنت ياخالد . .

لاخلا ولاعدم يالغالي


صح لسااااااااانك

صـح الساانكمـ اخواني جميع

صوت أكثر من رائع يا فارس

وصـدى قمة الجزالــه منكـ يا خالد

الله يحفظكمـ

تحياتي

خالد ماقصرت وكفيت وفيت


والله اني مشتاق لقصايدك ومساجلتنا ههههههههههه



شكرا للجميع على هذا الاطراء الرائع



تحيتي لكم

صح لسان كل من الشاعرين. . .

فارس الجبلي

وخالد الرشيد


ولاهنتم على هالابداع. . .

خالد وفارس الي الامام


وفعلا قصايد جزله واشتركووو بشاعر المليون السنه الجاية



وصح الله السانكم

صوت وصدى ولا احلى من هيك

لله دركما ودر ابيكما
مبدعين ممتعين رااائعين الى حد الترف والجنون
والله شهادتي فيكم مهدور دمها من مبطي انت وفارس
صح منطوقكم جميع
والله لايهينكم
وكثروا من هذه القصائد تراها تنومسني
احترامي السرمدي لكم

اقتباس: المشاركة الأصلية كتبت بواسطة خالد الرشيد     يقول فارس بن جاعد المقلدي يا رب يدعيك إجبلي ، أرجاك يا من أعبده=يا رب أنا فارس ، رجيتك ثور إبزلزالها دمر كيانه ، دهوره ، يا رب شتت مرقده=هذا ومن مثله ، حرم أرضه مزون إخيالها يا رب أنا مسرف بهم ، كل الشروط إمشدده=من قسوتي ، تسمع ، ونين النفس ، مع ولوالها شاعر من الجبلان ، أسمي كل جمله ، مفرده=أشرح ، فعل يمنى الرجل ، بإعرابها وأمثالها وهذا ردي على قصيدته والمشكلة وجه الردى .. ننشد على مـن صعـده ..=.. ااالله يجـزااا مـن عطـا .. والله يخيـب فالـهـا أللي على وضح النقا .. معروف فعلـه نحمـده ..=.. من بعد ربي نحمده .. والله جـزا مـن شالهـا زول الردي وقت الضما .. نشره على أللي جمده ..=.. والطايله وقت الهدد .. تشفق علـى مـن نالهـا وسلامتكم

الشاعر / خالد الرشيد




صدى جميل .. لصوت جذاب


أعتلتيم شعراً بعلو هاماتكـــم


شكرا . . لك بحجم نقائكـ



وشكرا لرقي حضورك



كن بخير أخي ..