[...لهجـة قبيلـة مطـــير ..]

[...لهجـة قبيلـة مطـــير ..]

السلام عليكم ورحمة الله وبركاته
انا حطيت هالموضوع عشـان الكل ايحط كلمات من عنده يعني ابيه ايكون قاموس كامل حقنا يالمطران ,,,,حتى لو كانت هالكلمات يقولونها العبادل ولا يقولونها علوى او بريه نبي نحطها كلها...وابصراحه مدري ان كان غير قبايل ايقولونها لاني ابصراحه يوم اقولها عند احد من قبيله ثانيه مايفهمني ...


مافانت : يعني مافي مثلها (فديتني ) :: هالكلمه تنقال للبنيه::
مافان : ماخبر :: تنقال للولد::
مبدول: يعني خبل
مفنوح: يعني مفهي
الهول : اهي سبه يعني جني ( الظاهر ايقولونها العبادل بس )
السعلي : نفس معنى الهول بس لها معنى حرفي ثاني واهو السعلي (الحيوان) (بعد اظن ايقولونها العبادل بس )
الدحيه: يعني الدبيه اللي تدحدح
الطلايب : الهواشات يعني مثلا نقول( يُمه ردي ولدك عني كل شوي يطالبني [يعني يهاوشني])
عانه:نفس معنى الكلمه الكويتيه كاهو (هذي للولد)
عانيه: هذي للبنيه
عاننه: للحريم
عانوه: للرياجيل
الرياجيل : يعني جمع رجال
طشه: ذبه (للولد)
طشيه: للبنيه
الصهيب : النامس (الناموس)
متفرعن: يعني مستقوي
شاينه : مدري شلون افسرها بس لصارت عيونك باين عليها الارهاق والتعب يقولون لك (انتي وش فيك؟ تعبانه !!علامها عيونك شاينه )
ابك : والله مدري شلون افسرها بس تجي ويا الكلام
مير: للاستدراك
دوخ: يعني ازعاج خصوصا لصجيتي الزول ايقولون لك دووخ
حر: دايم كانت اتقولها جدتي الله يرحمها لشافت احد ينادي او يقنب قالت حر.. سد الله نحرك يعني انطمي لانك ازعجتيه
يقنب : ينادي من كل قلبه كنه محد يسمعه وخصوصا العجز
وطه : يعني اتركه (للولد) ياعلى الطاوله ولا على الارض
وطيه : للبنيه
امهات ونيثي : هذي عاد سبه من قلب طبعا يقصد فيها انك تسبين حريم
ماش لون : يوم احد ينشد وش فيه وكان مافيه شي تقعدين تقولين ماش لون
يلق : يلمع
ارتحلني: امتحلني
تولجني : يعني اذاني اذى يعني غثني
متزبر : اكثر شي ينقال للاشيا متزبره يعني متكدسه
لا كلتينا في الخلا : اهي سبه معناها الله لايوكلك علينا ( للبنات)
عسى عدو عيني يبليه الله مثل بما بلاك :ياعل الانسان اللي ماتدانيه يبليه الله ببلواك
تهبد : تمشي مثل الخبل
بليه : قليل
عينت لي : شفت لي
توح : اسمع
مرزح : يعني قاعد على الكبد يعني ناشب
الجبعه: القصيره
دوك: اخذ
نقه : يعني بس يحن
حلياك : يعني مثلك
و من الامثله :زن ولقاله خرزه : يعني حليا القرد لـ لقاله شي تولجه ومسكه ماعاد يفكه
ام عضرود : يعني النحيفه زي العصله وام عصلوب
ام فق : اللي عد فقها ينكسر من النحف
الفزره : اللي راجعه قامتها على ورا ماادري شلون اشرحهها ( للبنت)
عد : يعني ارق يعني اطلع على شي (سلم ولا درج ولا اي شي )

منقوووووووووووووووووووووووووووووووووول

الموضوع الأصلي: [...لهجـة قبيلـة مطـــير ..] || الكاتب: ريم المطيري || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

تحية طيبة اختى الغالية
ريم على النقل

ولهجة علوى من قبيلة مطير كانت هي المسيطرة في نجد وكانت جميع القبائل في نجد تتحدث بلهجة علوى حتى في شمال نجد

واخذت العديد من القبائل لهجة علوى وصارت تتحدث بهاا

وذلك دليل على قوة وسيطرة علوى ونفوذهااااااااا الكبير في نجد وشمال نجد


اما بني عبدالله وعتيبة لهجتهم واحدة لتقاربهم وتجاورهم بالحدود



وانظري الى موضوع الدراسة عن لهجة قيبلة مطير الموجود بالمنتدى لاخذ بعض الكلمات
وللافائدة



وتقبلي تحياتي ومروري

تسلم اخوي سلطان العوض..

واسعدني مرورك ..

دمت بووووووووووووود..^__^

يعطييييج مليووون عافيه ياريم على الموضووووووووووع

لوووووووووووول كلمات اول مره اسمعها

مشكوره وماقصرتي






ويعطيج العافيه








وشكرا..

منقول رائع شكرا لك اختي على الموضوع الجميل

تقبلي مروري

اخوك
الجارح