راكـب اللي مالعب فيه المكاري

راكـب اللي مالعب فيه المكاري

هذا ما قال الشيخ / محمد بن زيد الفغم في خاله مشاري بن مشرف بن لامي

راكـب اللي مالعب فيه المكاري= جيب لندكروز ما يعرف الحروره
نانسير يم أبو مشرف مشاري= كل ماجينا لزوم إلا نزوره
طيّبٍ للطيب في وجهه مواري= دايمٍ يمناه بالطيب إمخبوره
شيخته ماهي على مثله عواري= يوم إبه شوخٍ بها الناس إمغروره
اسس الديرة على الطرز الحضاري= و إن نخيته ثار ما هو في شعوره
إنتهظ سوات حرٍ للطياري= سِعد منهو فزعته وافي شبوره
أشهد إن الطيب مايوخذ إجباري= مير إله ناسٍ على الشده صبوره
مثل أبو مشرف ترا بالطيب ضاري= لا حضر بالدار يكفيني حضوره
ودك إنه يملك البنك التجاري= يوم أبو مشرف يبا يظهر عشوره
والله إني داريٍّ والكل داري= كل طيب راس ماحد يغط نوره
لا عطاه الله او ساعفه المباري= لا يطاوع شوفت النفس الثبوره

الموضوع الأصلي: راكـب اللي مالعب فيه المكاري || الكاتب: الفغم || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

سلمت يمينك اخوي العزيز على الجهد الطيب وسنتاع جميع ماتقدمه لنا.

بعيد الهقاوي

الله يبيض وجهك على المشاركه الطيبه
الله يكثر من امثالك
ولك كل احترام وتغدير

سلطان الجـبلي
مرحبابك واتمنا من الله عز وجل
إن أكون على حسن الضن بالجميع
ولك كل احترامي وتغديري
لكم جميع والله يبيض وجيه الجميع
والسلام ختام